Protocol di intimidacion

Termento ta un problema grandi den enseñansa. Nos ta reconoce esaki, pero nos no ta acept’e. Tur hoben tin derecho di siña den un ambiente agradabel y sigur. Ora un conducta di intimidacion tuma luga, nos ta tum’e hopi na serio. Pa por trata cu esaki na un manera structura, nos ta uza un protocol di intimidacion. E documento completo ta disponibel na scol.

Informacion pa mayor di hoben intimida

Kico por ta e señalnan di termento?

No kier bay scol mas.
No ta conta nada mas tocante scol.
Nunca mas ta trece otro hoben cas of no ta haya
invitacion mas pa bay na cas di otro.
Resultado na scol ta mas malo compara cu antes.
Ta perde su cosnan regularmente of ta bin cas cu su
cosnan kibra.
Tin dolor di cabes of dolor di stoma regularmente.
E tin blousa na luga no usual.
No kier bay drumi; ta lanta hopi den anochi of ta haya
soño malo; ta pishi cama.
No kier celebra su cumpleaño.
No kier hunga pafo.
No ta tribi di haci un respondi su so.
No ta tribi of no kier bay un club mas.
No kier bisti cierto paña mas.
Na cas e ta tristo, rabia of irita.
E ta lesiona su mes pa e no tin mester di bay scol.

Kico mayor/cuidado mes por haci:

· Tuma bo yiu na serio y bisa cu conhuntamente cu otro persona lo bay trata na stop e termento.

· Lo ta miho pa papia directamente cu e mentor tocante termento na scol.

· Papia tocante e tema cu bo yiu of puntr’e pa skirbi kico el a experiencia.

· Purba splica bo yiu e motibo pakico otro mucha ta ter.

· Pa papia tocante termento por sosode tambe via un buki of un video cu ta trata e mesun tema.

· Bisa cu hopi biaha adulto no ta haci nada, pasobra nan no ta wak cu termento ta tuma luga of paso nan no sa con pa soluciona e problema.

· Avisa bo yiu cu e termento no lo stop dibiaha si nan cuminsa pone mas atencion. Termento tin biaha ta bira un custumber, cu dificilmente por kita for di dje.

· Mantene e tema habri, informa regularmente con ta bay.

· Si bo yiu no kier pa bo papia di e asunto cu ningun hende, sostene bo yiu. Duna bo yiu informacion adicional y hacie cla cu scol lo trata e asunto cuidadosamente.. Prome co bo priminti esaki, ta recomendabel pa puntra kiko scol lo haci.

· Recompensa bo yiu y yud’e recupera su autoestima.

· Stimula bo yiu pa practica un deporte (den team).

· Mantene e comunicacion habri, keda den contacto cu bo yiu. No hacie cu un enfoke negativo, pero dun’e conseho pa yud’e yega na un fincu e termento.

Un ehempel di un pregunta negativo: “Ki di malo a sosode awe atrobe?”

· Mantene contacto regularmente y intensivo cu e mentor di bo yiu.

· Si bo yiu di berdad ta sufri di intimidacion y esey ta afecta e confiansa den su mes, lo ta necesario pa e haya asistencia di un experto.

Esaki por sosode individual of si ta posibel den un training di habilidad social.

· No keda keto, pero tuma accion!