Embedded Files
Kia Orana. Teia te au manako maata i roto i teia apaipai'anga manako, koia oki ko te tuatua no te Reo Maori Kuki Airani. I roto oki i te tuatau uriuri manako o te au tamariki ki roto i teia apii i teia ra nei koia oki te akapapu meitaki'anga e te aere uatu nei to tatou Reo Maori ki muri. Kare e aere atu anga ki runga no te mea, kare ta tatou au tamariki i teia tuatau e maroiroi ana i te ta angaanga i te reo Maori, i roto i tetai maata'anga ngutuare Maori kuki Airani tikai, i roto rai i te oire, te apii e te au ngai angaanga tikai i Rarotonga nei. Tera katoa te tuatua no te kapua'angaia mai te akamata'anga'ia o te tata'anga o to tatou reo. No te mea oki e reo tuatua ua oki to tatou, e kare i tata ia. Mari ake te Evangelia i tae mai ki te Kuki Airani nei i te reira tuatau, tata'ia ei to tatou reo. Kare tatou e riri ia ratou, no te mea kua tata oki ratou i to tatou reo. Ko te mea maata ra, kia apii tatou, puapii,te au metua e pera tetai ua atu ka kite i to tatou reo. Apiʻi ia kia parauare e te matutu tikai to tatou Reo Maori Kuki Airani. Kia Orana e kia manuia.
Ko Tama Ritaea Puapii tane teia e tuku nei i tona au manako oonu tikai no runga i tona Reo Aitutaki.Kua riro tikai tana i akakite mai, ei mea, manata tikai ki toku ngakau, manako e te kimikimi meitaki anga tikai e te akapeea nei te Reo Aitutaki i teia ra nei.I roto i te apii LL216 i roto i teia tau apii i topa akenei, kua riro tikai te nga akaue tataʻanga e te angaanga neneʻi tutu aere i te akapuera tikai i to tatou, e i te kite anga e te topa nei te reo ki raro e kia raro tikai. Me kare e tangata e rave i tetai ravenga, ka ngaro rava atu te reo.No reira, akamatakite, ka tu ka rave kia kore te reo e ngaro
Ko Bene, Nana e Ana teia e akatutu nei i ta ratou tua i maani mai e kua mataora tikai ratou i te akatutuʻanga i ta ratou tua, e kua riro tikai ei mataora no te katoatoa tei matakitaki i teia akatutuʻanga. E tua kangakanga ua tei na ratou i tata mai e kua pera katoa tetai atu au pupu, ta ratou i tata mai.
Ko Joan Gragg teia e tuatua nei. Te akakite nei aia i tona manako no te ritorito o te Reo Maori e akarongo nei aia i roto i te are apii i teia nei no te mea kua ariki oki aia e kia apii ia rai teia reo ki te tamariki kia matou ratou i te tuatua e te taangaanga i te reo maori ma te tukatau tikai
Ko Elizabeth teia e tuatua nei i tona manako no te Reo Maori. Kua mataora tikai au i te akarongo anga. Kua imene katoa aia i tetai imene no te turu i tona manako, ..taku reo, taku ivi, e mea maori e...
Ko Poko Matapo teia, e metua vaine Orometua teia no te akonoanga AOG i Titikaveka. E manako ririnui tikai to Poko no runga i te Reo Maori e kua akapiri aia ki runga i te tumu tapura, o te Climate change. E reka tikai au i tona manako ririnui
Reflections
I roto i te tuatau tukutuku manako no runga i te Reo Maori Kuki Airani, i te ra mua tikai o te Apii, i te Paraparau, ra 3 no Tianuare nei, kua riro tikai teia tuatau ei akara'anga pakariki tikai ki muri na matou katoatoa i roto i teia apii i teia ra.Reflections
Teia tei rauka ia matou, koia oki:1/ Kua ariki te katoatoa e te ngaro ua atu nei to tatou reo maori Kuki Airani i teia ra tikai no te mea, kare e maata akaou ana te au tamariki e tuatua akaou ana i to ratou reo Maori. Mei te mea atura e:i. Kare ratou e tukatau ana i te taangaanga i te reiraii. Kare ratou e marama meitaki e te papu meitaki e, me te tano nei, me kareiii. Kare ratou e rongo maata ana e ta'anga'anga ia ra te reo Maori i roto i to ratou ngutuareiv. Kare rai ratou e inangaro ana i te ta'anga'anga i to ratou reo
2. I roto i tetai apii tei rave ia i roto i te LL216, kua kitea mai e kua ngaro te reo Aitutaki. K,ua kitea mai i roto i ta ratou kimikimi'anga, kare te reo Aitutaki i tata ia ki runga i te au peapa akakitekite tuatua i runga i tetai ua atu papa, tei ta'anga'anga ia, e tai rai manga papa e e reo Aitutaki to runga. Kua akakite tetai o te au puapii no Aitutaki mai e, kua paruparu rai tona manako no runga i tona reo Aitutaki.
Inara, no reira oki teia apii i akatupu ia ei koia oki ko te aka maroiroi e te tu ki runga e kia apai i te taiki, kia mou i to tatou reo, apai ki runga, kia kore e ngaro.
E manako teia'a ra teia, Na'ai e apai i teia ki runga. Na'ai e apai atu ki mua no te mea te vaitata mai nei te ra e kare e tangata e anga'anga akaou i reira.
Google Sites
Report abuse