Kennsluáætlun

Kennarar:
Ásrún Ágústsdóttir & Kristín Klara Gretarsdóttir

Lengd verkefnis:
Fjarkennslan fer fram í 4 skipti, 2x40 mínútur í senn. Samtals 8, 40 mínútna kennslustundir. Þess utan vinna nemendur sjálfstætt heima eins og þörf krefur.

Verkefnalýsing:
Nemendur velja tilfinningu og búa til grímu sem túlkar valda tilfinningu. Tilfinningunni er umbreytt í myndmál og henni lýst með útliti, lögun og áferð grímunnar. Aðferð og efnisval er frjálst og opið. Hvatt er til endurnýtingar efnis sem fellur til á heimilinu.

Nemendur sýna grímuna í lok námskeiðs og segja frá vinnuferlinu og túlkun sinni á valdri tilfinningu.

Grímur eru notaðar í margvíslegum tilgangi. Þær eru nýttar til að hylja, til að vernda, fela sig og þykjast vera annar. Þær eru notaðar í helgiathafnir, við frásagnir og í sviðslistum.

Að búa til grímur býður uppá tækifæri til að kanna þá persónu eða tilfinningu sem viðkomandi annað hvort afhjúpar eða felur fyrir umheiminum.

Hæfniviðmið:
Að nemendur geti...

• unnið sjálfstætt eftir vinnuferli frá hugmynd til lokaafurðar og greint frá mismunandi nálgun við vinnuna.

• sýnt útsjónarsemi og lausnamiðaða hugsun við úrlausn viðfangsefnisins

• tekið leiðsögn og gagnrýni á uppbyggilegan hátt og að sama skapi sett eigin gagnrýni uppbyggilega fram.

• skilið hvað felst í hugtökunum huglægt og hlutlægt.

Markmið verkefnis:

Markmiðið er að:

• nemendur geti skoðað tilfinningar út frá jafnréttismálum og sett sig í spor annara

• nemendur þjálfist í að túlka huglægar tilfinningar yfir í hlutlægt form

• auka skilning nemenda á hugtökum tengd myndlist og samfélagi okkar

• nemendur þjálfist í læsi myndmáls sem og tilfinningalæsi

Nálgun:

Kennslan er fjarkennsla þar sem aðgengi að öllu námsefni er á netinu.
Tímar með nemendum og kennara eru kenndir í gegnum forritið Microsoft Teams.

Námsefnið verður skoðað með heimspekilegri nálgun og hvernig tilfinningar birtast í samfélaginu og hvernig þeim er tekið þar. Hvort þeim sé hafnað eða samþykktar. Skoðað verður samhengi ýmissa byltinga sem urðu til þess að ýmis málefni fengu breytta sýn í samfélaginu t.d. kvenréttindi, kynþáttur, kynhneigð, ofbeldi og fl. Nemendur taka afstöðu einu málefni af eigin vali. Markmiðið er að nemendur geti sett sig í spor annara tilfinningalega og tjáð tilfinningu í formi grímunnar.

Kennslugögn:

Tölva

Fjarfundaforritið Teams

Opinn efniviður

Námsmat:

Það sem lagt er til grundvallar við mat á verkefninu:

Leiðsagnarmat og sjálfsmat þar sem virkni og þátttaka nemenda skiptir höfuð máli.

Matskvarði fyrir leiðsagnamat kennara:

Matkvarði fyrir sjálfsmat nemanda: