É un priviliexio, persoal e académico, dispoñer de persoas maiores abertas a contarnos historias da súa vida. 🔝Recuperar a memoria, as lembrazas e a sabedoría popular permite trazar unha liña do tempo e recrear un contexto histórico ben diferente ao actual e comparar, aprender e valorar os cambios e perpetuar a historia.😁

Son varias as actividades e colaboracións coa Casa dos Maiores, pero é certo que cando preguntamos a Filucha, Humberto, Mercedes, Georgina e Marité pola súa vida, recuperamos e compartimos momentos especiais.🥹 Grazas polo voso agarimo, e grazas a Laura por acollernos tan amablemente🥰

Vai de parroquias!

O alumnado de 3º e 4º fixo un resumo para a radio do Roteiro Literario con Manuel Busto. Para as/os que non estivestes, aí vos van algunhas das anécdotas que nos contou.

Vai de parroquias!

Na xornada de reforestación do Sexo🌳 foron moitas as actividades realizadas ao longo do día. Unha das máis importantes e significativas foi a entrevista realizada a veciñanza que sufriu en primeira persoa o incendio🔥 do 15 de agosto de 2025.

As rapazas e rapaces puideron preguntar polo proceder daquel día ante un perigo evidente como era o lume preto das vivendas.

Aconsellámosvos a súa escoita 🧏para poder intuir o alcanza dun desastre natural coma este incendio que puido derivar en consecuencias aínda máis graves.

E si, Vai de parroquias!

O alumnado participou nun obradoiro de radio con Pablo García, no que puido coñecer de primeira man o proceso de creación dun programa radiofónico.

A través dunha escaleta estándar, aprenderon a organizar as diferentes seccións dun programa, distribuír os papeis, preparar os contidos e elaborar un guión propio. Posteriormente, puxeron en práctica todo o aprendido realizando a gravación do seu propio programa, experimentando coas funcións de locutores/as, redactores/as e técnicos/as de son.

Unha experiencia na que a comunicación, a creatividade e o traballo en equipo foron os protagonistas para dar os primeiros pasos nas ondas de Radio Agolaín. 🎧📻

O Comité Ambiental preséntanos un breve resumo da sú actividade máis recente e ademais fainocomo exemplo para que poidades aplicalo nas vosas casas.🍀

Amencemos unha mañá de maio coa sorpresa dunhas xestas nas portas do colexio. Cal era a orixe deste suceso? Sería unha broma?... NON! Escoitade aos nosos particulares investigadores/as.

Coa chegada da primavera, nas nosas vilas existía un costume moi especial relacionado coa flor da xesta. Cando a xesta comezaba a florecer, collíanse algunhas pólas e colocábanse nas portas das casas, nos coches ou noutros lugares visibles. A súa flor críase que simbolizaba o Sol, e presentaba a renovación, daba benvida á nova estación, pero tamén se poñía coa crenza de que a xesta axudaba a espantar todo o malo e a atraer a sorte, a alegría e as boas enerxías.

No noso colexio tamén decidimos recuperala, porque nos parece unha fermosa maneira de celebrar a primavera e de manter viva unha parte importante da nosa cultura. 

Hoxe serán algúns alumnos e alumnas os que nos conten mellor a orixe deste costume e como o estamos a vivir no cole.

Vai de parroquias!

Neste novo programa, Radio Lavadoiro volve achegarnos historias, iniciativas, novas e pequenas grandes cousas que forman parte do día a día da rapazada e veciñanza. 

Convidámosvos a escoitar esta nova entrega e a seguir atentas a todo o que se move nas parroquias. Coñecer o que pasa ao noso redor tamén é unha maneira de facer comunidade.

Vai de parroquias!

Marcos (Sexo), Marcial (ADEGA) e Iván (biólogo), pasaron polo cole 🏫falarnos dun tema moi interesante, e máis aínda despois deste verán, os incendios. Este verán un grave incendio 🔥afectou a varias parroquias de Agolada, poñendo en perigo⚠️ vidas humanas e animais e moitas infraestruturas. Afortunadamente, todo rematou nun gran susto 😱pero a perda biolóxica  é incalculable.

Disto nos viñeron a falar🗣️, Marcos falounos de como se sentiu ao ser veciño do Sexo e afectado de primeira man. Marcial, integrante dunha asociación ecoloxista e tamén veciño, comentou como se organizaron xornadas para paliar os efectos das choivas sobre o terreo queimado. E por último, Iván centrouse nas consecuencias dos incendios para os seres vivos da contorna🌱🐗🐀🐇.

De novo, agradecer inmensamente a súa participación e sabiduría!💚

Chegou o día! Hoxe, 13 de febreiro, é o Día Mundial da Radio e non hai  mellor ocasión para presentarvos un programa moi especial❤️, dos máis sentidos e agradecidos feitos ata o momento. Unha sorpresa que levamos días agardando contarvos.😬

Participou o alumnado de quinto, pero tamén xente moi importante, as nosas avoas e avós. Persoas con moita experiencia, retranca e sabedoría🧠. Dionisio, Edelmira, Laureano e Olga, encheron a radio de lembrazas, vivenzas e bos momentos, agasallando ao alumnado con anécdotas da súa infancia e dun tempo totalmente afastado do actual. 

Este programa enviámolo a Ponte... nas Ondas! unha asociación cultural e pedagóxica que promove actividades relacionadas co Patrimonio Cultural en Galicia e Portugal🗺️, que con motivo do Día da Mundial da Radio publican todas as propostas realizadas polos centros educativos como medio de divulgación. Este ano o tema era "A radio e a IA".

Así, os nosos avós e avoas contestaron a unhas preguntas❓ que logo comparariamos coas respostas ofrecidas pola intelixencia artificial, para valorar quen agocha máis sabiduría. 

Deixámosvolo por aquí para que disfrutedes, aprendades, valoredes a importancia de escoitar e pasar tempo cos máis maiores🫂.

Agradecer a Dionisio, Edelmira, Laureano e Olga, o seu tempo e a súa proximidade🤩, e por facer posible unha iniciativa tan fermosa e enriquecedora para nós. Por suposto, ao alumnado e profe de 5º, gracias por colaborar!

Vai de parroquias! Seguimos!🔛

Nestas últimas semanas, houbo moito traxín pola radio📻, mais de momento non podemos adiantar nada🤐.

Somentes podemos dicir que estamos moi orgullosos/as 🥲 por levar a cabo este programa, que supuxo enriquecemento, aprendizaxe e coñecemento das nosas raíces e dos nosos ancestros, pero, sobre todo, encheunos o corazonciño de tenrura😍.

Estamos moi agradecidas/os á nosa Comunidade Educativa e, se é a mellor, dise e punto!

O Día da Candeloria celébrase o 2 de febreiro e é unha data moi importante na tradición galega. Esta festa marca simbolicamente o punto medio do inverno e está relacionada coa observación do tempo.

O alumnado de 4º de infantil recolleu ditos e refráns relacionados con este día nun programa de radio ben interesante.

E, polo que din, parece que o inverno vai fóra! Será verdade?😆

Temos o enorme pracer de presentarvos o primeiro programa dende radio Agolaín chamado Radio Lavadoiro, en relación ao noso proxecto de centro Vai de parroquias!

Este programa ten varias seccións, nas que participa toda a Comunidade Educativa: recomendacións lectoras, novidades das parroquias, o ecorecuncho, anécdotas do cole, preocupacións das familias... 

Esperamos que vos guste! E continuade facéndonos chegar as vosas aportacións.