ARGIBIDE OROKORRAK
1.- "O-GREEN" LASTERKETA SERIEA
Gasteiz Orienteering Green Series sei orientazio lasterketa dira, adin eta interes guztiei irekiak, izaera integratzaile eta ekologikoarekin Gasteizko eraztun berdean garatzen direnak.
2.- LASTERKETAK
Vitoria-Gasteiz O-Green Serieak 2019ko irailetik 2020ko maiatzera bitartean egingo dira. 6 lasterketak osatuko dute; horietako bi 2019an eta beste lau 2020an:
2019/11/17: Zabalgana. Mariturri eta Zabalganako basoaren mapa
2019/12/1: Arriaga. Arriagako parkearen mapa.
(Zehazteke): Armentia. Armentiako herriaren eta basoaren mapa.
(Zehazteke): Olarizu. Olarizuko parkearen eta muinoaren mapa.
(Zehazteke): Gamarra. Gamarrako parkearen mapa eta eraztun berdearen eranskina.
(Zehazteke): Almendra. Alde zaharreko mapa eta zabalgunea.
3.-IBILBIDEAK ETA ZAILTASUNAK
Lasterketa bakoitzean lau ibilbide ezberdin egongo dira, maila desberdinetara egokituta; izan ere, kirolariengana ez ezik, familiengana, eskolakoengana eta zailtasun funtzionalak dituztenengana ere iritsi nahi dugu.
Hauek dira lau ibilbideak:
Open horia: Haur txikiak dituzten familientzat, umeen paseoa eta hastapena eman nahi dutenentzat.
Open laranja: Helduen edo tarteko maila batera orientazioa egin nahi dutenen hastapenerako.
Open gorria: Orientazioa ezagutzen duenarentzat eta probetan parte hartu ohi duenarentzat.
Open zuria: Mugikortasun urriko pertsonentzako.
Kirolean hasten diren familia eta pertsonek lasterketen egunetan mapa eta iparrorratza erabiltzeko oinarrizko eta beharrezko kontzeptuei buruzko argibideak emango ditugu orientazio-ibilbideak arrakastaz osatzeko.
4- IZAERA BERDEA
O-Green lasterketa-serieak "Green" izaera du, eta ingurumen-iraunkortasuna du helburu, Ezaugarri berezi batzuekin:
1. Trazadurak diseinatzea, ingurumenaren aldetik sentikorrak diren eremuak saihestuz
2. Parte-hartzaileak ibilbide desberdinetan sakabanatzea, leku berean parte-hartzaileen higadura edo konkurrentzia handiak saihesteko.
3. Autobus publikoen geltokietatik hurbil dauden karrera-guneen kokapena eta garraio kolektiboaren erabilera erraztea.
4. Lasterketa-eremuetara bizikletaz joatea erraztea.
5. Hotsa kutsatzen laguntzen duten bitartekoak ez erabiltzea, hala nola megafonia-ekipoak, irteera-seinaleak edo masa-konkurrentzia.
6. Energia elektrikoaren beharrak minimizatzea eta energia berriztagarriak erabiltzea inskripzio- eta kontrol-ekipoen funtzionamendurako.
7. Horniduretan plastikozko edalontzien erabilera kentzea eta parte-hartzaileei gutxieneko ontziratzea duten elikagai berreskuratzaile naturalak ematea.
8. Paperezko orriak berrerabiltzea emaitza-orriak inprimatzeko
9. Birziklatzeko edukiontziak lasterketa gunean kokatzea.