Zerbitzuak

Bizitrain-en badakigu pertsona bakoitza desberdina dela. Horregatik, zure neurrira egindako entrenamendu pertsonalizatuak eskaintzen ditugu bizikletan, korrikan eta igerian zure potentziala garatzeko.

• Hasierako diagnostikoa: zure maila, denbora eta helburuak aztertzen ditugu.
  
  

• Plangintza pertsonalizatua: astez aste diseinatutako entrenamendu plana, TrainingPeaks- bidez.
  
  

• Eguneroko jarraipena: eboluzioa kontrolatu eta beharrezko aldaketak egiten ditugu.
  
  

• Helburuak: errendimendua hobetu, lesioak saihestu eta entrenamenduaz gozatu.
  
  

Bizitrain zure bidelagun izango da, helburuak lortzeaz gain, prozesua disfrutatzea garrantzitsuena delako.

Bizitrain-en zure entrenamendua ez dugu intuizio hutsean oinarritzen: datuetan jartzen dugu arreta. Zure saio bakoitzean bildutako informazioa aztertzen dugu (potentzia, bihotz-maiztasuna, kadentzia, denbora…) eta horri esker zure entrenamenduaren eraginkortasuna handitzen dugu.

Zer egiten dugu?

• TrainingPeaks bidezko jarraipena: zure entrenamendu guztiak plataforman gordetzen dira, eta modu errazean ikusten duzu zure aurrerapena.

• WKO5 analisi sakona: software honek datuak xehetasunez aztertzen ditu (potentzia-kurbak, ahalmen fisiologikoak, indarguneak eta ahulguneak) eta horri esker zure entrenamendu plana zehaztasun handiagoz egokitzen dugu.

• Erabakiak datuetan oinarrituta: noiz igo intentsitatea, noiz atseden hartu edo zein ariketa mota behar duzun zehazten dugu.

• Zure aurrerapena neurtu eta ikusi: ez da soilik entrenatzea, baizik eta aurrera nola egiten duzun ikustea, astez aste eta hilabetez hilabete.

Helburua garbia da: zure entrenamendua ahalik eta eraginkorrena bihurtzea, zure denbora baliatuz eta zure potentzial guztia ateraz.

Bizitrain-en, teknologia eta esperientzia uztartzen ditugu zure kirol-bidea hurrengo mailara eramateko.

Kirol ziklikoetan (bizikleta, korrika, igeriketa…) ez da nahikoa erresistentzia lantzea: indarra funtsezkoa da errendimendua hobetzeko eta lesioak saihesteko. Horregatik, Bizitrain-en zure plangintzan indar entrenamendua ere txertatzen dugu.

Zertan datza?

• Indibidualizazioa: ez da ariketa orokorra, baizik eta zure beharretara egokitua (core-a indartzea, hanketako potentzia, oreka edo mugikortasuna).

• Exekuzioaren kalitatea: ez dugu soilik pisua edo errepikapenak kontuan hartzen, baizik eta ariketa nola egiten duzun. Horretarako hasierako ebaluazioa egiten dugu.

• Errendimendua + prebentzioa: indarra lantzeak zure potentziala askatzen laguntzen du, eta aldi berean lesio arriskua murrizten du.

Bizitrain-en indar entrenamendua ez da “gehigarri” bat, zure kirol-ibilbidearen oinarrietako bat baizik. Eta encoder-ari esker, neur daitekeen guztia hobe daiteke.

Bizitrain-en badakigu entrenamenduak ez direla soilik kilometro edo pisu kontua. Zure gorputzaren konposizioa ezagutzea ere  garrantzitsua da.

Zergatik da garrantzitsua?

• Errendimendua hobetzeko: gorputzaren konposizio egokiak kirol ziklikoetan eraginkorrago mugitzeko aukera ematen dizu.

• Osasuna zaintzeko: gorputzaren oreka ezagutzeak laguntzen du elikadura-ohiturak eta bizimodua hobeto kudeatzen.

• Aurrerapena neurtzeko: entrenamenduarekin batera, zure gorputzak aldaketak jasaten ditu; neurketa hauek erakusten dute benetan nola egiten duzun aurrera.

Nola egiten dugu?

• Hasierako neurketa: zure gorputzaren konposizioaren egoera ezagutzen dugu.

• Jarraipena: aldaketak denboran zehar ikusten ditugu, entrenamendu eta bizimoduaren eragina baloratuz.

• Helburu pertsonalak: zure errendimendua, ongizatea edo estetikaren inguruko helburuetara bideratzen ditugu neurriak.

Bizitrain-en ez dugu soilik entrenamenduaz hitz egiten, baizik eta zure gorputzaren osasun eta garapen integralaz. Zure gorputza hobeto ezagutuz, zure kirol-bidaia sendoagoa izango da.