SAKNONG 69

Nagkataong siyang pagdating sa gubat

ng isang gererong bayani ang tikas,

putong na turbante ay kalingas-lingas

pananamit moro sa Persyang siyudad.

SAKNONG 70

Pinigil ang lakad at nagtanaw-tanaw,

anaki'y ninitang pagpapahingahan,

di kaginsa-ginsa'y ipinagtapunan

ang pika't adarga't nagdaop ng kamay.

SAKNONG 71

Saka tumingala't mata'y itinirik

sa bubong ng kahoy na takip sa Langit,

istatuwa manding nakatayo'y umid,

ang buntunghininga niya'y walang patid.

SAKNONG 72

Nang magdamdam-ngawit sa pagayong anyo,

sa puno ng isang kahoy ay umupo,

nagwikang "O palad!" sabay ang pagtulo

sa mata ng luhang anaki'y palaso.

SAKNONG 73

Ulo'y ipinatong sa kaliwang kamay

at saka tinutop ang noo ng kanan;

isang mayroong ginugunamgunam--

isang mahalagang nalimutang bagay.

SAKNONG 74

Malao'y humilig, nagwalang-bahala,

di rin kumakati ang batis ng luha;

sa madlang himutok ay kasalamuha

ang wikang: "Flerida'y tapos na ang tuwa!"

SAKNONG 75

Sa balang sandali ay sinasabugan

yaong buong gubat ng maraming "Ay! Ay!"

na nakikitono sa huning mapanglaw

ng panggabing ibong doo'y nagtatahan.

SAKNONG 76

Pamaya-maya'y nabangong nagulat,

tinangnan ang pika't sampu ng kalasag;

nalimbag sa mukha ang bangis ng furias--

"Di ko itutulot!" ang ipinahayag.

 SAKNONG 77

"At kung kay Flerida'y iba ang umagaw

at di ang ama kong dapat na igalang,

hindi ko masabi kung ang pikang tangan--

bubuga ng libo't laksang kamatayan!

SAKNONG 78

"Bababa si Marte mula sa itaas

at kailalima'y aahon ang Parcas;

ang buntunghininga niya'y walang patid.

SAKNONG 79

"Sa kuko ng lilo'y aking aagawin

ang kabiyak niring kaluluwang angkin;

liban na kay ama, ang sinuma't alin

ay di igagalang ng tangang patalim.

PAGHAHAMBING SA DALAWANG AMA

SAKNONG 80

"O, pagsintang labis ng kapangyarihan,

sampung mag-aama'y iyong nasasaklaw;

pag ikaw ang nasok sa puso ninuman,

hahamaking lahat masunod ka lamang!

SAKNONG 81

"At yuyurakan na ang lalong dakila--

bait, katuwira'y ipanganganyaya;

buong katungkula'y wawal-ing-bahala,

sampu ng hininga'y ipauubaya.

SAKNONG 82

"Itong kinaratnan ng palad ko linsil

salaming malinaw na sukat mahalin

SUBJECT TEACHER

Ma'am Gladyr Joan Viernes