Barnehage

Gjennom arbeid med fagområdet kommunikasjon, språk og tekst skal barnehagen bidra til at barna får utforske og utvikle språkforståinga, språkkompetansen og eit mangfald av  kommunikasjonsformer. I barnehagen skal barna møte ulike språk, språkformer og dialektar gjennom rim, regler, songar, litteratur og tekstar frå notid og fortid. Barnehagen skal bidra til at barn leiker med språk, symbol og tekst, og stimulere til språkleg nysgjerrigheit, bevisstheit og utvikling. I barnehagen skal barna få erfare ulike måtar å formidle tekstar og forteljingar på, som kjelde til estetiske opplevingar, kunnskap, refleksjon og møte med språk og kultur. Personalet skal invitere til utforsking av både munnlege språk og skriftspråk (Utdanningsdirektoratet, 2017).

I denne planen konsentrerer vi oss om lesing og kva betydning den har for barna si språkutvikling og vidare leseinteresse. 

Lesing og samtale rundt bøker har stor verdi for barns språkutvikling. For å lukkast i arbeidet med barna sitt språk er det avgjerande å implementere språk og leseaktivitetar i barnehagekvardagen. Eit av måla med denne planen er å styrke barnehagen sitt daglege arbeid med språklæring gjennom ulike leseaktivitetar.