Dentro das actividades de Biblioteca Creativa, nestes días celebramos na biblioteca un obradoiro de calceta 🧵durante o recreo, aberto a todo o alumnado que quixo achegarse e participar.

Foi unha proposta pensada para aprender unha técnica tradicional que forma parte tamén do noso patrimonio cultural, pero que ao mesmo tempo ofrece moitos beneficios🔝. A calceta axuda a mellorar a concentración🙂‍↕️, a coordinación e a motricidade fina, xa que require atención👀, precisión e constancia. Ademais, o movemento repetitivo das mans e o ritmo pausado co que se traballa favorecen a relaxación🧘 e crean un espazo tranquilo, moi distinto do ritmo habitual do día a día.

Durante o obradoiro fomos coñecendo os materiais básicos🪡, aprendendo os primeiros puntos e descubrindo que, pouco a pouco, con paciencia, das mans pode ir nacendo algo feito por nós mesmos😃.

Esta actividade permitiunos compartir tempo👥, aprender uns dos outros e descubrir que a creatividade tamén pode expresarse recuperando saberes tradicionais. Unha experiencia sinxela e moi enriquecedora que deu vida á biblioteca durante o recreo😁.

No marco das actividades da biblioteca, o alumnado voluntario participou recentemente nun obradoiro de poesía 🗒️centrado na preparación do recitado. Ao longo da sesión traballáronse aspectos como a dicción🗣️, a entoación, o ritmo e a expresividade, elementos fundamentais para transmitir a forza💪 e a emoción🥹 dos poemas. Todo este traballo terá continuidade no mes de maio, cando o alumnado recitará 🗣️as composicións ao remate dun roteiro literario pola vila. 🏘️

Na biblioteca seguimos avanzando co traballo do comité ambiental 🌏 e nestes días celebramos novas reunións para continuar co noso traballo e preparando novos proxectos. Como creación dun hotel de insectos🏨.

Esta iniciativa nace da necesidade de comprender mellor a importancia que teñen os insectos no equilibrio dos ecosistemas. Moitas especies son polinizadoras🐝, axudan á reprodución das plantas e dos cultivos🦋, contribúen á descomposición da materia orgánica🪲 e serven tamén de alimento para outros animais🪳. A pesar de seren pequenos e ás veces pasar desapercibidos, cumpren unha función esencial para a biodiversidade e para a saúde do medio natural.

A construción deste hotel de insectos🕷️ vai tamén da man doutro traballo que xa realizamos anteriormente: a elaboración de comedeiros para os paxaros🐦‍⬛. Deste xeito, seguimos avanzando nun mesmo camiño, aprendendo a valorar, respectar e protexer as distintas especies que compoñen a nosa contorna máis próximo.

Por iso decidimos construír un hotel de insectos🐞, un pequeno refuxio pensado para ofrecer abrigo a diferentes especies🐝, especialmente en épocas nas que atopar espazos axeitados resulta máis difícil.

Antes de poñernos mans á obra, investigamos que debía conter este hotel🏨 para resultar realmente útil. Descubrimos que é importante empregar materiais naturais e variados: canas, paus furados, piñas, palla, cortiza, anacos de madeira e follas secas. Cada un destes elementos pode servir de refuxio a distintas especies de insectos🐜 beneficiosos.

Xa nos queda pouco para rematalo. Logo o veredes colocado🙂.

Coa chegada de maio🎴 recuperamos no colexio unha tradición popular moi nosa: a colocación da xesta🌼 nas casas e nos coches.

En Galicia, a xesta foi durante moito tempo un símbolo 💫ligado á primavera, á renovación e á protección. Cando comezaba maio, era costume poñer ramos 💐de xesta nas portas🚪, nas ventás 🪟 ou nos carros como un xeito de dar a benvida 😊 ao bo tempo e, ao mesmo tempo, afastar 🫳os malos espíritos e atraer a fortuna 🫶 para os meses que comezaban.

Desde a biblioteca quixemos rescatar este pequeno anaco da nosa memoria 🧠colectiva para lembrar que as tradicións tamén forman parte do noso patrimonio cultural e poder recuperalas e mantelas vivas a través do noso alumnado🚸. Por iso, este ano puxemos xesta nos coches e tamén na entrada do colexio, enchendo o espazo de cor e significado🙂.

Foi un xesto sinxelo, pero cargado de historia, que nos axuda a manter vivo o vínculo cos costumes das nosas e nosos maiores 🧓e porque... VAI DE PARROQUIAS!

Hai experiencias que van máis alá da lectura e convértense en verdadeiras aprendizaxes de vida🙂. Nesta ocasión, o alumnado voluntario da biblioteca de 6º realizou unha visita á Casa do Maior 🧓para compartir un tempo moi especial coas persoas maiores.

Durante o encontro, levouse a cabo unha sesión de lectura📒 na que o conto de "A merliña" 🐦‍⬛serviu de ponte entre xeracións, pois Mercedes díxonos que xa llo contaban a ela cando era pequena, pero cun lixeiro matiz. Palabras compartidas🗣️, a escoita atenta e as emocións que xorden arredor das historias fixeron deste momento unha experiencia enriquecedora para todos e todas. Este tipo de actividades interxeracionais resultan fundamentais, xa que fomentan valores como o respecto, a empatía e a comprensión, ao tempo que permiten crear vínculos significativos entre persoas de distintas idades.🪡

Tras a lectura, o alumnado tivo a oportunidade de realizar unha pequena entrevista 🎤ás persoas maiores, interesándose polas súa infancia, pola transformación social ao longo do tempo e, por suposto, sobre as parroquias nas que viviron. Fixemos unha viaxe por Merlín, e descubrimos a lenda agochada no castro Marcelín👤, fogar dos Mouros, cunha porta que daba acceso ao seu interior. Tamén como servía de entretemento para as máis pequenas e pequenos que lanzaban grandes rochas 🪨dende aquel outeiro tan elevado e disfrutaban véndoas rodar.

Foi un momento moi valioso❤️, o que máis gozou o alumnado e no que puideron coñecer de primeira man como era a vida noutras épocas, descubrindo costumes, cambios e recordos que forman parte da nosa historia colectiva. Tamén anécdotas, como non, ben divertidas!😆

Grazas ao alumnado participante pola súa implicación e ás persoas da Casa do Maior por acollernos con tanto agarimo.😚

Quenda para 4º!

No Día do Libro📖 queremos lembrar algo esencial: a lectura non é só unha habilidade, é unha compañeira de vida🫂. A través dela, o noso alumnado aprende a comprender 🧠o mundo, a poñerse no lugar dos demais, a soñar 💭e a construír o seu propio pensamento. Se hai un tesouro🪙que realmente podemos ofrecerlles, é o amor polos libros, porque ese agasallo acompañaraos sempre.

🔻Ao longo desta semana tan especial❤️, a biblioteca encheuse de palabras🗣️, emocións😃 e encontros, coas lecturas das familias. Tamén co alumnado de 3º e 4º, encargado de poñer voz🔊 ás historias a través da megafonía do centro. Cada día compartiron contos relacionados coas emocións: o enfado😡, o medo😨, a mentira🤥… relatos que nos fixeron reflexionar e sentir, lembrándonos que ler tamén é entender o que levamos dentro.

🔻O propio Día do Libro vivimos unha das experiencias máis fermosas🥰: o apadriñamento lector. Todo o colexio participou nunha actividade internivel na que se mesturaron idades e experiencias moi diferentes. 

O alumnado maior converteuse en lector🧑‍🏫 e guía dos máis pequenos, compartindo a lectura dun libro e un intre de complicidade. Despois da lectura, entre todos elaboraron un debuxo 🧑‍🎨sobre a historia. E, como peche final, os máis pequenos tiñan preparada unha mensaxe positiva 💌para os seus lectores/as, pechando o círculo cun xesto cheo de gratitude e afecto. Tamén os pitiños tiveron o seu tempo de lectura, e estiveron moi atentos!

Foi, sen dúbida, un momento único, tanto para grandes como para pequenos. Un deses instantes que quedan na memoria e que nos lembran que aprender xuntos sempre é máis enriquecedor. Esta actividade internivel resultou especialmente produtiva porque permitiu compartir e crear vínculos arredor da lectura.

🔻Ademais, durante a semana, cada curso escolleu un libro especial para todas elas/es e investigaron sobre as faixas 📗 para logo crear unha personalizada. Acompañarona dun cartel con distintos apartados sobre o libro: autora, editorial, portada, índice, valoración persoal... 🪧Todo este traballo está exposto na biblioteca, formando unha mostra fermosa que convida a descubrir novas lecturas e a deixarse levar polas recomendacións dos compañeiros e compañeiras.

Para rematar, quedamos cunha idea sinxela, pero poderosa🔝: os libros non só se len, vívense❤️. E cando un neno ou nena descobre o pracer de ler, está a construír unha parte fundamental de si mesmo🧘. Porque cada historia que levan dentro fará que medren máis libres, máis críticos e máis humanos. E iso, sen dúbida, é o mellor legado que podemos deixarlles🌟.

O alumnado de 5º visitou aos máis cativos/as do concello para lerlles un contiño. O paraugas de Cebra🦓, a historia de como un paraugas☂️ normal acaba servindo de acubillo da meirande parte de animais da sabana. Unha lección de solidaridade e amizade🫂, trasmitida con moito agarimo aos máis pequenos/as.

As flores radioactivas, 💐de Agustín Fernández Paz, foi a segunda lectura no club. Polo xeral, foi un libro divertido e tenso, sendo un dos primeiros episodios o escollido pola maioría como o máis simpático😂. Cando Alba escoita na radio a noticia das flores radioactivas na fosa, pero o seu amigo non se entera de nada estando a carón do aparato tamén. Iso e que non lle pica ningún peixe, lévana a irse á praia tomar o sol⛱️.

Un dos alumnos, ademais, fixo unha reflexión ben interesante🔝. Unha das asociacións ecoloxista participante nas protestas🙅 contra os verquidos e que se mobilizou por mar para loitar directamente contra os cargueiros responsables de eliminar os bidóns con residuos na fosa, contábanos que é a mesma que na actualidade tamén se manifesta e traballa en contra da macrocelulosa🏭 que aspira a instalarse no noso territorio. Este compañeiro destoucou da mesma asociación, asemade, a súa colaboración no freo⛔ á instalación en distintos puntos de  Galicia doutras catro celulosas hai xa ben anos. 

Unha conversa moi interesante e que nos fai sentir moi orgullosas/os😍 de levar a cabo actividades como as do club de lectura, porque malia ser un libro lido polos dous ciclos inscritos, as conversas e opinións sempre son diferentes e sempre hai unha nova aprendizaxe. O verdadeiro sentido destas iniciativas❤️.

E antes de rematar... recibiron as verdadeiras flores radioactivas!🌼 E levaranas con eles/as nas súas prendas! Así conseguirán ir e levar a paz a tódolos lugares. Ollo! ⚠️Son radioactivas, pero unha radioactividade inocua para o ser humano, unicamente brillan na escuridade!😄

No Club de Lectura do alumnado de 6º curso compartimos a lectura de Corredora,🏃🏽‍♀️ de María Reimóndez, unha obra que deu pé a unha conversa 🗣️profunda e moi enriquecedora. Durante a reunión reflexionamos sobre esas oportunidades excepcionais💫 que ás veces aparecen na vida e que, malia esixir sacrificio, esforzo e valentía, poden cambiar por completo o futuro dunha persoa🙃. Así acontece con Genet, protagonista da historia, para quen o atletismo se converte nunha vía de superación↗️ e nunha esperanza real para saír da pobreza.

Tamén xurdiu un intenso debate arredor doutro dos temas presentes no libro: a prostitución como medio de supervivencia. Esta cuestión permitiunos analizar como, en moitos contextos de desigualdade⬇️ e falta de recursos, determinadas decisións non responden a unha elección libre, senón á necesidade extrema😞. Foi unha oportunidade valiosa para cuestionar visións simplificadas e estereotipos que, con frecuencia, se difunden a través das redes sociais🛜.

A lectura de Corredora volveu demostrar que os libros non só contan historias, senón que tamén nos axudan a comprender 🙂‍↕️mellor a realidade e a desenvolver unha mirada máis crítica, empática e reflexiva sobre o mundo🌏 que nos rodea.

O alumnado de 4 anos gozou dunha visita moi especial coa presenza da familia dunha alumna🧑‍🧑‍🧒‍🧒, que compartiu coa clase a súa experiencia no cultivo de plantas 🌱na casa. Explicaron, dun xeito moi próximo, todo o proceso: desde a preparación do semilleiro🫘 e o traballo da terra ata o transplante das plantas cando xa estaban listas para medrar🆙.

Na actualidade continúan coidándoas con atención, regándoas💧 e agardando ver medrar lentellas, fabas e fresas🍓. Ademais, aproveitaron a ocasión para achegar ao alumnado conceptos moi interesantes relacionados co mundo vexetal, como a fotosíntese, as partes das plantas ou os nutrientes que precisan para desenvolverse e falar do Banco Mundial de Semillas de Svalbard.

Foi unha actividade moi enriquecedora💯, próxima á realidade de moitas alumnas e alumnos do noso cole. E para rematar... léronnos un conto! Aínda nada, unha historia arredor, como non, da espera polo crecemento dunha planta, pero que se fai eterna porque as plantas dannos alimento a nós, e tamén aos paxaros!😁

Actividades como esta axudan a comprender unha verdade esencial: a terra é a nosa fonte de vida💚. Mudaron as sociedades, avanzou a tecnoloxía🤳 e transformáronse os costumes🧑‍🌾, pero seguimos alimentándonos do que nace dela. Por iso, educar no respecto, no coidado e na protección 🥲é tamén educar na gratitude 🙏e na responsabilidade🫴. Se durante milleiros de anos a terra nos sostivo, cómpre aprender a devolvelle coidados, equilibrio 🟰e futuro. 

Axudan a comprender toda a vida existente no rural e a aprender a valoralo. Nas nosas parroquias sabemos moito disto e queremos que o alumnado se sinta orgulloso!🙂

Agradecemos enormente a visita desta familia, e todas as aprendizaxes que nos deixaron. Que gran sorte poder gozar estas experinecias. Gracias!❤️

🔴Continuamos co noso obxectivo de achegar e espallar a lectura a todo o mundo e a tódolos lados🍃. Unha das experiencias, que xa vos comunicamos, que botamos á andar no 2º trimestre foi a de facer lecturas pola megafonía do centro todos os venres na Hora de Ler. 

É unha oportunidade máis para motivar ao alumnado de cara a lectura, ao tempo que aprenden a regular as súas emocións, xa que nos confesaron sentir algo de nervios antes da lectura😬!

Nestas últimas semanas foi a quenda de 1º e 2º, e estano a facer moi ben!🔟

🔴Por outra banda, o alumnado segue a intercambiar🤝 lecturas tanto propias como dos libros. Neste caso as nenas e nenos de 3 anos foron compartir cos de 1º un conto creado por eles/as mesmos/as. Toda unha aventura na que houbo tractores, equipos de fútbol, pitiños... Canta imaxinación teñen os máis cativos!🤪

🔴E foron tamén os de 1º quen descubriron un conto que agochaba grandes experiencias no seu interior. Un libro, a priori, desapercibido, negro e con moitos puntos. El libro negro de los colores ⚫ presenta facilmente a realidade de moitas persoas con diversidade funcional física, con afección á vista🧑‍🦯. Tras tapar os ollos, debían adiviñar o que tocaban, e malia ter ollado o libro, apenas foron capaces de recoñecer os obxectos que se escondían nas súas páxinas. Chegando a manifestar claramente, a impotencia 😔de non ser quen de poder averigualo. Foi toda unha confrontación coa realidade🥹, coa que souberon empatizar e da que aprenderon. 

Escarlatina, a cociñeira defunta volveu facer as delicias do alumnado, desta quenda en 5º de primaria.

Compartiron, de primeiras, un intercambio de pareceres sobre o libro. Lady Harrour🕷️ segue sendo a personaxe máis querida e Amanito, a menos. Sen dúbida, o reencontro co avó o momento máis emotivo❤️ e a carreira definitiva do avó e Amanito, o máis tenso😬. Tamén houbo espazo para comparar lecturas📚, a anterior e mais esta, e hai certo empate🟰. Por un lado, gústalles a acción das flores radioactivas, pero por outro tamén esa viaxe ao inframundo de Escarlatina. Que... ollo! Hai alumnado que se atrevería a ir...😱

Así mesmo, houbo tempo... para preparar un brownie!😜

Anunciamos xa de antemán un tenso🤨 debate no Centro Social. O alumnado de 6º tomou posicionamento entre dous grandes 🔝da literatura universal: Miguel de Cervantes e Shakespeare. Cada grupo foi presentando diversos argumentos destacando as achegas de cada autor, facendo fincapé na creación de dous tipos de literatura ✒️moi diferentes pero igualmente relevantes na historia universal.

Cervantes foi valorado pola súa innovación 😯narrativa e pola profundidade dos seus personaxes, mentres que Shakespeare destacou pola súa capacidade dramática🎭 e a riqueza lingüística👅 das súas obras. 

Finalmente, o alumnado chegou a un acordo común: ambos autores reúnen méritos suficientes para seren considerados os mellores da literatura👑, polo que non resulta necesario establecer cal deles é superior.

O club da calceta 🪡de María Reimóndez foi a terceira lectura do club de adultas do noso cole.💯

Seis historias de seis mulleres 🚺con situacións persoais completamente diferentes que atopan nun club de calceta 🪡o espazo perfecto e simbólico que funciona como refuxio e, ao mesmo tempo, como o punto de inflexión da súa transformación persoal🧘.

Mediante unha actividade sinxela como a calceta a autora somérxenos en temas de trascendencia social e vital🙃, como a violencia de xénero, os estereotipos, a soidade, a anulación da identidade, a vulnerabilidade... 

Malia ser un libro escrito fai 20 anos🤔, chegamos a conclusión de que os cambios sociais non estiveron á altura do tempo transcorrido. A figura femenina segue sendo resiliente, plural e forte nun contexto dominado aínda por valores patriarcais e de sometemento😩. O club representa tamén unha ferramenta de unión para o cambio conxunto👭, o que consideramos que debería ser un aspecto a ter en conta e aplicar con maior regularidade🟰.

Na nosa reunión, tamén nos iniciamos na calceta🪡. Desta volta, asistiron avoas🧓, que a parte de ensinarnos a calcetar, tamén nos deron a súa perspectiva🗣️ sobre os acontecementos do libro comparado coa súa experiencia persoal. Descubrimos na calceta e no club de lectura unha nova forma de conectar xeracións 🧑‍🦳🙋dun xeito no que todas estamos cómodas e nos sentimos valoradas. Aplicaremos as ensinanzas das nosas mentoras, as persoais e as profesionais, para levalo á práctica co alumnado😃.

Grazas a todas por participar, asistir e crear comunidade!♥️

Hoxe imos falar de Alfonso Daniel Rodríguez Castelao, coñecido simplemente como Castelao, un dos personaxes 🧑‍🏫 máis importantes da cultura galega. Foi escritor, debuxante e tamén defensor de Galicia e da súa lingua👅. En xaneiro conmemórase o seu nacemento.

Castelao fíxose moi famoso polas súas “estampas”, que son debuxos ✍️con mensaxes, ás veces divertidos e outras veces que fan pensar🧠. A través delas, contaba como era a vida da xente e criticaba cousas que non lle parecían xustas🤨.

O alumnado fixo un traballo moi especial☺️ representando algunhas das súas estampas máis coñecidas e divertidas, achegándonos así á súa obra dun xeito creativo e entretido💡. Grazas a isto, podemos entender mellor quen foi Castelao e por que segue sendo tan importante hoxe en día🎖️.

Quenda de infantil con nada máis e nada menos que tres contos!😄

O alumnado de infantil acudiu ao PAI 👶a representarlles un novo conto 📘aos máis pequeniños e pequeniñas de Agolada. Elixiron o conto Shhh, temos un plan!.😯

Cal sería o seu plan? Lograrían levalo a cabo? Contarían coa axuda das nenas e nenos do PAI?😃

Esperámos que lles gustase!🫠

O alumnado do 2º e 3º ciclo recibiron unha charla onde aprenderon un pouco máis sobre a xestión dos residuos🚮. Comezaron por definir que era un residuo e a partir de aí, como clasificalo no seu colector 🗑️correspondente. 

Uns dos residuos máis importantes son os orgánicos🍌. Descubriron que poden ter unha segunda vida a través da súa transformación coa axuda dun composteiro, para rematar converténdose en sustrato🪴.

Logo, fixeron unha dinámica onde aprenderon a clasificar correctamente aqueles residuos que xeran máis confusión😕.

Unha actividade esencial para o noso proxecto sobre sostibilidade e máis agora que contamos con colectores novos no patio. Unha nova evidencia do noso compromiso co medio ambiente💚.

O alumnado máis cativo do cole realizaron unha saída chea de visitas moi interesantes.

Comezaron polo Pazo de Liñares 🏡para ver o pazo e unha increíble mostra de xogos🎳 e títeres antigos. Unha mostra especialmente interesante para o alumnado porque amosa unha realidade moi distinta á actual, marcada polo uso de tecnoloxía🧑‍💻 e xoguetes electrónicos. Antigamente, moitos xogos facíanse con materiais sinxelos, elementos da natureza, madeira 🪵fundamentalmente, e moitos incluso creados polos propios nenos e nenas. 

Relacionando esta mostra co proxecto das parroquias, a finalidade principal é que os máis novos descubran experiencias propias das xeracións anteriores🧓. Así, o alumnado pode entender que o xogo sempre foi unha parte fundamental da infancia, aínda que as formas de xogar cambien co tempo. Ao mesmo tempo, promóvese o respecto pola cultura local e a recuperación de xogos que forman parte da comunidade. 

A continuación, foron ao muíño de Cuíña e puideron ver todo o proceso de transformación do trigo🌽 en fariña. Un exemplo do patrimonio etnográfico e permite coñecer de primeira man unha das actividades fundamentais da economía rural tradicional: os muíños. Ademais de aprenderon sobre o funcionamento das distintas partes do muíño 💧(como as pedras de moer, o rodicio ou a canle da auga) e tamén se explicou a importancia que estes espazos tiñan na vida das parroquias. E aproveitamos pa facer uns barcos sostibles e botalos polo río.

Os muíños non eran só lugares de traballo, senón tamén puntos de encontro onde os veciños 👬compartían tempo, conversas e experiencias mentres agardaban pola súa quenda para moer.  Sen esquecer, que muñeira naceu da palabra muíño, ruadas que se formaban mentres a xente esperaba.

Logo, fixeron unha parada para repoñer enerxía🔋, porque máis tarde tocaba CINE!

Viron a película Hoppers. Unha película moi relacionada co proxecto das parroquias porque ambos promoven a idea de coñecer e valorar o medio 🌿no que vivimos. Igual que na película se destaca a importancia de respectar a natureza e actuar con responsabilidade cara ao entorno, o proxecto das parroquias busca que o alumnado tome conciencia do valor do patrimonio natural e cultural das súas aldeas.

A través desta relación, preténdese que os estudantes comprendan que o coidado🫂 da contorna é fundamental para conservar os espazos naturais, as tradicións e a forma de vida das comunidades. Do mesmo modo que os personaxes da película deben aprender a respectar e protexer o que lles rodea, o alumnado reflexiona sobre a importancia de preservar a súa propia contorna.

Quenda para o alumnado de 1º cunha historia ben coñecida😃 por todos/as nós, un clásico literario✒️ mundialmente coñecido, Don Quijote de la Mancha🏇.

Representaron a vida do cabaleiro e algunhas das súas intrépidas aventuras🤪, sempre da man dos seus fieis amigos Sancho Panza🧑‍🦱 e Rocinante🐴. Un camiño de aventuras, cheo de diversión🙂 e loucura.

Coma sempre, moitas familias 🧑‍🧒‍🧒decidiron achegarse para ver este gran espectáculo. Gracias por vir!🫂 

Para quen non puido asistir, deixámosvos vídeo👈📹.

Seguimos lembrándovos que podedes asistir 🫴quen queirades. Estas lecturas son para a veciñanza e Comunidade Educativa.❤️

Vémonos o 23 de marzo 📌co alumnado de 6º de infantil🤭.

Hoxe conmemoramos unha data moi importante🗓️, unha data para reflexionar, aprender e seguir avanzando ⏩cara a unha sociedade máis xusta e igualitaria, o 8M, Día da Muller.

Ao longo da historia, moitas mulleres🚺 loitaron para conseguir dereitos que hoxe parecen básicos: poder estudar, traballar, decidir e participar plenamente na sociedade. Grazas 🙂‍↕️a elas demos pasos moi importantes, pero aínda queda camiño por percorrer.

Desde o noso colexio a educación en valores como o respecto, a igualdade🟰 e a liberdade, son unha peza chave no día a día, para que todas as nenas e todos os nenos medren sabendo que poden ser o que queiran, sen límites, prexuízos ou estereotipos☄️.

O 8M é tamén unha oportunidade para recoñecer o papel fundamental das mulleres nas nosas vidas🤩: nais, avoas, profesoras, compañeiras e tantas outras que cada día constrúen un mundo mellor. 

Por iso, quixemos dedicarlle esta data ás nosas referentes♥️, a todas esas mulleres espalladas polas parroquias, que loitaron, loitan e loitarán por nós (e polas que virán) convertíndose en exemplo de traballo, superación e rebeldía. Mulleres rurais 🧑‍🌾que ao longo dos anos, foron e seguen sendo unha peza fundamental💪 nas nosas aldeas e nas nosas comunidades: traballando a terra🌎, coidando das familias🧑‍🧑‍🧒‍🧒, transmitindo tradicións🗣️ e mantendo viva a cultura das nosas vilas.

Moitas veces o seu esforzo non foi recoñecido como merece, pero grazas ao seu traballo, constancia e sabedoría, o rural segue tendo vida e futuro😀.

Sigamos aprendendo xuntos e xuntas, para construír un futuro, onde o xénero🧬 non sexa un condicionante, con máis respecto e máis oportunidades para todas as persoas.🫶

Sorpresa😯 con letras maiúsculas a que levou o alumnado de 6º hoxe cando se dispuxeron a ver algúns dos ovos na lanterna da incubadora!

👈Ollade, ollade! Será xa o embrión?🐣

Nova reunión do Comité Ambiental e con ideas frescas e renovadas🫵.

Comezamos por repasar a anterior actividade, os comedeiros para paxariños🦉, e pensamos na conveniecia de instalar tamén uns bebedeiros💧. Como se nos puido esquecer!🙃 Somos máis conscientes da importancia dos paxariños, de aí esta proposta, porque teñen un papel moi importante nos ecosistemas ao actuar como transportadoras de sementes,🕊️ un proceso coñecido como dispersión de sementes. Isto axuda ás plantas🌱 a reproducirse e a colonizar novos lugares. E... hai paxaros moi coñecidos para todas/os, que as esconden as landras para comelas máis tarde! A que non sabedes cal é?

Sairon novas ideas 🤔a raíz da charla do luns, sobre a que volvemos a falar. Analizando toda a biodiversidade que atopamos polo cole moitas veces (miñocas🪱, vermes, abellóns, abellas🐝, bolboretas🦋, xoaniñas🐞...) e pensamos en como poderiamos axudala. Ocorréusenos prepararlles un hotel, pero non un hotel calquera... un hotel de 5 estrelas!⭐⭐⭐⭐⭐

Para rematar, levantamos acta, aquí somos profesionais📝 e facemos ben as cousas!💯

Facemos seguimento das nosas landras e algunhas inda as plantamos estes días.

Continuamos co noso proxecto, achegándonos ao que nos rodea, coidándoo e protexéndoo, porque... Vai de parroquias!

Recibimos no cole a Marcos, Marcial e Iván, veciño do Sexo, colaborador con ADEGA e biólogo respectivamente. Viñeron a falarnos🗣️ sobre a importancia do coidado e a conservación do monte e das consecuencias nel dos incendios🔥. 

Marcos, centrouse nos diferentes aproveitamentos que se poden facer das especies existentes no monte e na importancia de coidalo⚠️, conservalo e comprendelo.

Marcial, falounos dos labores feitos por veciños/as e persoas voluntarias post-incendios na zona do Sexo para evitar o arrastre de sedimentos durante as choivas🌧️ e a erosión do terreo. 

Iván, pola súa parte amosóunos como un incendio pode beneficiar e perxudicar a unhas especies ou outras, axudóunos a distinguir entre cortiza de carballo e sobreira e tróuxonos tres exemplares de escarabello🪲, dúas vacalouras e un capricornio.

Antes de rematar, Marcial trouxo consigo unha sorpresa/agasallo para o colexio, unha sobreira! 🌳Por suposto, plantámola entre todas e todos no pedaciño de terra que temos no cole. É a primeira árbore do cole en moito tempo! Fíxonos moita ilusión, coidarémola con moito agarimo.

Finalmente, algún alumnado de 5º fíxolles unha entrevista, que pronto poderedes escoitar na nosa radio📻.

Moitas grazas aos tres por achegarnos un pouco máis á vida das parroquias!

Hoxe tivo lugar unha nova reunión do Comité Ambiental🌎. Desta volta, levamos á práctica algunha das ideas💡 que surxiron nas reunións anteriores. E Ana, a nosa profe de prácticas, foi quen nos axudou.

Unha delas foi crear comedeiros para paxariños🐦‍⬛. No inverno, a baixada das temperaturas, as xeadas e a menor presenza de insectos e froitos🍇 fan que lles resulte máis difícil atopar alimento suficiente para sobrevivir. Moitas especies, como o ferreiriño, o merlo ou o pardal común, permanecen aquí todo o ano e dependen do que poidan atopar na contorna🏞️.

Por este motivo decidimos instalar comedeiros, co obxectivo de complementar a súa alimentación natural nun periodo de necesidade. Empregamos materiais sinxelos e, o máis importante, de refugallo. 

Ademais de contribuír ao seu benestar🥹, esta acción permítenos observar de preto a biodiversidade que nos rodear, reforzar o compromiso do alumnado co coidado do medio ambiente e crear conciencia🧠.

Grazas profe Ana, quedaron preciosos!

Sorpresa! A nosa teima deste ano é espallar a lectura por toda a vila, e unha das iniciativas que imos levar a cabo van ser as lecturas no Centro Social (ao lado do colexio)!

A estas lecturas pode asistir quen queira, é aberto a toda a veciñanza! 

Asistide, comeza 3º e comeza cun gran conto... Vaia enleo Timoteo! 

Hoxe foi a quenda de 3º e 4º. Visitaron de novo o PAI, e contáronlles o conto do ratiño🐀 Paco que emprendeu unha viaxe de cara lúa🌔.

Comeza unha nova andaina neste trimestre e son as lecturas fóra do centro🏫🔙. 

Inaugurou esta nova proposta o alumnado de 6º consistente en facer lecturas periódicas ao Punto de Atención á Infancia (PAI) e outros espazos da vila🏘️.

Nesta ocasión, o conto seleccionado foi Mariluz a avestruz. O alumnado fixo unha pequena dramatización🎭. Tanto as actrices como actores , como o público, estiveron sublimes.

Agradecemos 🤩 tanto ao alumnado a súa participación en cada iniciativa, como ao persoal do PAI o recibimento, amabilidade e agarimo coa que sempre nos reciben.

Continuamos facendo de acotío os apadriñamentos lectores📚. Momentos en que os maiores, ou non tanto, acompañan🫂 ás máis pequenas e pequenos, nunha das actividades que máis lles gusta, a lectura☺️.

Desta volta, o alumnado de 6º enfrontouse😦 a unha serie de probas físicas para coñecer cal sería o próximo libro de lectura.

Series de relevos🏃🏃🏽‍♀️, skipping, talóns ao cu, salto de corda, lanzamento e carreira. Todo isto, en grupos e cun tempo máximo. Se eran quen de superar como grupo todas as probas recibirían un sobre cunha pista. Pero... a chave 🔐estaba en xuntar todas as pistas e coñecer a portada do libro. E conseguírono, por suposto!

E vós, saberiades dicir o deporte agochado detrás de todas estas probas e que da nome ao título do libro?🧐

Todo o alumnado do centro plantou ao longo do primeiro trimetre e do que levamos do segundo, unha landra. Os/as profes, tamén!

Todo isto nace dunha iniciativa moi fermosa🫶, e que se converteu nun dos principais obxectivos do noso proxecto Sosti-Lab, participar na reforestación do Sexo. Este verán,dita parroquia, sufriu un voraz incendio 🔥que cercou por momentos as vivendas e persoas da contorna, deixando tras de si unha paisaxe desoladora, triste e irrecoñecible😔.

Puxémonos mans á obra ou mans á terra. Recollemos landras na contorna e logo preparámolas para que comezaran a brotar. Fixemos un seguimento exhaustivo, estivemos expectantes para ver brotar as landras, pero levamos sorpresa nalgún caso... pois en vez de ver brotar as landras, atopamos vermes🪱!

 Entre decembro e xaneiro, comezaron a botar raíz, polo que chegou o momento de pasalas á terra. As nosas macetas, son personalizadas e feitas con botellas de plástico do comedor reutilizadas. E só queda esperar...🌱

Como a espera se atisba longa en moitos casos, lemos o conto de Aínda nada?, para comprender como as plantas, ao igual que nós, teñen os seus ritmos e procesos, e non todas xerminan ou medran ao mesmo ritmo. Iso si, coidámolas, mimámolase falámoslles moito!🥰

No marco das actividades do Proxecto de Vida Activa e Deportiva, o alumnado participou recentemente nunha charla sobre alimentación saudable 🥗e mindful eating🧘, na que se puxo o foco non só en que comemos, senón tamén en como o facemos, impartida por Belén Buján Lorenzo, con estudos en Dietética e Nutrición e Enxeñería Agrícola, e ademais veciña de Lamas (Trabancas), porque... Vai de parroquias!

Ao longo da sesión falouse da composición dos alimentos e do que nos achega cada grupo, así como da importancia da microbiota intestinal 🦠para o noso benestar físico e emocional. Incidiuse na importancia de que o noso prato sexa colorido🍽️ e haxa nel alimentos variados. Ademais, falamos sobre a etiquetaxe dos alimentos, un aspecto fundamental para non deixarnos levar por publicidades enganosas, que nos atraen con alimentos saudables que, en realidade, non o son tanto.

A parte teórica completouse con dúas prácticas moi significativas. Nunha delas, realizouse un exercicio de mindfulness eating no que, a través dun anaco de mazá🍏, o alumnado explorou a alimentación utilizando todos os sentidos, aprendendo a comer con atención plena e sen présas. Na segunda actividade reflexionouse sobre a cantidade de azucre que inxerimos habitualmente nas merendas, aprendendo a interpretar a etiquetaxe e poñendo terróns de azucre, tomando conciencia dos seus efectos na saúde e da importancia de facer eleccións máis equilibradas🟰. 

Pola tarde, foi a quenda das familias. Na súa sesión, fixeron un repaso dos contidos da mañá e tamén abordaron os beneficios da Dieta Atlántica, repensaron os almorzos e merendas e analizaron os disruptores endócrinos, moi presentes nos nosos fogares. 

👈Compartímosvos a presentación para que tomedes nota.

Unha experiencia moi enriquecedora que esperemos que axude a adquirir hábitos máis conscientes e saudables para o día a día.

Agradecer ❤️ a Belén a súa disposición para colaborar connosco e por facelo dunha forma tan dinámica e produtiva para todos/as. E grazas tamén, polo agasallo que nos trouxo, El mundo secreto de la microbiota... será que quere volver darnos unha charla, e desta volta sobre microbiota? Que non se fale máis!

Cada 30 de xaneiro celebramos o Día Escolar da Non Violencia e da Paz🕊️, unha data que nos convida a reflexionar sobre importancia de aprender a convivir🤝, a respectarnos 🤗e a resolver os conflitos dende o diálogo🗣️ e a comprensión🫂. A paz non é só a ausencia de violencia, senón unha actitude diaria que se constrúe nas pequenas accións, nas palabras que escollemos e na maneira en que nos relacionamos coas demais persoas. 

Ao longo destes días, o alumnado participou na creación e intercambio de mensaxes 💌de paz, fomentando o diálogo, a empatía e o coidado mutuo🫂. Ademais, esta iniciativa quixo ir máis alá das aulas, implicando tamén ás familias e á veciñanza, para espallar entre todas e todos un mesmo desexo: vivir nunha contorna máis xusta, amable e pacífica. Porque cada pequena mensaxe conta, e xuntas poden marcar a diferenza. 

O alumando fixo dúas mensaxes de paz, unha para a Comunidade Educativa e outra para unha/un alumna/o do cole. Debido a situación meteorolóxica non puidemos sair polas rúas repartir as mensaxes e deixámolas no cole para que as colleran cando viñeran. As outras deixámolas nun buzón e repartímolas o xoves. Cadaquén tivo unha mensaxe especial e emotiva.♥️

As flores radioactivas foi tamén a primeira lectura para 6º. Un libro con moita intriga ata o final que... decepcionou un pouco! O alumnado esperaba un final con máis acción, aínda que souperon sacar a parte positiva.

Destacaron a valentía de Alba, a personalidade de Roi e a actitude das autoridades. 

Hoxe tivemos unha nova reunión do noso club de lectura na nosa biblio 💬📖.

Nesta ocasión lemos o ensaio As tolas que non o eran, de Carmen Valiña.

Un libro intenso e tedioso na lectura, pero necesario. Convídanos a reflexionar sobre a historia de moitas mulleres que foron consideradas “tolas” por seren diferentes, por rebelarse, por buscar liberdade, por non cumprir co rol de muller daquela época. Mulleres esquecidas, pechadas durante anos con diagnósticos inxustos, incompletos e sustentados na opinión de veciños e familiares que representaban para eles unha vergoña social. Nun tempo no que a saúde mental era tabú e o control social marcaba as súas vidas.

A lectura axudounos a mirar ao pasado para comprender mellor o presente, e no que fixemos un exercicio necesario de memoria, xustiza e conciencia crítica. Reconstruímos e empatizamos con experiencias marcadas pola dor, a incomprensión e a inxustiza, e puxemos en valor aquelas de resistencia.  A conclusión foi a mesma, seguir traballando por unha sociedade máis xusta e igualitaria 🟰.

Ler xuntas tamén é aprender, compartir e medrar como comunidade educativa.

Hoxe o alumnado de 5º achegouse á biblioteca para falar sobre o libro As flores radioactivas de Agustín Fernández Paz. 

Unha historia  baseada en feitos reais que representa unha crítica social ante problemas medioambientais de gran impacto. O misterio 🫢dunha flores radioactivas achadas no atlántico trae preocupado á veciñanza, xente do mar e autoridades.

A través da valentía de Alba, unha xoven rapariga, descubrimos o valor do compromiso coa contorna e o medio ambiente, en contraposición aos amosados polas autoridades, que remata descubrindo o verdadeiro poder desas flores ☮️.

🌍Hoxe celebrouse a 1º reunión do Comité Ambiental do noso colexio. Un grupo de alumnos/as🤗 de todos os niveis cuxo obxectivo é protexer, recuperar e coidar o medio ambiente, a través de sinxelas accións e importantes campañas de concienciación.

Para comezar, tomou posesión cada membro, asignándolle a súa medalla🏅 identificativa e intransferible.

A continuación, comentamos cales debían ser os obxectivos🎯 deste Comité dentro do centro e sairon propostas ben interesantes: plantar árbores 🌳no recuncho verde do patio, como evitar a presenza de lixo sura🚮 no patio, poñer enredaderas nas vallas do centro, coidar mellor os tapers para que nos duren máis tempo... e así moitas máis! Foi unha primeira toma de contacto moi satisfactoria, e o mellor é que xa estamos agardando a seguinte reunión! 😄

O alumnado de 3º e 4º descubriu onte cal será a nova lectura para a próxima reunión do club... As flores radioactivas! E fíxoo a través dun intrigante e perigoso xogo de pistas.

Agardamos que lles guste!

Ollade se o o 1º libro do club de lectura de 3º e 4º non foi un éxito que algún alumnado ata repetiu as receitas do libro na casa!

Neste caso Belén, de 4º de primaria, fixo coa súa familia o delicioso brownie. As imaxes falan por si soas 🤤

O 9 de decembro, celebramos a primeira reunión do Club de Lectura da Comunidade Educativa arredor do libro As rapazas de Xan de Manuel Iglesias Turnes, unha xuntanza moi especial que marcou un fermoso comezo para esta nova andaina compartida arredor dos libros.

Tivemos a gran sorte de contar coa presenza do autor, algo que foi todo un luxo para o grupo. Grazas á súa participación puidemos descubrir moitas cousas novas do libro: detalles da historia, das personaxes e, sobre todo, do contexto no que foi escrito. Esta experiencia axudounos a comprender mellor a obra e a mirala con outros ollos, confirmando que os libros, cando coñecemos o contexto no que naceron, aínda son máis fermosos e significativos.

Foi unha reunión moi enriquecedora, chea de reflexións, preguntas e diálogo, na que se puxo de manifesto o valor da lectura compartida. E deixamos pendente o roteiro pola Baña, onde está ambientado o libro.

Queremos rematar cun agradecemento especail ao autor pola súa xenerosidade e proximidade, e tamén ás familias pola implicación e participación. Agardamos con ilusión as vindeiras sesións do club e todo o que aínda está por descubrir entre as páxinas dos libros.

Esta data, 3 de decembro, recórdanos a importancia de construír espazos máis xustos, accesibles e inclusivos, onde todas as persoas, nenos e nenas, poidan participar e desenvolver as súas capacidades sen limitacións. No día de hoxe queremos poñer o foco na diversidade, no respecto e na empatía, porque a inclusión constrúese entre todas e todos, a través dos pequenos xestos cotiáns e das actitudes que fomentan a igualdade. Aproveitemos esta xornada para reflexionar, aprender e reafirmar o noso compromiso de facer do noso centro un lugar no que cada persoa se sinta valorada e acompañada. 

Contamos desta volta coa presenza de Álex e Xosé, adestrador e xogador respectivamente do Dépor da Liga Genuine. A través da súa historia persoal descubrimos como, a pesar das diferenzas físicas ou psíquicas, podemos chegar a conseguir todos os soños que nos propoñamos.

Ademais, tamén nos puxemos na pel desas persoas, intentando realizar tarefas cotiás, a priori moi sinxelas, pero con algunha limitación física. É aí, cando valoramos as cousas que de verdade importan e nos sentimos afortunados.

O 25 de novembro, Día Internacional para a Eliminación da Violencia contra as Mulleres🙅, é unha data fundamental para reflexionar, visibilizar e actuar fronte a todas as formas de violencia machista. Esta xornada recórdanos que a igualdade real🟰 aínda é un obxectivo ‼️polo que temos que seguir loitando colectivamente, promovendo a educación en valores de respecto, empatía e xustiza social. É tamén unha oportunidade para renovar o noso compromiso 🤝como comunidade educativa na prevención, sensibilización e denuncia de calquera tipo de violencia exercida contra as mulleres. 

Ao longo destes días desenvolvéronse diversas actividades destinadas a concienciar, promover o diálogo e implicar ao noso alumnado nunha reflexión profunda sobre a importancia do 25N. Fixemos obradoiros, lecturas e unha performance dunha artista xaponesa cos nosos zapatos. 

Para que poidades ver parte do traballo realizado, deixámosvos unha pequena presentación que recolle os momentos máis destacados destas actividades.

Este ano quixemos celebrar o Día da Infancia 🗓️dun xeito especial e cheo de simbolismo. Desde o cole prepararmos os nosos sorrisos😄 e colgámolos nas árbores do parque do concello, convertendo o espazo público nun recordatorio vivo da alegría e da forza da infancia. Máis tarde, achegámonos para visitalos, recoñecernos neles e compartir ese momento tan emotivo. Aproveitamos tamén para manifestarnos📢, reivindicando os dereitos de todos os nenos e nenas e lembrando que a súa voz merece ser sempre escoitada.

 Ademais, viñemos ao cole en pixama, un xesto simbólico para lembrar e visibilizar a realidade dos nenos e nenas en acollemento, que ás veces teñen que marchar da súa casa con moi pouco. Quixemos así amosar empatía e apoio, poñendo en valor a importancia de garantir o benestar e a protección de todos os menores.

O Día da Infancia🙇 é unha data especial para lembrar que nenos e nenas teñen dereito a medrar felices, escoitados e respectados. No noso cole quixemos celebralo poñendo o foco no benestar emocional😶‍🌫️, porque educar tamén é axudar a recoñecer, entender e expresar o que sentimos. Por iso, ao longo desta semana, cada curso traballou unha emoción diferente, descubrindo o seu significado, como se manifesta e de que maneira podemos xestionala de forma saudable. Os resultados foron moi diversos, enriquecedores.