Mision y Vision

Maria College ta un scol catolico, cu ta propaga balor cristian den palabra y obra. Tin un ambiente bon, caluroso y habri, caminda tur hende por sinti su mes na cas.

MISION

Na Maria College nos ta ofrece un ambiente di siñamento cu ta brinda nos alumnonan tur oportunidad pa desaroya nan mes optimalmente den un ciudadano envolvi, cu ta expresa su mes y cu ta critico. Na final nos kier logra inculca den nan diferente habilidad cu ta fundamental pa nan desaroyo pa asina crea di nos alumnonan 'life-long learners'.

VISION RIBA SIÑAMENTO

Nos na Maria College ta wak e proceso di siñamento, cu ta inclui siñamento structura di e habilidadnan di siñamento basa riba e '21st Century Skills', como un condicion importante pa siña di un forma eficiente diferente aspecto di conocemento. Nos ta stimula participacion positivo, critico, analitico y activo, teniendo na cuenta e cualidadnan personal di nos alumnonan.

VISION RIBA DIDACTICA Y E ROL DI DOCENTE

Mirando cu no ta tur alumno ta siña na e mesun manera, nos ta diferencia door di aplica inteligencia multipel y tambe yuda cada alumno desaroya habilidad creativo. Asina nos por brinda tur alumno oportunidad igual. Nos ta logra esaki pa medio di proyecto cerca diferente materia y caminda ta posibel, adkisicion di habilidad ta tuma luga den proyecto caminda diferente materia ta envolvi pareu.

Nos ta uza tecnologia moderno y den e ambiente di siñamento digital aki e docente su rol ta bira uno mas di guia. E alumnonan ta traha regularmente den grupo, door di cua nan ta siña desaroya nan talentonan y finalmente hunto logra e resultado maximo.

VISION RIBA E AMBIENTE NA SCOL

Nos ta ofrece un ambiente trankilo cu ta stimula y promove siñamento den un edificio cu ta limpi, atractivo y sigur. Banda di esakinan, nos ta ofrece nos alumnonan e libertad pa, den e convivencia cultural compleho, expresa nan mes sin miedo na diferente manera. Pa esaki nos ta traha cu e balornan central manera tolerancia, respet y un comunicacion habri, honesto y cla. Nos ta stimula pasion y placer den e proceso di siñamento, tanto cerca e alumnonan como cerca e docentenan, door di cual ta crea un ambiente di inspiracion mutuo dirigi riba e optimalisacion di e metanan di enseñansa.

MI TA PASOBRA NOS TA ta significa un comunidad fuerte. Door di permanece uni como individuo, nos ta comberti den algo mucho mas grandi cu nos mes. Como individuo, nos ta cada un un blachi di flor, hunto nos ta un rosa. E logo aki ta representa e bunitesa di trabou den ekipo. Ora nos uni, nos ta forma un rosa. E logo di Maria College memey ta representa e curason cu ta trece e blachinan hunto pa forma un rosa.

Maria College Mavo