Fréttir af verkefninu

Verkefnið fer af stað 

Nú þegar síðasta úthlutun styrkja hefur farið fram er tími til kominn að fara af stað með verkefnið. Við höfum verið svo lánsöm að fá styrk frá SSNE, KEA, Norðurorku og Fjallabyggð. Við erum afar þakklát og hlökkum til að takast á við verkefnið.

Við Lára og Björn Valdimarsson erum búin að hittast nokkrum sinnum og lagt nokkur drög að verkefninu. Við höfum velt fyrir okkur myndatöku og sögusöfnun og höfum farið í smá þankahríð varðandi íbúa af erlendu bergi brotna sem búa hér í Fjallabyggð. Þetta eru ansi mörg þjóðarbrot og verður skemmtilegt að sýna margbreytileikann.

Fréttir um viðburði á borð við fjölmenningar vöfflukaffi og hinu ýmsa kynningar um verkefnið mun fara fram á netmiðlum og reynt verður að ná út á vinnustöðum sem víðast í Fjallabyggð.

Við vonumst til að sem flestir vilji taka þátt í þessu skemmtilega verkefni sem mun ljúka með ljósmyndasýningu og vonandi fjölmenningarhátíð í haust.