Celebramos o 3 de decembro como unha oportunidade para lembrar que todas as persoas son valiosas e únicas, con capacidades diferentes que enriquecen a comunidade. 

Contamos coa presenza de Álex e Xosé, adestrador e xogador do Dépor da Liga Genuine. Contaron a súa historia, coa que aprendimos que todos podemos participar, compartir e crecer xuntos. Para agradecerlles a súa colaboración neste día, dende Polos démoslles esta bota de fútbol xunto co escudo de Depor. 

O 25 de novembro conmemórase en todo o mundo o Día Internacional da Eliminación da Violencia contra as Mulleres, é un día no que recordamos a importancia de seguir loitando e promovendo valores de respecto.

Desenvolvéronse varias actividades no centro destinadas a concienciar ao alumnado da importancia deste día: lecturas, performance, obradoiros...

O pasado 24 de outubro inaugurouse a nosa Biblioteca Escolar. 

A Biblioteca Ferreiroa conta con difetentes espazos de traballo: zona de préstamo, zona de lecer, zona de consulta... Para facer máis visual todas estas zonas, dende Polos Creativos decidimos crear a cartelería dos difetentes lugares, utilizando a cortadora láser.

Ademais, o noso proxecto de centro deste ano relacionase coas parroquias de Agolada, así que tamén se fixeron, ademais do título, os nomes das diferentes parroquias (Baíña, Santa Comba...) onde se atopaban fotografías antigas das mesmas.