My reflections

Add your reflections about making the memrise course here. What was easy what was hard. What advice would you give to someone who might work on it in the future.

As any other reflections you have about making the portfolio.

Reflections Assignment Three / overall

I te tuatau i rave mai ei matou i te ta matou api'i i runga i te memrise, kua meitaki te au manako tuketuke tei tukutuku ia mai. E maata te au manako tei inangaro ia e matou kia tuku ki runga i te memrise, kare i rauka ia matou i te akamou i to matou manako ki runga ua i te tai tumu tapura. I na ra kua rauka ia matou i te uiui ma te pati tauturu no ko mai i te puapii a Akevai. Kua riro e nana e akaere ma te akamou i to matou au manako ki runga ua i te tai tumu manako maata koia oki, ko te Au tu takiato Korero e pera katoa te au kupu ta'u umu. I te tuatau e kimikimi a ra matou i te tai au takiato korero te ka tano no te tukuanga atu ki roto i te memrise, kua manga tu kaui te manako o te tai pae o matou, te tai pae kare e ariki ina ra kua inangaro au e kia taokotai te au manako katotoa. Iaku rai kua manga ekoko au i te tai au taime no te mea irinaki au e, te aru nei au i tei akaue mai iaku e oti e au manako ke teia e apai ia mai nei kia mua iaku. Kua riro ra te tauturu o te puapii e pera katoa toku au oa i te arataki i toku manako. No te tuanga o te multimedia, kua manga taīī rai matou i te tai au atianga. Kare matou i kite e ka akapeea te nene'i'anga i ta matou akaariarianga. Te au tutu no runga mai i te kupeaorangi, ka karanga au e maata te akapouanga tuatau ki runga ua i teia tuanga. Penei a te tai tuatau ka kimi mai matou i te tai au ravenga kē no te amani i ta matou Multi media.

Te Manako openga, irinaki au e kua mataora matou katoatoa no te angaanga ta matou i rave. Ka riro te reira i te akameitaki atu i ta matou portfolio e te au kai (marks) te ka oronga ia kia matou e te Puapii. I te katoa'anga o teia Peapa rua koia oki ko te Reo Maori Kuki Airani, te ngakau parau nei au i te au angaanga raverave ta matou i rauka i te rave. Kua kī toku ngakau i te rekareka, te mataora, te tu aruaru no te angaanga maata taku i kite e pera katoa taku i tomo ei ki roto. Kua rauka iaku te tu Katau ki mua i te tai ākā urupu tangata i te akairi i taku au kimikimi 'anga katoatoa. Kua rauka iaku i te tuatua i toku manako no runga i toku reo Mangarongaro e te au manamanata maata taku e kite nei i runga ia Mangarongaro, te akāroa. Kua tae mai matou ki te openga o ta matou apii e te aue nei te ngakau no te au taeake te ka oki ki to ratou au enua tatakitai. Kua rauka matou i te angaanga taokotai e te atuitui i te au manako katotoa no te akatupuanga i to matou au moemoea, koia kia akamatutu ia to tatou reo e ta tatou peu.

Meitaki Maata.

Reflection Assignment one

I toku manako, kua meitaki taku korero e kua tano te au manako ki runga i taku tumu tapura. I na ra, i te au tuatau ki mua, ka inangaroia kia meitaki atu e kia papa te au manako kia kore au e ekoko i te tai au atianga. Irinaki au e kua mataora te katoatoa i te akarongo i taku korero.