Son moitos os anos que levamos no CEIPP Os Casais atendendo de maneira especial aos Obxectivos do Desenvolvemento. Facíamolo xa nos tempos nos que o reto internacional viña marcado polos ODM e, cando no 2015 foi establecida a nova Axenda, esta pasou a ser o noso horizonte de referencia.

   Por iso, os proxectos SEM de aula deste ultimos cursos están todos enmarcados dentro de un ou de varios destes obxectivos. 

   E foron tamén moitas as actividades que fixemos, sempre tendo a Axenda 2030 como referencia.

CURSO 24-25

  Tal como vimos facendo dende varios cursos atrás, moitas das actividades que fixemos ao longo do curso quedaron recollidas nos Pasaportes Solidarios do Voluntariado Galego. Os Pasaportes utilizámolos para valorar o traballo de todo o ano.

CURSO 23-24

   Na actividade inaugural do curso establecimos os retos que cadaquén elixiu como prioritarios, para facer unha reflexión sobre aquelo que queremos conseguir e priorizar os obxectivos que poden estar ao noso alcance, se deixar de ter en conta o conxunto global e a Axenda na súa totalidade.

   Algunhas das actividades que fixemos ao longo do curso quedaron recollidas nos Pasaportes Solidarios do Voluntariado Galego. Os Pasaportes utilizámolos para valorar o traballo de todo o ano.

  É digno de destacar neste curso 23-24 a nosa participación no programa de radio en directo, emitido por Radio Fene dende a antiga escola indiana de Limodre. Fomos convidados a contar a nosa experiencia en prol do desenvolvemento da Axenda 2030 e a consecución dos Obxectivos do Desenvolvemento Sostible.

CURSO 22-23

Este curso moitas das nosas actividades tiveron premio: recibimos cromos para o noso album a medida que íamos traballando os ODS.

Conseguimos completalos todos!

Posamos orgullos@s co noso album e co cartel do Proxecto Somos quen que recibimos do Voluntariado e trouxo para todos a clase de 2º, que foi a que participou no Encontro do Voluntariado Miúdo. Levaron a Super-oca Solidaria para xogar cos outros coles. Gozaron dunha divertida xornada, na que compartiron experiencias con outros nenos e nenas implicados en facer deste mundo un lugar mellor.

E tamén, coma sempre, participamos no Proxecta Pasaporte Solidario. Nos pasaportes fumos apuntando algunhas das actividades e así podemos pensar durante todo o ano nas cousas que imos facendo e no importantes que son ainda que parezan pequenas.

Que actividades son? Pois son moitísimas. Aparte de todos os proxectos SEM de aula, a vida diaria do cole está impregnada de participación, de solidariedade, de traballo voluntario, de reivindicación da igualdade e a inclusión, de defensa da educación...

Por exemplo:

• Continuamos recollendo TAPÓNS SOLIDARIOS. Agora son para Emma, unha nena de Pontedeume que os necesita.

• Participamos en CAMPAÑAS SOLIDARIAS de recollida de roupa e calzado.

• Durante todo o curso temos presente a CADEIRA VERMELLA que reivindica o dereito á educación.

• Participamos no CONCURSO ESCOLAR ONCE, para fomentar á inclusión.

• Temos o programa TEI, de titoría entre iguais.

• Participamos en campañas solidarias de ALIMENTOS, PRODUTOS DE HIXIENE E MATERIAL ESCOLAR.

• Colaboramos coa RESIDENCIA DE MAIORES.

• Tomamos moi en serio a RECICLAXE.

• Celebramos con especial relevancia aquelas datas significativas relacionadas coa Axenda: 20-N, 25-N, 3-D, 24-X, 30-X, 8-M, 21-M, 5-X. Isto é: o Día dos Dereitos da Infancia, o Día contra a Violencia de Xénero, o Día das Persoas con Discapacidade, o Día Internacional da Educación, o Día da Paz, o Día da Igualdade de Xénero, o Día das Persoas con Síndrome de Down, o Día da Terra e o Día do Medio Ambiente.

• Toda a comunidade escolar, alumnado, profesorado e familias, fai VOLUNTARIADO DE LECTURA.

• O alumnado de 5º e 6º participa no Voluntariado de Lectura-A, enmarcado no Plan LÍA das Bibliotecas escolares de Galicia.

• As FAMILIAS colaboran con OBRADOIROS e CHARLAS, nas que elas mesmas participan como persoas expertas.

• A ANPA Río de Va pon en marcha PROXECTOS en beneficio de toda a comunidade educativa.

• Outras entidades e asociacións da contorna (Adarve, AETNA, O Pote...) colaboran con nós de forma voluntaria, altruísta e solidaria.

  En definitiva: buscamos o desenvolvemento educativo integral do alumnado, dende a súa propia individualidade e específica personalidade (modelo SEM), incentivando as relacións co entorno máis próximo e o fomento da PARTICIPACIÓN de tódolos membros da comunidade educativa, como preparación para o exercicio pleno dos dereitos humanos e dunha CIDADANÍA activa e democrática plenamente implicada co coidado do medio ambiente e na procura do BEN COMÚN GLOBAL.

CURSO 21-22

Todo o centro, dende hai anos, participa no Pasaporte Solidario. Este ano, no que celebramos o Xacobeo 21-22, foi o do Camiño de Santiago.