Fréttir af verkefninu

Fjölmenning í Fjallabyggð – verkefnið tekur á sig mynd

Fylgstu með á Facebook

Verkefnið Fjölmenning í Fjallabyggð er nú komið vel á veg. Flest myndefni hefur verið tekið og viðtöl tekin við fjölbreyttan hóp íbúa, þó enn séu nokkur viðtöl eftir. Næstu vikur fara í að ljúka upptökum og vinna efnið fyrir sýningu, rafræna bók og miðlun.

Sýningin verður opnuð föstudaginn 2. október 2026 og þar verða um 40 ljósmyndir af fólki af erlendum uppruna sem býr og starfar í Fjallabyggð. Sum hafa búið hér lengi, önnur skemur, og dvalartími þeirra á Íslandi er einnig mislangur. Þau eiga ólíkan bakgrunn og bera með sér fjölbreyttar sögur og reynslu, en eiga það sameiginlegt að búa og starfa hér í sveitarfélaginu.

Gestir geta einnig skoðað rafræna bók verkefnisins og eins hlustað á viðtöl þar sem fólkið segir frá sjálfu sér, bakgrunni sínum og reynslu.

Laugardaginn 3. október kl. 13–17 verður fjölmenningarleg samvera þar sem við ætlum að fagna fjölbreytileikanum saman. Sett verður upp sameiginlegt matarborð í anda pálínuboðs og leitað verður til fólks sem vill taka þátt og leggja eitthvað á borðið – gjarnan rétt eða bita sem tengist eigin menningu, uppruna eða einfaldlega einhverju sem því langar að deila með öðrum. Einnig er stefnt að tónlist, sögum og fleiri skemmtilegum innleggum í dagskrána.

Við hvetjum alla íbúa Fjallabyggðar til að koma, skoða sýninguna, taka þátt í samverunni og leggja sitt af mörkum. Fjölbreytileikinn verður sýnilegur þegar fólk kemur saman, deilir og kynnist.

Sýningin verður opin allar helgar í október og einnig verður hægt að óska eftir sérstakri opnun fyrir hópa og aðra áhugasama.

Guito Thomas og Rodrigo Lopes komu og spiluðu fyrir okkur  í fjölmenningarkaffi 8. mars – vel var mætt og ekki var tónlistin af verri endanum. Gestir fjölmenntu og áttu góðar stundir saman. Við fengum tækifæri til að mynda og mikið var spjallað saman. Báðir tónlistarmenn eru að kenna við tónlistaskólanum á Tröllaskaga. Þeir búa báðir í Ólafsfirði með fjölskyldur sínar. 

Vöfflukaffi á Brimsölum er orðið fastur liður á sunnudögum og hefur verið auglýst áFacebook. Núna hafa bæst við fjölmenningarkaffi sem hefur verið haldið í  3 skipti.   Í hvert skipti hefur komið fólk, ekki endilega sama fólkið en við höfum verið öflug í að dreifa upplýsingum um verkefnið á samfélagsmiðlum og í lóka fréttamiðlum. 

Við Lára og Björn Valdimarsson hittumst reglulega.  Við veltum fyrir okkur myndatöku og sögusöfnun og höfum farið í smá þankahríð varðandi íbúa af erlendu bergi brotna sem búa hér í Fjallabyggð.  Þetta eru ansi mörg þjóðarbrot og verður skemmtilegt að sýna margbreytileikann.  

Hér má sjá samantekt á Fjöldi þjóðerna í Fjallabyggð.  Tekið skal fram að hér er einungis miðað við þann fjölda íbúa sem er með erlend ríkisföng. Það er hópur íbúa sem hefur öðlast íslenskt ríkisfang og þess vegna eru þeir ekki taldir með í þessari samantekt en það eru m.a. íbúar sem eiga Brasilíu, Grikkland og Eistland sem upprunaland.

Unnið hefyr verið  í myndatöku af fólki sem hefur tekið vel í að láta mynda sér. Við stefnum á ca. 40 myndir á sýningu auk viðtöl. Ca. 30 myndir eru komnir í hús. Auk þess hafa verið tekið nokkur viðtöl.