Protocol di Ausencia

Ausencia di alumno:

Nos ta administra tur dia e ausencia di cada alumno. E scol ta haci tur posibel pa minimalisa e ausencia bou di e alumnonan. Nos ta pidi boso tambe pa boso cooperacion total den esaki pa e bienestar di boso yiu.

Ora un alumno no presenta na scol sin aviso di mayor, nos ta registra esaki como spijbel. P’esey nos ta pidi mayor pa ora boso yiu ta ausente, pa avisa nos mas pronto cu ta posibel (prome cu 09:00 or). Si bo yiu regresa scol despues di un of mas dia di ta ausente, por fabor mand’e cu un carta pa e mentor den cua ta duna e fecha di ausencia exacto y e motibo di esaki. Esaki ta pa nos un control

Spijbelmento

Ora gara un alumno ta spijbel (= ausencia sin autorisacion), lo pone mayor na altura mas lihe posibel. E aña aki nos lo pone atencion specialmente na e forma di 'ausencia no autorisa' aki. Nos como scol ta haya inaceptabel cu alumno ta falta les sin motibo valido of ta yega laat den les. Esaki tin un influencia negativo riba e resultado di e alumnonan envolvi, pero e tin tambe un influencia negativo riba e resultado di e resto di e klas. Ta hopi importante pa nos tin bon cooperacion den esaki cu boso como mayor/cuidado.