E tamaiti Mangarongaro au, ina ra kua anau ia au ki te Enua Nutireni. Toku Tupuna tane, no Mauke mai aia e toku Tupuna vaine, no Mangarongaro mai aia. I toku meangitianga na raua e utuutu iaku kia riro mai au ei tamaiti tiratira tu i roto i toku oraanga. I te tuatau i takake ei toku Tupuna Tane, tei roto au i te rima o toku tupuna vaine. E i te maata'anga o te taime i roto i toku oraanga, kua apiipii ia au e toku Tupuna vaine i te tuatua i te reo Mangarongaro. E i teia tuatau i reira te timata pakari nei au i te tamou i te reo o toku Tupuna tane, koia oki ko te reo Akatokamanava.

Anau mai ta raua, ko taku metua tane. Akaipoipo atu toku metua tane ki toku metua vaine akaieie, no Araura mai aia. Anau mai i reira ta raua, koau te mataiapo. E 0no matou i te katoatoa. Pouroa taku au teina e taku au tuaine, e no'o ana ratou ki te enua Nutireni. Kare takiri ratou e kite i te tuatua i te reo Māori Kuki Airani. No reira te ngakau parau nei au, no teia korona taku e mou nei koia oki, ko te reo taku e tuatua nei e taku e tamoumou nei i roto i toku oraanga.