Empecemos a traballar. formación técnica para persoas usuarias da Fusquenlla

Hai uns meses levouse a cabo un programa de presentación do proxecto e agora atopámonos na seguinte fase, consistente na formación técnica das persoas que teñan verdadeiro interese en utilizar as instalacións. Neste sentido estase primando a participación de persoas dos catro municipios que desenvolvan a súa actividade no sector agrario e alimentario e que teñan unha clara vinculación co mundo rural.

Os dous primeiros cursos que se impartiron -en xullo e agosto de 2022- centraráronse exclusivamente na transformación de produtos hortofrutícolas a través de oito módulos de 63 horas de teoría e práctica:

• Hixiene e manipulación de alimentos. (15h)

• Limpeza e desinfección do espazo de traballo. (6h)

• Prevención de riscos laborais específicos do sector. (9h)

• Manexo do equipamento e instalacións. (6h)

• Manexo de ferramentas informáticas para a produción de conservas. (6h)

• Trazabilidade. Documentación e cumprimento de normas. (6h)

• Elaboración de custos do uso das instalacións. (3h)

• Transformación de produtos hortofrutícolas. (12h)

Para estes dous primeiros cursos ofertáronse un máximo de 15 prazas, coa esixencia de asistir polo menos ao 90% das horas de cada módulo.

Ademais tamén foi necesario que as persoas participantes superasen con suficiencia todos e cada un dos apartados formativos para poder ser admitidas despois como usuarias da Fusquenlla.