Кажух, кажушок, паўкажушак — гэта цёплая зімовая вопратка з вырабленых авечых скур, футра. Вось кажухі пашыць было пад сілу толькі краўцам — майстрам-кажушнікам. Шылі краўцы просценькія кажухі на кожны дзень і святочныя, якія людзі апраналі толькі ў святы і ў госці. Святочныя кажухі аздабляліся вышыўкаю, прыгожымі гузікамі. Яшчэ кажухі былі рознага колеру — карычневыя, чорныя, белыя і рознага крою — прамыя і прыталеныя. Майстравалі краўцы і цёплыя футравыя шапкі, рукавіцы.

Світка — гэта доўгая верхняя вопратка з каляровай шарсцяной тканіны для восені ці ранняй вясны. Шылі краўцы світкі, таксама, розныя па колеру і крою, на кожны дзень і на святы.