Progres Kelompok Ganjil

Progres XII MIPA 6

6 Maret 2023

Dinten Senen, 6 Maret 2023, dilaksanakeun ujian sakola mangrupa prosesi nikahan adat sunda di Aula Baru. Salaku dokumentasi, abdi ngadokumentasikeun prosesi mapag calon pangantén nepi ka akad. Salaku WO, abdi ngarahkeun lumangsung na upacara adat.

Sungkeman

Sawéran

UPACARA ADAT BANTAYAN

Prosesi meuleum harupat ngandung harti yén panganten supados tiasa ngarengsekeun masalah anu aya dina rumah tanggana salawasna. Harupat anu dihurungkeun téh perlambang pameget anu sipatna getas harupateun, gampil kahuru.  Upami raka nuju bendu, istri kedah tiasa meper amarah carogé. Ieu dilambangkeun dina harupat nu dilebetkeun kana kendi, diangkat, dipotongkeun, teras dipiceun kapengker. Miceun getas harupat tanda na miceun sipat anu kirang saé. 

Nincak endog dilakukeun ku pangantén pameget. Prosesi ieu ngalambangkeun yén pangantén istri masih kénéh gadis, salian eta ngagambarkeun kamampuh panganten lalaki pikeun méré turunan turun-tumurun kulawarga. Perlambang binih endog téh mugia hidep duaan tiasa ngarundaykeun putra anu shaleh shaleha. Istri ngawasuh dampal sampean tuang raka tawis bakti istri ka carogé. 

Meupeuskeun kendi dilakukeun ku cara kadua pangantén nyepeng kendi teras dijatohkeun. Prosesi ieu mangrupikuen perlambang yén upami aya masalah dina rumah tangga kedah dipilari jalan kaluarna ku duaan. 

Ngalepaskeun japati dilakukeun ku ibu sareng rama pangantén. Prosesi ieu migaduh harti yén ibu sareng rama parantos ridho ngalepas putra sareng putri na. Anaking manuk hiber ku jangjangna, jalma hirup ku akalna.

Huap Pangjajap

Huap pangjajap ti ibu rama hidep duaan mungkas mangsa lalagasan omat kedah tiasa macakal, milarian rejeki anu halal. 

Huap Pangbagea

Prosesi ieu dipigawe kalawan ngahuapan pasangan panganten ku kadua pasang sepuh. Ieu ngalambangkeun teu aya beda antawis nyaah ka anak sarta minantu. Sarta oge ngalambangkeun

yen ieu teh kali pamungkas sepuh bade ngasuh anak-anakna. 

Huap Teuteup

Panganten pameget sareng wanoja silih masihan neda anu hartina bade ngambah kapal laki-rabi duaan minangka salaki sarta pamajikan.

Pabetot bakakak dilakukeun pangantén ku cara megang pingping hayam teras dibetot. Prosesi ieu ngalambangkeun yen saban perkawis anu maranehanana peroleh minangka salaki-pamajikan kedah dibagikeun kalawan adil. Hayam teh simbol sato anu sarwa guna, seueur mangpaatna, tah urang ge kedah tiasa janten jalmi anu aya mangpaatna kanggo nu sanes.