Nahia (DBH2) egunero etortzen da liburutegira, normalean, bai jolasgarai bai eguerdian eta maiz marrazten aritzen da bere koadernoan.

- Noiz hasi zinen marrazten?

Naia - Txikitatik hasi nintzen marrazten, baina klaseak hartzen duela bi urte.

- Zeri buruzko marrazkiak egiten dituzu?

Naia - Homestuck izeneko webkomiki bateko pertsonaienak.

- Zergatik?

Naia - Diseinuak eta komikia bera gustatzen zaizkidalako.

- Etorkizunean sormenarekin zerikusia duen ikasketaren bat egin nahiko zenuke?

Naia - Bai, batxilergo artistikoa egitea daukat buruan.

Jon, Unai eta Elmer DBH1eko hiru lagun dira eta egunero ditugu gure artean. Liburutegiko atea zeharkatu bezain laister, agurtu ondoren galdera hau egiten dute: “Mobila komiki bat irakurtzeko erabil dezaket?” eta jarraian atzeko besaulki eroso horietako batean eseri eta irakurtzeari ekiten diote. Beraiei buruz zerbait gehiago jakin nahian, galdera batzuk egin dizkiegu.

- Zer eskaintzen dizue liburutegiak?

J, U eta E: - Erosotasuna eta lasaitasuna deskonektatzeko.

- Zer irakurtzen duzue?

J, U eta E: - Manga, japoniar komikiak.

- Nola izena dute erabiltzen dituzuen aplikazioek?

J, U eta E: - Lectortmo, Inmanga, Kindle, Anzmangashd.