Embedded Files
Аўтар вэб-квэста
Аўтар вэб-квэста
Лапкоўская Алена Мікалаеўна,
дацэнт кафедры прыродазнаўчых і лінгвістычных дысцыплін і методык іх выкладання
lapkouskaja.alena@gmail.com
Вітаю вас,
паважаныя ўдзельнікі вэб-квэста!
Запрашаю на чарговы адукацыйны вэб-квэст. Буду спадзявацца, што вам спадабаецца тое, што я тут прыдумала. Поспехаў!
Мэта і задачы вэб-квэста
Мэта і задачы вэб-квэста
Мэта — замацаванне ведаў пра складаназалежныя сказы з некалькімі даданымі, выкананне КСР па тэме "Складаназалежныя сказы з некалькімі даданымі".
Задачы:
1. Умець адрозніваць віды сувязі частак складаназалежнага сказа з некалькімі даданымі.
2. Засвоіць разнавіднасці кожнага віду сувязі:
- сузалежнае аднароднае і неаднароднае падпарадкаванне;
- паслядоўнае падпарадкаванне;
- змешанае падпарадкаванне.
Прадметная галіна і міжпрадметныя сувязі
Прадметная галіна і міжпрадметныя сувязі
Прадметная галіна: беларуская мова.
Міжпрадметыя сувязі: руская мова, методыка выкладання беларускай мовы
Узрост удзельнікаў
Узрост удзельнікаў
Студэнты 4 курса.
Інтэрактыўная гісторыя
Інтэрактыўная гісторыя
Прывітанне! Гэта мы — персанажы вядомай Галаваломкі!
Што? Вы пытаецеся, што мы тут робім?
А давайце самі адкажыце, якія пачуцці апануюць вас, калі перад вамі складаназалежны сказ з некалькімі даданымі і вам трэба зрабіць яго поўны сінтаксічны разбор?
Ну, вось! Мы тут як тут!
Але ведаеце мы тут параіліся і вырашылі выступіць у цікавым і новым для нас амплуа: адкрыць вам самыя важныя сакрэты складаназалежнага сказа!
Таму, як не дзіўна гэта зараз гучыць, Смутак, Страх, Гнеў, Грэблівасць і Радасць запрашаюць вас у галаваломку па раскрыцці гэтых важных сакрэтаў!
Этапы вэб-квэста
Этапы вэб-квэста
Заданне "Тэрміналагічная старонка". Удзельнікі павінны будуць па азначэнні знайсці ў сетцы літар неабходны тэрмін з тэмы "Складаназалежныя сказы з некалькімі даданымі"
Практыкаванне "Сетка літар"
Заданне "Раскінь па скрынках" на адрозненне складаназалежных сказаў з некалькімі даданымі. Удзельнікам прапануюцца сказы, якія трэба будзе раскінуць на дзве групы: з адной даданай і з некалькімі даданымі.
Практыкаванне "Класіфікацыя"
Заданне "Віктарына з уводам тэксту" на знаходжанне сказаў з паслядоўным падпарадкаваннем. Удзельнікам прапануецца вызначыць разнавіднасць падпарадкавання (у якасці моўнага матэрыялу будуць узятыя складаназалежныя сказы як з паслядоўным, так і з сузалежным, і са змешаным падпарадкаваннем).
Практыкаванне "Віктарына з уводам тэксту"
Заданне на адрозненне сказаў з сузалежным аднародным і неаднародным падпарадкаваннем. Удзельнікі пагуляюць у гульню "Хто хоча стаць мільянерам" .
Практыкаванне "Хто хоча стаць мільянерам"
Заданне "Хто хутчэй". Удзельнікам неабходна будзе адрозніваць сказы са змешаным падпарадкаваннем.
Практыкаванне "Скачкі".
Заданне "Збяры пару", дзе ўдзельнікам прапануецца злучыць сказ з яго схемай.
Практыкаванне "Збяры пару"
Заданне "Запішы". Удзельнікі павінны вызначыць сэнсавыя адносіны паміж часткамі складаназалежных сказаў з некалькімі даданымі.
Практыкаванне "Увод тэксту"
Крыжаванка "Сродкі сувязі ў складаназалежных сказах з некалькімі даданымі". Удзельнікам неабходна будзе знайсці сродкі сувязі ў табліцы.
Практыкаванне "Крыжаванка"
Заданне "Падстаў знакі прыпынку". Удзельнікам прапануюцца складаназалежныя сказы з некалькімі даданымі з прапушчанымі знакамі прыпынку.
Практыкаванне "Увод тэксту"
Заданне "Раскрый сакрэт". Зборныя заданні на падагульненне таго, што было разгледжана на папярэдніх этапах.
Практыкаванне "Квест"
Запаўненне анкеты фіналіста.
Неабходныя пачатковыя веды, уменні, навыкі
Неабходныя пачатковыя веды, уменні, навыкі
Удзельнікі вэб-квэста павінны:
Ведаць: асноўныя тэарэтычныя пытанні сінтаксісу як раздзела граматыкі; характэрныя адзнакі і ўласцівасці відаў падпарадкавання ў складаназалежных сказах з некалькімі даданымі.
Умець характарызаваць: складаназалежныя сказы з некалькімі даданымі і адзначаць асаблівасці іх падпарадкавання.
Валодаць навыкамі: поўнага сінтаксічнага разбору складаназалежных сказаў з некалькімі даданымі; валодання вуснай і пісьмовай формамі літаратурнай мовы; самастойна асэнсоўваць і тлумачыць розныя моўныя з’явы; карыстацца моўнымі сродкамі беларускай мовы ў практычнай дзейнасці.
Матэрыялы, неабходныя для правядзення вэб-квэста
Матэрыялы, неабходныя для правядзення вэб-квэста
Абсталяванне
Планшэт, ноутбук або камп’ютар.
Праграмнае забеспячэнне
Аперацыйная сістэма Windows 10, праграмы для: кіравання файламі, апрацоўкі тэкстаў, стварэння прэзентацый; кліенцкія праграмы электроннай пошты (e-mail); магчымасць выхаду ў Інтэрнет.
Матэрыялы на друкаванай аснове
Падручнікі і дапаможнікі, якія ўтрымліваюць неабходны матэрыял (тэарэтычны і практычны) па тэме «Cкладаназалежны сказ».
Сучасная беларуская мова : вучэб. дапам. для студ. спец. «Пачатковая адукацыя» ўстаноў, якія забяспеч. атрыманне вышэйш. Адукацыі / Л.М. Грыгор’ева [ и др.]; пад агульнай рэд. Л.М. Грыгор’евай. ‒ 3-е выд., выпр. ‒ Мінск : Выш. школа, 2010. ‒ 622 с.
Лапкоўская, А. М. Беларуская мова : Сінтаксіс складанага сказа. Пунктуацыя : практыкум / А. М. Лапкоўская. – Мінск : РІВШ, 2016. – 64 с.
Web-сервісы
Сайт вэб-квэста «Галаваломка складаназалежнага сказа» створаны на аснове шаблона сайта вэб-квэста.
Інфармацыйныя крыніцы ў Інтэрнэце
Для афармлення сайта вэб-квэста намі былі выкарыстныя малюнкі з сайтаў https://www.pngwing.com/ і https://mnogo-smysla.ru/
Малюнкі персанажаў для карты вэб-квэста ўзятыя на сайце https://www.pngwing.com/
Page updated
Google Sites
Report abuse