SECTIONS

Children’s Section

Naglalaman ng mga pambatang aklat, mga laruang pang-edukasyon at mga board games.

Reference Section

Naglalaman ng lokal at banyagang koleksyon ng general encyclopedic work tulad ng Diksyonaryo, Almanac, Yearbook, Atlas, Direktoryo, Handbook, Manual, Abstract at iba pa.

Filipiñiana Section

Naglalaman ng koleksyon at mga publikasyon tungkol sa Pilipinas at sa mga aspeto nito̶-pangkultura, pampulitika, sosyolohiya, panrelihiyon, pang-ekonomiya at iba pa.

Circulation Section

Ang pinakamalaking koleksyon ng mga aklat sa iba’t ibang disiplina ay matatagpuan sa seksyong ito tulad ng Pilosopiya, Relihiyon, mga Agham Panlipunan –Sosyolohiya, Ekonomiya, Istatistika, Batas, Edukasyon at Pampublikong Administrasyon,mga Wika, Purong Agham, Teknolohiya, mga Sining, Literatura, Kasaysayan, at Heograpiya.

Periodical Section

Koleksyon ng lahat ng lokal at banyagang journal, magasin, dyaryo, publikasyon ng pamahalaan at iba pang pampanitikang serye. Ang koleksyon ng seksyong ito ay maaari lamang gamitin sa loob ng aklatan.

Rizaliaña Section

Koleksyon ng mga aklat at publikasyon patungkol kay Dr. Jose Rizal na naglalaman ng kanyang literatura, talambuhay, mga larawan at iba. Kabilang din dito ang mga liham ni Rizal na isinalin sa iba’t ibang wika.

Bulacañiana Section

Koleksyon ng aklatan na naglalaman ng mga materyales at publikasyon patungkol sa Bulacan. Partikular ang koleksyong ito sasining at kultura, mga pamana at kasaysayang lokal ng lalawigan.

Special Collection

Bangko Sentral ng Pilipinas Collection- koleksyon ng mga aklat at iba pang babasahin ng Bangko Sentral ng Pilipinas. Layunin nito na makapagkaloob ng kaalamang pang-ekonomiya at pananalapi sa publikosa pamamagitan ng programa nitong Knowledge Research Network.

Thesis/Dissertation

Karamihan ng koleksyong ito ay ipinagkaloob ng CHED Region 3 at mula sa iba pang pribadong institusyong pang-edukasyon at indibidwal. Ito ay maaari lamang gamitin sa loob ng aklatan.

SERVICES

Information Desk

Matatagpuan sa bukana papasok sa aklatan kung saan isinasagawa ang pagpapahiram at pagsasauli ng mga aklat gayundin ang pagtanggap ng mga katanunganna siyang pangunahing serbisyo ng aklatan. Dito rin matatagpuan ang logbook para sa pagpapatala ng kliyente at baggage counter para sa pagdedeposito ng kanilang mga gamit.

Audio Visual Room (AVR)

Lugar para sa libreng pagsasagawa ng maliitang pagtitipon tulad ng pagpupulong, pagsasanay, film showing, at iba pang gawaing may kaugnayan sa edukasyon.

Tech4ED Center/E-Library Service

Binubuo ng anim na computer na kinapapalooban ng online at offline services. Ang Tech4ED Center ay proyekto ng Department of Information and Communications Technology (DICT) na nagkakaloob ng access saICT-enabled services at link para sa serbisyo ng gobyerno at application forms tulad ng BIR, NBI, NSO, SSS, Alternative Learning System (ALS), Learning English Application for Pinoys (LEAP), at iba pa. Ang E-Library Service naman ay nagkakaloob ng libreng access sa internet at Tekno-Aklatan na binubuo ng 21,000 Titles ng Koleksyong Digital.

SINEliksik Bulacan Research Hub

Naglalaman ng mga posters at docufilms mulasa iba’t ibang temang tampok sa DocuFest at Docu Special na magagamit bilang malikhaing educational materials na tumatalakay sa kasaysayan, kultura at sining ng lalawigan. Ang mga ito ay nakalagay sa isang computer na maaaring ma-access ng mga kliyente ng aklatan lalo na ng mga mag-aaral at mananaliksik.

Online Public Access Catalog (OPAC)

Search tool na nasa isang computer na maaaring magamit ng kliyente para sa mabilis na paghahanap ng nakalimbag na mga libro, journal at iba pang koleksyon ng aklatan.

Free Wifi for All

Proyektong ipinagkaloob din ng DICT para sa libreng pag-access ng wifi ng kliyente ng aklatan gamit ang sariling gadget tulad ng cellular phone, laptop at iba pa.

Page updated

Google Sites

Report abuse