Benigno Amor Rodríguez
Benigno Amor Rodríguez (Santiago de Compostela, 1937 - ibídem 2009) foi un avogado e administrador de fincas, así como o fundador da axencia inmobiliaria Amor, que adicou boa parte da súa vida a crear e manter o Museo Casa da Troia, de xeito que buscou financiamento entre as institucións públicas e mesmo aportou capital propio para ver cumprido o seu soño.
Benigno foi un compostelán comprometido coa súa cidade, pola que traballou con iniciativas tanto profesionais como persoais.
Nome completo: Benigno Amor Rodríguez
Datas: 1937-2009
Lugares: Santiago de Compostela
Campo de actividade: Dereito
Grupo asociado:
Ocupación: Empresarios
Lingua:
O Museo da Casa da Troia
Con esforzo, Benigno conseguiu facer un soño realidade. Logrou que os descendentes de Xacobo Gil Villanueva (Don Servando na novela A Casa da Troia), reitor da Universidade de Santiago a finais do XIX, lle vendesen o antigo mobiliario da familia para acondicionar a casa. Ademais, viaxou en repetidas ocasións ao municipio lucense do Incio, co propósito de conseguir as vigas de castiñeiro que, na actualidade, recobren o chan da vella pensión de estudantes. Tamén mantivo contactos cos antigos tunos doutras cidades galegas e de diferentes puntos de España para manter viva unha época que foi entrañable para a universidade e para a cidade compostelá.
Asimesmo, tamén promoveu a Asociación de Antigos Tunos, unha entidade da que foi o presidente e dende a que impulsou a rehabilitación da Casa da Troia. Tamén cabe sinalar que, como presidente loitou pola pervivencia e dignificación destas agrupacións estudiantís universitarias, mediante a celebración de encontros de troianos, festivais de tunos e outras iniciativas culturais como a edición de libros arredor do mundo da estudantina.
Ao longo da súa vida exerceu profesionalmente como asesor xurídico e foi profesor da Escola de Práctica Xurídica da USC, así como directivo dos colexios de Axentes da Propiedade Inmobiliaria e de Administradores de Fincas.
Faleceu en Compostela o 12 de abril de 2009 aos 71 anos tras unha longa enfermidade.
Bibliografía:
O Mecenas (s.d.) Recuperado de http://www.lacasadelatroya.gal/mecenas.html [Consultado o 27/02/2016]
La Voz (12 de abril de 2009). Fallece Benigno Amor Rodríguez, impulsor de la tuna y promotor de la Casa Museo de la Troya. La Voz de Galicia. Recuperado de http://www.lavozdegalicia.es/santiago/2009/04/12/0003_7646983.htm [Consultado o 27/02/2016]
Imaxes:
Benigno Amor: