Embedded Files
Kia Orana i te aro'a ma'ata o te Atua.
Kia 'akameitaki'a te Atua no teia tuatau tei rauka mai, kia tomo ki roto i teia api'i'anga, CM212 Teaching Cook Islands Maori, aka'ou i teia tuatau Tianuare ra 6-24 2020, nei. I roto i teia tutu i runga nei, tei roto nei toku au tuakana, teina e te tungane e ta matou au tamariki e te au mokopuna e te ina. E putuputu'anga rota'i teia na toku kopu tangata, i te tua o toku metua tane, Tiputoa Taio, the Late Pera Tutara Mataiapo o Kavera, i te oire Arorangi. Kua tuku au i teia tutu ki runga nei, no te mea, kua kite au i te ngatā o te tuatua i te Reo tupuna Rarotonga Maori Kuki Airani. E ngatā te reo Rarotonga Maori Kuki Airani kia tuatua mai te au tamariki e no'o ana ki Rarotonga nei, e pērā tei aere mai mei Nuti Reni e Autereria. Kua kite mai au e, Kia tuatua'ia e kia oronga'ia tetai karere na roto i te reo Rarotonga Maori, kia 'akamārama ia rai, me kore kia tuatua akaou'ia rai ki te reo papa'a. Kare ra teia i riro ei manamanatā i tōku au tuakana, teina e te tungane, e kare i papu i aku, e ea'a te tumu ināra, kua riro ei mamae'anga nōku. Kare te au metua i api'i i ta ratou au tamariki kia tuatua i to ratou re Rarotonga maori.No atu ra te reira, kua api'i'ia ratou e "me kāre o ratou Reo Maori Kuki Airani, kare o ratou takainga vaevae tumu tikai. E kare ratou e kiteā 'ia e no'ea mai ratou. Te akaāro'a.
Kia 'akameitaki'a te Atua no teia tuatau tei rauka mai, kia tomo ki roto i teia api'i'anga, CM212 Teaching Cook Islands Maori, aka'ou i teia tuatau Tianuare ra 6-24 2020, nei. I roto i teia tutu i runga nei, tei roto nei toku au tuakana, teina e te tungane e ta matou au tamariki e te au mokopuna e te ina. E putuputu'anga rota'i teia na toku kopu tangata, i te tua o toku metua tane, Tiputoa Taio, the Late Pera Tutara Mataiapo o Kavera, i te oire Arorangi. Kua tuku au i teia tutu ki runga nei, no te mea, kua kite au i te ngatā o te tuatua i te Reo tupuna Rarotonga Maori Kuki Airani. E ngatā te reo Rarotonga Maori Kuki Airani kia tuatua mai te au tamariki e no'o ana ki Rarotonga nei, e pērā tei aere mai mei Nuti Reni e Autereria. Kua kite mai au e, Kia tuatua'ia e kia oronga'ia tetai karere na roto i te reo Rarotonga Maori, kia 'akamārama ia rai, me kore kia tuatua akaou'ia rai ki te reo papa'a. Kare ra teia i riro ei manamanatā i tōku au tuakana, teina e te tungane, e kare i papu i aku, e ea'a te tumu ināra, kua riro ei mamae'anga nōku. Kare te au metua i api'i i ta ratou au tamariki kia tuatua i to ratou re Rarotonga maori.No atu ra te reira, kua api'i'ia ratou e "me kāre o ratou Reo Maori Kuki Airani, kare o ratou takainga vaevae tumu tikai. E kare ratou e kiteā 'ia e no'ea mai ratou. Te akaāro'a.
Kia Orana,
Teia toku ngā metua. Te Metua tane, ko Tiputoa Pokoina Iosia Taio ( Late Pera Mata'iapo Tutara) e ko Tunganekore-o-Ranga'au toku metua vaine. E metua tane tumu Rarotonga e e metua vaine no Aitutaki mai mei roto i a Vaeruarangi Ariki. Ko te tumu i apai mai ei au ia rāua ki runga i teia tāta'anga nāku, koia oki e nga metua mou reo raua. E nga metua tuatua raua i te Reo Maori kia matou ta raua au tamariki. Kare e ma'ara ana i āku i te au tuatau ē e tuatua papa'ā mai ana raua kia matou te au tamariki. I toku tāmanako'anga no reira pa'a toku inangaro i toku reo maori, Reo Rarotonga. I roto oki i te tutu i runga rava nei, te akaāro'a nei au i toku au tuakana, teina e te tungāne, nō te mea kua no'o ratou ki teia nga enua Nuti reni e Autereria, kua ka'iro'iro to ratou reo. Nā te tuatau Rota'i'anga Kopu tangata Tiputoa i akakite mai ki ā ku ē, kia matakite au i toku Reo Maori.Aue tikāi te akaro'a i to tatou reo, ko Te Reo Maori Rarotonga tikāi. Ka anoano'a rai e na te au pu'api'i tane e te vaine Rarotonga rai e api'i i te Reo Rarotonga no te mea, kare rai tetai au puapi'i no te paenua i tai mai e inangaro i te api'i i to teta'i reo ke, koia ko te reo RarotongaNo reira, kia mou, kia titika te riuriu o te manava i te kave i to'ou reo, te Atua te aro'a. Kia Orana.
Teia toku ngā metua. Te Metua tane, ko Tiputoa Pokoina Iosia Taio ( Late Pera Mata'iapo Tutara) e ko Tunganekore-o-Ranga'au toku metua vaine. E metua tane tumu Rarotonga e e metua vaine no Aitutaki mai mei roto i a Vaeruarangi Ariki. Ko te tumu i apai mai ei au ia rāua ki runga i teia tāta'anga nāku, koia oki e nga metua mou reo raua. E nga metua tuatua raua i te Reo Maori kia matou ta raua au tamariki. Kare e ma'ara ana i āku i te au tuatau ē e tuatua papa'ā mai ana raua kia matou te au tamariki. I toku tāmanako'anga no reira pa'a toku inangaro i toku reo maori, Reo Rarotonga. I roto oki i te tutu i runga rava nei, te akaāro'a nei au i toku au tuakana, teina e te tungāne, nō te mea kua no'o ratou ki teia nga enua Nuti reni e Autereria, kua ka'iro'iro to ratou reo. Nā te tuatau Rota'i'anga Kopu tangata Tiputoa i akakite mai ki ā ku ē, kia matakite au i toku Reo Maori.Aue tikāi te akaro'a i to tatou reo, ko Te Reo Maori Rarotonga tikāi. Ka anoano'a rai e na te au pu'api'i tane e te vaine Rarotonga rai e api'i i te Reo Rarotonga no te mea, kare rai tetai au puapi'i no te paenua i tai mai e inangaro i te api'i i to teta'i reo ke, koia ko te reo RarotongaNo reira, kia mou, kia titika te riuriu o te manava i te kave i to'ou reo, te Atua te aro'a. Kia Orana.
_________________________________________________________________
Kia Orana,
Te ui nei te ui'anga. Ea'a i reira taku i rauka mai i roto i teia api;i'anga i teia tuatau apii no tatou, 2020, mei te ra 6 o Tianuare, ki te ra openga? Te mea ma'ata rā, kua rauka mai teta'i au mārama 'ou, no runga i tōku reo Maori Rarotonga. Kua akakite rai au e, ka kite au i toku reo, e ka kite katoa au i te tātā i te reira, i nara, kare au e kite i te tua tāpapa no te akamārama tikai i te no'oranga o te au kupu, i roto i te au tākiato, taku e tata ra. E kare katoa au e kite i te tua tāpapa i te piri'anga o te au kupu kia ratou uā'orai e ta ratou au 'anga'anga, kua rauka tika mai i reira te aite'anga o te takiato korero. E ko tetai, rai, ko te kite o te au karape no te tā'anga'anga 'anga i te roro auira, te aere'anga ki roto i tetai au tu'anga keke aere, no te rave'anga i te kimi, akatupu e te āpaipai'anga i te karere ki roto e ki va'o i te au va'ī tuketuke (files). I nā kua riro te reira tuātau, i te piri katoa atu ki roto i te 'iri'iri kāpua a te putuputu'anga a te "Kopapa Reo Maori Kuki Airani." Kua 'akaoti te putuputu'anga api'i a teia kopapa api'i a tatou i teia ra, Varaire ra 24no Tiānuare māri ua kia tae rava ki te openga o te marama Peperuare e topiri ei teia tu'anga apii. No reira, kia mataora e kia manuia.
Mei konei atu i aku,
Anatiputoa J.Andrew CM212 Teaching Cook Islands Maori Language
Te ui nei te ui'anga. Ea'a i reira taku i rauka mai i roto i teia api;i'anga i teia tuatau apii no tatou, 2020, mei te ra 6 o Tianuare, ki te ra openga? Te mea ma'ata rā, kua rauka mai teta'i au mārama 'ou, no runga i tōku reo Maori Rarotonga. Kua akakite rai au e, ka kite au i toku reo, e ka kite katoa au i te tātā i te reira, i nara, kare au e kite i te tua tāpapa no te akamārama tikai i te no'oranga o te au kupu, i roto i te au tākiato, taku e tata ra. E kare katoa au e kite i te tua tāpapa i te piri'anga o te au kupu kia ratou uā'orai e ta ratou au 'anga'anga, kua rauka tika mai i reira te aite'anga o te takiato korero. E ko tetai, rai, ko te kite o te au karape no te tā'anga'anga 'anga i te roro auira, te aere'anga ki roto i tetai au tu'anga keke aere, no te rave'anga i te kimi, akatupu e te āpaipai'anga i te karere ki roto e ki va'o i te au va'ī tuketuke (files). I nā kua riro te reira tuātau, i te piri katoa atu ki roto i te 'iri'iri kāpua a te putuputu'anga a te "Kopapa Reo Maori Kuki Airani." Kua 'akaoti te putuputu'anga api'i a teia kopapa api'i a tatou i teia ra, Varaire ra 24no Tiānuare māri ua kia tae rava ki te openga o te marama Peperuare e topiri ei teia tu'anga apii. No reira, kia mataora e kia manuia.
Mei konei atu i aku,
Anatiputoa J.Andrew CM212 Teaching Cook Islands Maori Language
Google Sites
Report abuse