Sexumuxu
Sexumuxu DBHko programa bat da, heziketa afektibo-sexualari buruzkoa, Eusko Jaurlaritzako Osasun Sailak sustatua.
Helburu nagusia da nerabeei laguntzea dituzten premia afektiboak eta sexualak gobernatzeko gaitasunak barneratzen. Horretaz gainera, materiala eskaintzen du, bai irakasleentzat, bai gurasoentzat.
Materiala DBH 3. eta 4. mailako ikasleentzat da, baita batxilergoko eta EMko Lanbide Heziketako 1. kurtsokoentzat ere (14-17 urte).
Deskargatu "Sexumuxu" (zip - 3,1 GB)
Ikasleentzat, joko interaktibo bat du: abentura grafiko bat da; bertan, ikasleek erronka batzuk gainditu behar dituzte, eta horiei esker, heziketa afektibo-sexualaren eremua ikasi eta sakonduko dute. Jarduera bakoitzean, jokoaz gain, beste baliabide batzuk ere proposatzen dira landutako gaiak sakontzeko: esteka interesgarriak, gaiarekin zerikusia duten dokumentuak eta autoebaluazioak.
Irakasleentzat, sexu-heziketa curriculumean sartzeko behar diren baliabideak jartzen ditu: “Irakasleentzako Gida” eta “Sexumuxuko koadernoak”.
Gurasoentzat, “Sexumuxuko koadernoak”: seme-alaben sexu-heziketarako baliagarriak diren bitarteko batzuk jasotzen ditu.