ViteArquiva
ViteArquiva é un arquivo vivo no que se vai rexistrando o que acontece no barrio de Vite, como se vive, como os veciños fan e sinten ese lugar. Aliméntase a través dun proceso de recollida e difusión permanente no que a xente do barrio sexa participe dese "xerar memoria".
Nome: ViteArquiva
Sigla:
Tipo: arquivo dixital; asociación veciñal
Datas (Fundación): 2019
Fundador: Paula Ballesteros; María Masaguer
Sede: Centro Sociocultural de Vite
Dirección: Rúa de Carlos Maside, núm. 7
Coordenadas: 42.89152272674168, -8.538419288117707
Páxina Web: https://vitearquiva.com/
Entidade Superior:
Facebook: https://www.facebook.com/profile.php?id=100064070464302
Trátase dun proxecto de investigación promovido polo Instituto de Ciencias do Patrimonio (Incipit) do CSIC, sobre o patrimonio inmaterial do barrio de Vite. Tiveron apoio do Concello de Santiago, e recibiron o material da Coordenadora do Barrio de Vite.
O proxecto está englobado nunha iniciativa do Incipit que ten como obxectivo desenvolver formas alternativas de xestión patrimonial, poñendo o patrimonio ao servizo das comunidades. Nace da vontade de coñecer e de contar a historia dun barrio desde o propio barrio. Pretende que Vite conserve a súa memoria para, a partir de aí, priorizar as necesidades do barrio. Parte dun proceso colaborativo dos diferentes axentes veciñais, que xunto co INCIPIT levan a cabo unha inmersión na súa historia a través da posta en común das trazas do seu patrimonio, organizándoo de maneira autoxestionada na infraestrutura ViteArquiva. Pretende ser un espazo onde a memoria da veciñanza poida quedar depositada e salvagardada creando así unha infraestrutura social e de coñecementos compartidos e perdurábel no tempo.
En palabras de Paula Ballesteros e Cristina Sánchez, "ViteArquiva son as persoas que fixeron e fan barrio; as que foron conscientes das pegadas que deixan os cambios e as que son conscientes do que queren que esas pegadas fagan na actualidade".
Bibliografía:
Ballesteros Arias, P., Sánchez Carretero, C. (2023). "Vite de Compostela é ViteArquiva", en Gómez, J. R. Vite de Compostela. A comunidade auto-construída. Companha, pp. 11-12 Dispoñible en: http://hdl.handle.net/10261/306410
Gómez, J. (30 de abril de 2022). Una investigación del CSIC compara el barrio de Vite, de Santiago, con el de A Mouraria, de Lisboa. La Voz de Galicia. Recuperado de https://www.lavozdegalicia.es/noticia/santiago/santiago/2022/04/30/csic-ve-referente-internacional-patrimonio-memoria-vite/0003_202204S30C7991.htm [consulta 31/01/2024]
(n.d.). Vite Arquiva - Futureando en común desde 1987. Recuperado de https://vitearquiva.com/ [consulta 31/01/2024]
Centro Dramático Nacional (n.d.). Vite - Centro Dramático Nacional. Recuperado de https://dramatico.mcu.es/dramawalker/vite-gal/
Imaxes: