Artikulu-proposamenak bidaltzeko deialdia

Monumenta Linguae Vasconum (MLV) ikerketa taldeak eta Euskal Herriko Unibertsitateak atsegin handiz iragartzen dute Euskararen Historiaren Nazioarteko Lehen Biltzarra (ICHB1, ingelesezko laburduran), Gasteizen 2025eko azaroaren 25etik 27ra izatekoa. 

2025eko biltzarraren gaia "Testuak eta aldaerak aztergai" izango da. Euskararen dialektologia historikoaren eta euskal testuen azterketaren gaineko lanak ere ongietorriak izango dira. Biltzar honen interesekoak izango dira, bereziki, gai hauek:

• Testu-kritika

• Bibliografia materiala

• Euskal autore zaharren testuinguru sozio-historikoa

• Testuen azterketa linguistikoa

• Dialektologia historikoa

• Iraganeko ukipen-fenomenoak

• Soziolinguistika historikoa

• Erdi Aroko euskara: iturri dokumentalak

• Euskararen testu-corpusa: aurkikuntza eta ikuspegi berriak

• Lexikologia eta Lexikografia

Mesedez, bidali laburpenak helbide honetara: mlv.conference@gmail.com. Mezuaren gorputzean adierazi egilearen edo egileen izen-abizenak, afiliazioa(k) eta helbide elektronikoa(k). Adierazi, orobat, poster-aurkezpenerako aukerari dagoen, edo nahiago den.

Aurkezpenak 20 minutukoak izango dira, 10 minutuko eztabaidarekin. Poster-saio bat ere izango da: saio honen baitan poster bakoitzeko ahozko aurkezpen laburrak izango dira.

Bidalketarako epea:

2025eko maiatzaren 16a

[Luzapena: 2025eko maiatzaren 31]

Onarpen jakinarazpena: 

2025eko ekainaren 30a

Biltzarraren hizkuntzak:

Aurkezpenak euskaraz, ingelesez edo edozein hizkuntza erromantzetan egin ahal izango dira.