བཞེས་སྒོ་དགའ་ཤོས་བཱ་གར་གྱི་སྐོར།

ཉིན་བསྟར་བཞིན་དུ་ འཛམ་གླིང་རྒྱལ་ཁབ་ ཡར་རྒྱས་འགྱོ་མི་དང་བསྟུན་ ཕྱི་རྒྱལ་གྱི་བཞེས་སྒོ་མ་འདྲཝ་ལེ་ཤ་ཅིག་ར་ ང་བཅས་རའི་རྒྱལ་ཁབ་ནང་ ཐོབ་ཚུགསཔ་འགྱོ་སྟེ་ཡོད། དེ་མ་ཚད་ བཞེས་སྒོ་བྲོཝ་ཅན་ཚུ་ ང་བཅས་ག་ར་གིས་ བཟའ་ནིའི་ གོ་སྐབས་ཐོབ་སྟེ་ཡོད། འཛམ་གླིང་ནང་ལུ་ བཞེས་སྒོའི་རིགས་ མ་འདྲཝ་ཚུ་ ཐོབ་ཚུགས་མི་དང་འཁྲིལ་ ང་བཅས་མི་ཚུ་གིས་ རང་གིས་དགའ་མི་ བཞེས་སྒོ་མ་འདྲཝ་ཚུ་ བཟའ་ནི་ལུ་ གདམ་ཁ་རྐྱབ་ཨིན།

དེ་བཟུམ་སྦེ་ ངེ་གི་མི་ཚེ་ནང་ལུ་ཡང་ བཞེས་སྒོ་མ་འདྲཝ་ལེ་ཤ་ཅིག་ བཟའ་ནིའི་ གོ་སྐབས་ཐོབ་ཅི། དེ་ཚུ་གི་ནང་ལས་ ཕྱི་རྒྱལ་གྱི་བཞེས་སྒོ་ བཱ་གར་བཟུམ་གྱི་བྲོཝ་འཚོར་མ་མྱོང་། དེ་འབད་ནི་འདི་གིས་ ད་རིས་ ང་གིས་འབྲི་རྩོམ་འདི་ བཞེས་སྒོ་བཱ་གར་གྱི་སྐོར་ལས་ འབྲི་ནི་ཨིན།

བཞེས་སྒོ་བཱ་གར་འདི་ དུས་ཚོད་དང་ གནས་སྟངས་ ག་ཅི་བཟུམ་ནང་ལུ་ཡང་ བཟའ་ཚུགསཔ་ཨིན། བཞེས་སྒོ་བཱ་གར་འདི་ ང་བཅས་རའི་ འབྲུག་རྒྱལ་ཁབ་ཀྱི་བཟའ་ཁང་ མང་ཤོས་ཅིག་ནང་ལུ་ དམིགས་བསལ་གྱི་བཞེས་སྒོ་འབད་ བཟོཝ་ཨིན།

བཱ་གར་དེ་ དང་པ་ར་ བཱན་དང་། ཧོན་ཚོད། ཤ་ཕྱེ། སྤྱིསི། བླམ་བན་ད། སྒོགཔ། སྒོང་རྡོག། དེ་ལས་ ཚྭ་ཚུ་བཙུགས་ཞིནམ་ད་ དོ་རུང་ཐོག་ཁར་ བཱན་བཀལ་ཏེ་འོངམ་ཨིན། འདི་ཚུ་གི་ནང་ལས་ ང་གིས་ སྤྱིསི་དང་། ཚོད་སྲེ་ཚུ་ བཙུགས་ཏེ་བཟོ་མི་ བཱ་གར་དེ་ བཟའཝ་ཨིན། བཱ་གར་ནང་ལུ་ ཚོད་སྲེ་མངམ་བླུགས་པ་ཅིན་ བྲོཝ་ཡང་ ལེགས་ཤོམ་འཐོནམ་མ་ཚད། རང་གི་གཟུགས་ཁར་ཡང་ འདི་གིས་ཕན་ཐོགསཔ་ཨིན།

སྤྱིར་བཏང་ གོང་ལུ་བཀོད་ཡོད་དོ་བཟུམ་སྦེ་ ངེ་གི་བཞེས་སྒོ་དགའ་ཤོས་དེ་ བཱ་གར་ཨིན་རུང་། འཕྲལ་འཕྲལ་སྐབས་ པི་ཛ་དང་ པཱསི་ཊ་བཟུམ་ཚུ་ཡང་ བཟའ་ནི་ཡོད། ང་བཅས་ར་ཚུ་གིས་ བཞེས་སྒོ་མ་འདྲཝ་དེ་བཟུམ་ཚུ་བཟའ་བ་ཅིན་ རང་གི་གཟུགས་ཁར་ཕནམ་མ་ཚད་ སྤྲོ་བ་ཡང་ མ་འདྲཝ་འབྱུང་ནི་འདུག་གོ།