BARROCO

Coñécese co nome de Barroco ao período que vai desde 1600 ata 1750. Está encadrado entre o Renacemento e o Clasicismo. Os feitos musicais que encadran esta etapa son a creación da primeira ópera "Orfeo" do italiano Claudio Monteverdi (1607) e a morte de Johann Sebastian Bach(1750), que será o xenio indiscutible desta época.

CONTEXTO HISTÓRICO

As monarquías absolutas dominan o panorama político dunha Europa que está sumida en continuas loitas políticas e guerras. O poder segue estando en mans da aristocracia e da Igrexa que queren mostrar a súa autoridade organizando grandes espectáculos nos que a música sempre estará presente. Convértense, para iso, en mecenas dos mellores artistas, os cales traballarán nas súas grandes cortes e palacios.

CONTEXTO CULTURAL

O Barroco é unha época de gran fecundidade para o mundo da cultura, a arte e a ciencia. Nesta época daranse cita personaxes importantes no mundo da literatura como Lope de Veiga, Calderón, Cornielle ou Moliere; na pintura contaremos con artistas como Velázquez, Murillo, Rubens ou Rembrant; ademais de destacar científicos como Galileo Galilei, Torricelli ou Newton.

A palabra Barroco significa recargado, excesivo ou adornado, polo que é común atopar obras de arte nas que non queda nin un espazo que encher.

O home barroco non persegue a beleza, tal e como se fixo no Renacemento, senón que fundamenta o seu pensamento ao redor de dous aspectos opostos: a RAZÓN e o SENTIMENTO. A razón despois de que tentan buscar a lóxica e o lado científico de todo. O sentimento do ser humano que se fará evidente en todos os campos.

CONTEXTO MUSICAL