Embedded Files
„Mikil ofneysla er á fatnaði á Íslandi og öðrum Vesturlöndum og mikið er framleitt af endingarlitlum fatnaði. Hver Íslendingur kaupir rúmlega 17 kg af vefnaðarvöru árlega, sem er um þrisvar sinnum meira en meðal-jarðarbúi. Á hverju ári eru framleiddar um 150 milljarðar flíka sem svarar til 20 flíkum á hvert mannsbarn í heiminum árlega.“
Tekið af vef Umhverfisstofnunar www.ust.is
Hér eru nokkrir punktar til að hafa í huga áður en verslað er enn eina flíkina.
Hér eru nokkrir punktar til að hafa í huga áður en verslað er enn eina flíkina.
Hugsaðu þig vel um og veltu þessum spurningum fyrir þér :
- Þarftu nýja flík eða langar þig bara í hana?
- Ertu að versla nýja flík eingöngu vegna þess að hún er svo ódýr?
- Hvað ertu að kaupa og afhverju ertu að kaupa þessa flík?
- Úr hvaða efnum er flíkin?
- Hvernig eru gæðin?
- Hvaðan er flíkin og hvernig er hún framleidd?
Farðu vel um flíkurnar sem þú átt
Farðu vel um flíkurnar sem þú átt
Því oftar sem þú notar hverja flík því umhverfisvænni verður hún.
- Hugsaðu vel um þær flíkur sem þú átt nú þegar.
- Ekki þvo hreinan þvott að óþörfu, oft er nóg að viðra flíkina aðeins og fjarlægja bletti.
- Fylgdu þvottaleiðbeiningum og veldu umhverfisvæn þvottaefni í réttu magni.
- Allar nýjar flíkur ætti að þvo fyrir fyrstu notkun til að losa sig við þau efni sem geta verið í flíkinni frá framleiðanda.
- Sparaðu rafmagn með því að þvo á lægra hitastigi.
- Þú finnur góðar þvottaleiðbeiningar á vef Leiðbeiningastöðvarinnar www.leidbeiningastod.is
- Safnaðu saman því sem þarf að gera við.
- Festu á tölur, gerðu við götótta sokka og annað sem má lagfæra.
- Farðu með það sem þarf að gera við, stytta, minnka og/eða víkka á saumastofu ef þú getur ekki gert það sjálf/ur.
Endurvinna
Endurvinna
Umhverfisvænasta flíkin er sú sem þú átt nú þegar til inni í skáp.
- Lánaðu, skiptu eða gefðu áfram.
- Farðu í gegnum fataskápinn minnst einu sinni á ári.
- Losaðu þig við það sem þú notar ekki. Seldu eða gefðu áfram.
- Rauði Krossinn ásamt endurvinnslustöðvum Sorpu taka við öllum vefnaði, líka því sem er orðið slitið.
- Að skipuleggja skiptimarkað með vinum eða félagasamtökum er skemmtilegt verkefni þar sem allir græða
Page updated
Google Sites
Report abuse