RENACEMENTO

Co Renacemento dá comezo a Idade Moderna. É un período que abarca os séculos XV e XVI, cronoloxicamente sitúase entre a Idade Media e o Barroco. É unha etapa curta, pero das máis importantes dentro do mundo cultural e artístico. Nesta época danse cita personaxes da talla de Miguel Ángel, Leonardo Da Vinci, Rafael, O Greco, Cervantes, Shakespeare... que desenvolverán a cultura e a arte como nunca antes ocorrera.

No ámbito cultural un dos ideais que van triunfar neste período é o do Humanismo, que considera ao home como o centro de todas as cousas, deixando atrás as ideas teocentristas do medievo.

Algunhas das características culturais desta etapa son:

CONTEXTO MUSICAL:

Dentro do ámbito da música daranse as seguintes características:

• • Incremento da cultura musical, que vén establecido polas ideas humanistas sobre a importancia da cultura, ademais da invención da imprenta, xa que agora empézanse a imprimir as primeiras partituras.

  • Desenvolvemento da música profana e instrumental, tamén influídos polo espírito humanista. Cada vez créase máis música de carácter non relixioso e en detrimento da música sacra. Lembremos que a igrexa menosprezara a música instrumental, e esta agora experimentará un gran desenvolvemento.

  • Profesionalización dos músicos: a música segue crecendo en complexidade, como xa o facía nos últimos séculos da Idade Media. Isto obriga aos músicos a especializarse e a dedicar a súa vida a esta arte.

MÚSICA PROFANA