KONEXIOAK

HASI AURRETIK

Protoboard-a robotaren euskarrian sartu aurretik, komeni da Nano-a bertan sartzea. Barruraino sakatu behar zaio protoboard-aren erdikaldean, goiko aldean 3 zulo-ilara libre utziz, eta behekaldean 2 zulo-ilara. MikroUSB konektorea eskubiruntz begira geratuko da.

Behin NANO-a protoboard-ean dagoela, dagokion euskarrian sartu eta torlojuz lotu dugu.

AGINTE PLAKA

Aginte plakak hiru konexio puntu ditu:

Robotaren elikadura orokorra: Motorrak eta NANOa elikatzen dituena, eta robotaren ON/OFF-a ahalbidetzen duena: Pilarekin konexioak.
Plakaren seinalea daramana eta hau elikatzen duena: NANOarekin konexioak.
Burrunbagailuari aginduak bidaltzen dizkion konexio puntua: NANOtik jaso.

1.- ELIKADURA OROKORRA

Pila-euskarriko kableak eta kable txuria elikatze kableak dira. Etengailuaren bitartez, pilaren positiboa eta kable txuria elkartu edo eteten dira. Kable txuria NANO-ren Vin zuloarekin konektatuko da protoboard-ean, mikroprozesadorea bertatik elikatzeko.

2.- SEINALEA ETA PLAKAREN ELIKADURA

Aginte plakako angelu zuzena egiten duten konektoreek plaka elikatzen dute eta NANO-ra seinalea eramaten dute.

Gure kasuan, kable beltza GND da, kable marroia seinalea eta klable gorria +5V.

Hiru kableak NANO-ra doaz, GND, A4 eta 5V kontaktuetara hurrenez hurren.

3.- BURRUNBAGAILUA

Burrunbagailuaren konexio puntua NANO-aren D10 pinarekin konektatu behar da.

MOTORRAK

28BYJ urratsez urratseko bi motor erabiltzen dira eta hauek kontrolatzeko ULN2003 Driver Board-a. Osagai hauei buruz gehiago jakiteko: https://www.luisllamas.es/motor-paso-paso-28byj-48-arduino-driver-uln2003/

Motorra Molex motako 5 pineko konektorearekin

Driverrak hiru konexio puntu desberdinduak ditu

Driver-raren konexio puntuak:

5 pineko Molex motakoa: bertan motorrak dakartzan konexio kableak sartuko dira. Posizio bakar batean sartu daiteke.
NANO-arekin konektatzeko; aginduak mikroprozesadoretik jasoko ditu. 4 har-eme kable erabiliko dira driver bakoitzeko.
Elikadura konexioa: jumperra ez da mugituko. Polaritatea zaindu. Protoboard-ean NANO-aren Vin eta GND zulo berdinetan konektatuko dira.

1.- MOTORREN KABLEAK

Gogoan izan, kanika motorraren atzekaldea dela eta motorren driver plakak aurrekaldean daudela.
Aurretik ikusita, eskubian geratzen den driver-ak ezkerreko motorra aginduko du, eta ezkerrean dagoenak eskumakoa.
Molex motako konektoreekin ez dago arazorik, zentzu bakar batean sartu daitezke eta.
Kablea luzeegia denez, motorraren inguruan bira bat ematea badago.

2.- AGINTE KABLEAK

Aginte kableek motorraren driver-a eta NANO-a konektatzen dituzte.
Driver-aren INx konexio puntuak, NANO-aren Dx pin digitalekin konektatuko dira.
Har-eme 8 kable erabili behar dira. 4 driver bakoitzeko. (guk 20cm-takoak erabili ditugu, hobe 10cm-takoak)

3.- ELIKADURA KABLEAK

Elikadura kableek motorrera eta driver-era korronte elektrikoa eramaten dute.
Driver-aren polo positiboa (+) NANO-aren Vin pinarekin konektatzen da protoboard-aren bitartez.
Driver-aren polo negatiboa (-) NANO-aren GND pinarekin konektatzen da protoboard-aren bitartez.
4 har-eme kable erabiltzen dira, 2 driver bakoitzeko.

BUKATUTA

HASI AURRETIK

BUKATU ONDOREN

GURPILAK JARRI ONDOREN

Report abuse