Bapui-Babaan

He, apaiba nang theibo,

Inpui choungbi tasuk-talatnu pa-am ambo?

Eibe baning fang bada lolowe,

Khatle ashung kalanlamangna karowe,

Tasiatnu kakungnu Inpui choung!

He, misa toga lungdabe kameija khatle kapaisia amnu bajek-e,

Kameija naosen ding kamaisa diye,

Kapaisia naosen ding kapaisa diye,

Atiluga singthouwebe theikaleye rangaak khatle katang diga,

Patso hungnu kaanbina theiye mannu, manpa, katampi  khatle katampu.

Dida khouring dingbe theikaleye teitei toga,

Aan naosen ding aanswan,

Misa naosen ding naosen, miswan koumak,

Aan rangaak dingna aanla,

Dida mi rangaak dingna milaa dimak,

Aan kapaisia dingna aankhong,

Dida mi kapaisia ding mikhong dimak,

Sen kapaisia khatle ui kapaisia dingle senkhong khatle uikhong dimak!

Hadan-ga bok rangaak dingna bokjan,

Mi rangaak dingna mijan dimak!

Aan rangaak ding aanla kou, aajan dimak,

Atiluga bokla diyebe bok  katang ding thei,

Sen rangaak dingle senjan, katang dingna senchan

Dida mi katang le aan katang  dingna michan khatle aanchan dimak!

Basa dingba into ga theijong?

Basajan? Basala? Basakhong? Basachan?

Mak-e, samga theikaleye bapui khatle babaan diga,

Basa kameija dingna bapui,

Basa kapaisia dingna babaan,

Basa nasen dingna basaswan, kamaisale kapaisale.

Dida baning fang latrio,

Mi kameija khatle kapaisia ding mipui khatle mibaan diga koumak tabo!

Hadan-ga khouring katei dingle

Aanbaan, uibaan, senbaan, bokbaan dimak peijwe,

Atipeingaaklena haba bing ga bapui-babaan karwak-e.

Heiyarwe, ngaisha-phaangshakataknu,

Choung bingbina thuk inkunu,

Tasuk talat, badop bamai

Kabat kale ngaaklena,

Bakabaa amkataknu Inpui choung!