Sikolohiyang Malaya at Mapagpalaya,
Lipunang Maginhawa at Mapagkalinga

Ika-49 Pambansang Kumperensiya sa Sikolohiyang Pilipino
at Ika-3 Pambansang Kumperensiya sa Ginhawa

Nobyembre 27–29, 2025
Unibersidad ng Pilipinas Diliman

28 Nobyembre 2025 (Biyernes)

Bulwagang Tandang Sora, Unibersidad ng Pilipinas Diliman Kolehiyo ng Gawaing Panlipunan at Pagpapaunlad ng Pamayanan

(University of the Philippines Diliman College of Social Work and Community Development)

Master of Ceremonies: Carl O. Dellomos, Pamantasang Normal ng Pilipinas

8:00 – 8:45 n.u.

Pagbubukas ng Ika-3 Pambansang Kumperensiya sa Ginhawa

Ritwal ng Pagbubukas: Ginhawa Inc.
Pagpapakilala sa Tagapagsalita: Prop. Divine Love A. Salvador, PhD, RPsy, Convener, Ika-3 Pambansang Kumperensiya sa Ginhawa

8:45 – 10:00 n.u.

Ikalawang Plenaryong Sesyon: Pangunahing Pananalita

Ginhawa, Kalayaan, at Kalinga: Mga Pahalagang Gumagabay sa Isang Kontemporaryong SP

Elizabeth P. De Castro, PhD, RPsy
Propesor (Retirado)
Unibersidad ng Pilipinas Diliman

Sa simula pa lang ng kilusang Sikolohiyang Pilipino (SP), malinaw na ang pagpapahalaga nito sa kalayaan, partikular na ang pagpapalaya ng sikolohiya at mga kaalyadong disiplina sa preso ng Kanluraning pag-iisip patungkol sa pagkataong Pilipino. Sa limampung taon ng pamamayagpag ng SP, naging matagumpay ito sa pagpapalutang ng mga boses at karanasang hindi karaniwang nabibigyang espasyo. Para sa isang kontemporaryong SP, naka-angkla sa mga usapin ng kasalukuyan at may malinaw na tanaw sa hinaharap, gagalugarin natin ang ugnayan ng kalayaan sa dalawang mahalagang hangarin, ang ginhawa at kalinga. Ang pagbibigay kalinga at paglikha ng mga landas tungo sa ginhawa ay maituturing na kontemporaryong usapin na marapat lang na pagkaabalahan ng SP bilang bahagi ng paninindigan nito sa kalayaan.

10:00 – 10:30 n.u.

AM Break

10:30 n.u.–12:00 n.t.

Ikatlong Roundtable Session

Tungo sa Isang SP na Nakatuon sa Paglikha ng mga Komunidad na Malaya, Maginhawa, at Mapagkalinga

Moderator: Prop. Anna Cristina A. Tuazon, PsyD RPsy, Unibersidad ng Pilipinas Diliman

Sa unang limang dekada niya, inatupag ng Sikolohiyang Pilipino (SP) ang pagtatag sa sarili bilang lehitimong disiplina at kilusan at pagpapalawak ng kanyang repertoire ng mga konstrak, teorya, at balangkas. Sa pagsisimula ng ika-anim niyang dekada, marapat lang na pagdiinang pansin ng SP ang tahakin ng aplikasyon at gamit ng mga kaalaman at kabatiran sa SP sa pagbabagong-anyo ng ating lipunan at mga komunidad. Sa panel na ito, gagalugarin ang mga posibilidad ng gamit ng SP sa paglikha ng mga komunidad at lipunang maginhawa.

Prop. Emeritus Lorenzo Bautista

Asian Theological Seminary

Dir. Lisa Grace S. Bersales, PhD

Unibersidad ng Pilipinas Diliman

Kaw. Prop. Annabel Manzanilla-Manalo, PhD, RPsy

Asian Theological Seminary

Prop. Divine Love A. Salvador, PhD, RPsy

Unibersidad ng Pilipinas Diliman; UP Diliman Psychosocial Services

12:00 n.t. – 1:00 n.h.

Lunch Break

1:00 n.h. – 2:30 n.u.

Ika-apat na Roundtable Discussion

Ang Hamon ng Dekolonisasyon para sa mga Allied Mental Health Professions

Moderator: Prop. Noahlyn C. Maranan, PhD, Unibersidad ng Pilipinas Los Baños

Ang iba’t ibang larangan ng pagbibigay kalinga at ginhawa – ang tinatawag nating “allied mental health professions” – ay may kumplikadong ugnayan sa kapangyarihan at sa patuloy na epekto ng kolonisasyon sa ating mga pag-iisip at pamamaraan ng pagbibigay kalinga tungo sa ginhawa. Inaasahan na sa panel na ito, magkakaroon ng pagkakataong mapagmunihan ang patuloy na hamon ng pag-unawa at pagbawas ng kapangyarihan ng kolonyal na pag-iisip sa ating mga propesyun at pamamaraan.