2012 - ich bin 't kwiet
Tekst: Patrick De Bie
Muziek: Erwin Lennarts
Refrein:
Ich bin ’t kwiet,
Ich bin ’t kwiet
Mit vastenoavend bin ich alles wer ‘ns kwiet,
D’r tied, d’r droad,
de zurg, de moat,
Ich bin ’t kwiet,
Ich bin ’t kwiet.
Couplet 1
Mit mieng vrun mich ammesere
Hie en doa get klasjenere
Maak veul sjpas en ooch plezeer
Mit e lekker gleeske beer
Van tied hub ich dan geen benul
’t is nog vreug veur mie geveul
En hévers goan dat wil ich neet
Dan zigk ich vas tot mie verdreet:
Couplet 2
Lope in d’r polonaise
Bringt mich wier in de malaise
Eder sjpringt van links noa rechs
Dat bringt mich dan hiel veul sjtress
Veur mich geet dat dan juus get vlot
Ich glietsj oet, val op mieng vot
D’r sjliert geet deur, wacht neet op mich
Doe roajs ’t al, ich zigk ’t dich:
Couplet 3
Mit de mutsj op miene kop
Goan ich gere mit veurop
Zit mien zurrig aan d’r kaant
En goan lekker miene gaank
Doavan krieg ich ech gene spiet
Ein dingk raak ich noets mie kwiet,
De vastenoavend, zigk ich dich
Die hoalt niemes oets oet mich
Refrein:
Ich veul mich riek,
Ich veul mich riek
Mit vastenoavend veul ich mich geweldig riek,
Mit sjpas, plezeer,
en sjoen meziek,
Ich veul mich riek,
Ich veul mich riek. (2x)