Ko'ai au: Ko Anatiputoa J.Andrew au
Embedded Files
Ko'ai au?
Kia Orana. Ko au teia ko AnatiputoaTaio_Andrew. E vaine Rarotonga au. E no'o ana au ki Aroa i te oire Puaikura. E puapii au no te tu'anga Apii Potiki i te oire Titikaveka. Ko au tetai i roto i teia tu'anga apii maori i teia tuatau nei no te mea kua irinaki au e ka riro mai taku a apii nei, ei tauturu rai i a ku no te tauturu atu i ta matou anau tamariki i te kite, i te tuatua e te tata i to ratou uaorai Reo Maori Kuki Airani.Taku teata mua teia i maani e te riro nei ei mea ngakau parau naku. No te tuʻanga apiʻi LL216 teia ʻangaʻanga raverave naku e kua tauturuʻia au e Julie Seddon.
Ko au teia e tuatua nei i roto i teia teata e kua maʻaniʻia teia teata ma te tauturu a Julie Seddon i te tuatau o te api'i LL216. E ma'ata tikai toku rekareka no teia tei ma'ani'ia.E au korero 'akakitekite teia no tetai tuatua'anga mātauʻia e te ʻiti tangata Maori Kuki Airani i te taʻiku no atu e tei ʻea ratou i te ngā'i noʻo mai ei. E nga kupu puʻapinga oki teia i roto i te maʻataʻanga o teia Reo Kuki Airani.Kia Orana te ʻiti tangata Maori Kuki Airani. E tā'iku ua ia na rai te KIA ORANA i te au tuatau ravarai, me ʻakamata ana tetai tangata Kuki Airani i te tuatua ki tetai ua atu tangata, taeake me kore porena. E kia ʻakaoti te tuatua, ka ʻakaoti katoa rai ki te Kia orana me kore ra, Kia Orana e kia manuia. No atu ra e te vai nei teia i teia tuatau nei, te kite ia mai nei e kua taʻangaʻanga katoa ia mai tetai au kupu ke ki te pae i te Kia Orana, kia tuatua ia e tetai au tangata Maori Kuki Airani nei. KIa Orana ( E...i, te a'a nei?) (morning) ( popongi) (E noo ra Ka kite) (Aere atu ra) ( E noo ra) (Aere ra)Ka akapeea ra tatou i reira? Te kitea nei e ko teia nga kupu "Kia Orana," e aiteʻanga oʻonu tikai tei muri ake, no te mea me tuatua ia te "Kia Orana," to oronga ia ra te mata katakata, te inangaro, e te ʻoaʻoa ki te tangata e me kore tetaʻi ua atu e araveiʻia ra. I te reira tuatau rai, ka takavekave, e oʻongi atura. Ko teia te tu o te Kia Orana.
Google Sites
Report abuse