LOCALIZACIÓN

As illas Cíes son un arquipélago situado na provincia de Pontevedra ao noroeste da península Ibérica, na bocana da Ría de Vigo, parte das Rías Baixas galegas, formado por tres illas:

Norte ou Monteagudo, Do medio ou Faro e Sur ou San Martíño. As dúas primeiras están unidas artificialmente por un dique, e naturalmente polo areal da Praia de Rodas.

E tamén forman este arquipélago os illotes de: A Agoreira, O Boeiro, Penela dos Viños, Carabelos e Ruzo.

Están orientadas segundo un sistema de fracturas paralelo á costa en dirección N-S. Distan aproximadamente tres cuartos de hora de viaxe en barco e 14,5 km da cidade de Vigo.

Foron declaradas Parque Natural dende 1980, Zona de Especial Protección para Aves (ZEPA) dende 1988. Lugar de Importancia Comunitaria (LIC) Illas Cíes en 2001.