As nosas igrexas

   Os nenos e nenas de 5º e 6º da clase de Relixión queremos amosarlle a todos eses gatiños chegados de lonxe as igrexas das nosas parroquias.

 Como Fene é un Concello ben interesante, Maniños e Limodre tamén o son, e en en ámbolos dous sitios temos as igrexas por duplicado: unha vella e unha nova.  Sabiadelo?

Para buscar información sobre elas, preguntamos nas nosas familias, buscamos en libros e tamén en Internet.

Con toda a información que recollimos non só fixemos o traballo que podedes ver aí abaixo para que as gatiñas e os gatiños leven ben grabada na cabeza, cando regresen á súa terra, o lindas que son as nosas igrexas; senón que, como queremos que tamén se lembren de nós, decidimos saír nun pequeno video falando un pouco delas. Moi guapos non estamos, non; guapas, tampouco; pero somos nós, e iso é o que importa.

Con este proxecto conseguimos:

• Identificar o templo ou igrexa  como o lugar onde se reúnen os cristiáns

• Respectar os templos como lugares sagrados

• Coñecer as igrexas das nosas parroquias

• Recoñecer elementos arquitectónicos das igrexas

• Valorar as manifestacións artísticas cristiáns

• Valorar os os templos como elementos do patrimonio histórico e cultural propio.