Sikolohiyang Malaya at Mapagpalaya,
Lipunang Maginhawa at Mapagkalinga

Ika-49 Pambansang Kumperensiya sa Sikolohiyang Pilipino
at Ika-3 Pambansang Kumperensiya sa Ginhawa

Nobyembre 27–29, 2025
Unibersidad ng Pilipinas Diliman

27 Nobyembre 2025 (Huwebes)

Bulwagang Tandang Sora, Unibersidad ng Pilipinas Diliman Kolehiyo ng Gawaing Panlipunan at Pagpapaunlad ng Pamayanan

(University of the Philippines Diliman College of Social Work and Community Development)

Master of Ceremonies: Carl O. Dellomos, Pamantasang Normal ng Pilipinas

8:00 – 8:45 n.u.

Pagbubukas ng Ika-49 Pambansang Kumperensiya sa Sikolohiyang Pilipino

Ritwal ng Pagbubukas: Ginhawa Inc.
Pambungad na Pananalita: Kat. Prop. Jholyan Francis S. Fornillos, MA, RPsy, Pangulo, Pambansang Samahan sa Sikolohiyang Pilipino
Pagpapaliwanag ng Layunin ng Kumperensiya: Kaw. Prof. Jay A. Yacat, MA, RPsy, Convener, Ika-49 Pambansang Kumperensiya sa Sikolohiyang Pilipino
Pagpapakilala sa mga Kahalok: Glenmark B. Villanueva, RPm, Kalihim, Pambansang Samahan sa Sikolohiyang Pilipino

8:45 – 10:00 n.u.

Unang Plenaryong Sesyon: Pangunahing Pananalita

Limang Dekada ng Sikolohiyang Pilipino: Paglalakbay mula Kapwa tungo sa Ginhawa

Rogelia E. Pe-Pua, PhD
Honorary Associate Professor
School of Social Sciences, University of South Wales

Professorial Lecturer
Departamento ng Sikolohiya, Unibersidad ng Pilipinas Diliman

Limang dekada na ang lumipas simula nang isinapormalisa ni Dr. Virgilio G. Enriquez ang Sikolohiyang Pilipino (SP) bilang siyentipikong disiplina at kilusang sumasalamin sa katutubong karanasan, kaisipan, at oryentasyon ng mga Pilipino. Isa ito sa mga katutubong sikolohiya sa mundo na may mahabang kasaysayan at malayo ang narating. Sa katunayan, tinitingala ito ng ibang bansa bilang ehemplo at inspirasyon upang maisulong nila ang sarili nilang katutubong sikolohiya. Ibabahagi ng tagapagsalita ang pansarili niyang karanasan ng pag-unlad ng SP – bilang kalahok sa prosesong ito. Mabilisang babanghayin ang tagumpay ng SP, at kakulangan na maiging harapin sa lalong madaling panahon. Magbibigay din siya ng ilang hinuha tungkol sa papel ng SP sa global na sikolohiya.

10:00 – 10:30 n.u.

AM Break

10:30 n.u.–12:00 n.t.

Unang Roundtable Discussion

Ang Sikolohiyang Pilipino sa Nagdaang Panahon

Moderator: Kat. Prop. Charmaine P. Galano, MA, Unibersidad ng Pilipinas Diliman

Nilalayon ng unang panel na ilarawan ang naging personal na paglalakbay sa Sikolohiyang Pilipino (SP) ng apat na namuno sa Pambansang Samahan sa Sikolohiyang Pilipino (PSSP) sa magkakaibang dekada at kung paanong ang SP ay naging mahalagang lente sa pag-unawa ng sarili, kapwa, at lipunan. Magsisimula ang mga tagapagsalita sa pagbabahagi ng kanilang akademiko at personal na pinagmulan, kabilang ang mga karanasang nagsilbing “entry point” sa SP—mga guro, mentor, o yugto ng pagbubukas ng kamalayan. Sa pagtalakay ng kanilang paglalakbay, ilalahad ang mga hamon at tagumpay sa pagtanggap at pagsasabuhay ng SP, pati na ang pagbabagong dulot nito sa kanilang pagtuturo, pananaliksik, at adbokasiya.

Kasunod ng mga presentasyon, ang panel ay magbubukas ng diskusyon sa hinaharap ng SP: mula sa usapin ng pagkakakilanlan at direksyon, pluralismo at inklusibidad, pandaigdigang posisyon, hanggang sa aplikasyon sa polisiya at adbokasiya, at pagpapatuloy ng henerasyon ng mga iskolar at praktisyoner. Layunin nitong maglatag ng kritikal at mapagnilay na usapan hinggil sa kung paano mapapanatili at mapauunlad ang Sikolohiyang Pilipino bilang buhay na praxis para sa susunod na henerasyon.

Grace Aguiling-Dalisay, PhD

Center for Educational Measurement

Kaw. Prop. Jay A. Yacat, MA, RPsy

Unibersidad ng Pilipinas Diliman

Prop. Jose Antonio R. Clemente, PhD

Unibersidad ng Pilipinas Diliman

Kat. Prop. Jholyan Francis S. Fornillos, MA, RPsy

Unibersidad ng Pilipinas Los Baños; Pambansang Samahan sa Sikolohiyang Pilipino

12:00 n.t. – 1:00 n.h.

Lunch Break

1:00 n.h. – 2:30 n.u.

Ikalawang Roundtable Discussion

Ang Sikolohiyang Pilipino sa mga Rehiyon sa Pilipinas

Moderator: Kaw. Prof. Jayson D. Petras, Unibersidad ng Pilipinas Diliman

Pinagtutuunan ng pansin naman sa ikalawang panel ang kalagayan at katayuan ng Sikolohiyang Pilipino (SP) sa iba’t ibang rehiyon ng bansa, mula sa mga unang hakbang hanggang sa kasalukuyang kalagayan. Apat na tagapaglahad mula sa Baguio, Bulacan, Iloilo, at Davao ang magbabahagi ng kanilang mga personal na kuwento at pagkakakilanlan sa SP sa kanilang lokal na konteksto.

Kasunod ng mga presentasyon, bubuksan ang diskusyon sa pagmamapa ng hinaharap ng SP sa rehiyon, kabilang ang mga tanong hinggil sa natatanging kontribusyon ng lokal na konteksto, mga hamon at oportunidad, pag-uugnay sa komunidad, direksyon para sa susunod na dekada, at papel ng rehiyon sa pambansa at pandaigdigang larangan ng sikolohiya.