Información
PROGRAMA
As actividades das Mañás de campamento 2024 están deseñadas para gozar do xogo ao aire libre, sempre que o tempo atmosférico o permita, convivir e relacionarse con iguais.
As actividades estarán adaptadas ás diferentes idades, cun enfoque activo e participativo, e estarán unidas por un fío condutor.
A ciencia, a historia, a música, as artes plásticas e a natureza serán temáticas que se abordarán nos diferentes obradoiros.
Socializar e desenvolver valores de tolerancia, traballo en equipo, integración, respecto cos demais e cara á contorna serán obxectivos transversais destas actividades.
DESTINATARIAS/OS
Nenas e nenos empadroadas/os en Culleredo, de entre 3 e 12 anos matriculadas/os no curso actual en Educación Infantil ou Primaria. É requisito indispensable que as nenas e os nenos teñan habilidades para a vida diaria (control de esfínteres e autonomía para comer).
Nenas e nenos con NEE ou NEAE, deberán consultar as condicións de participación no Servizo municipal de Educación (981665597).
PERÍODOS, HORARIOS, TARIFAS E INSTALACIÓNS (RESUMO)
Consulta os prezos e as bonificacións aquí.
INSTALACIÓNS
O programa Mañás de campamento 2024 realizarase no CEIP P. Vila de Rutis (para o alumnado de Educación Infantil) e no CEIP P. Sofía Casanova (para o alumnado de Educación Primaria).
A asignación de centro dependerá do curso no que a/o nena/o estea na actualidade.
As familias solicitantes asumirán que estas actividades poden sufrir cambios ou mesmo anularse por circunstancias sobrevidas.