Futbol

O fútbol é unha actividade extraescolar que reporta innumerables beneficios para nenas e nenas que a practican.

En primeiro lugar, trátase dun deporte que conleva unha importante actividade física tan necesaria nas idades ás que vai dirixida a actividade, pero ademáis, ao xogarse cunha pelota, axuda a desenvolver unha serie de capacidades como o equilibrio, e a coordinación, a visión espacial e periférica, a velocidade de reacción,...

Pero, ante todo, o fútbol é un deporte de equipo, no que se fomenta a capacidade de liderado e divídense as responsabilidades entre as xogadoras e xogadores, sendo máis importante coordinarse coa compañeira ou compañeiro que as habilidades individuais, o que repercute no desenvolvemento da empatía e a socialización.

OBXECTIVOS

• Os obxectivos desta actividade poden resumirse en:
  • Diversión ante todo.
  • Exercicio físico como actividade saudable.
  • Desenvolver capacidades motrices.
  • Entender os valores fundamentais do deporte: xogo limpo, solidaridade, o equipo como medio para conseguir un fin, compañeirismo, respecto, tolerancia...
• Ademáis, é un obxectivo prioritario desta actividade rematar cos prexuizos de xénero que rodean a tantos deportes, pero ao fútbol especialmente. Neste sentido na cidade de Ourense contamos con dous equipos de fútbol sala feminino competindo ao máximo nivel nacional como son o Cidade das Burgas e o Ourense Envialia e con xogadoras ourensanas internacionais como Vane Sotelo, Ana Lastra ou Iria Saeta, veciña de Vista Hermosa que a pasada tempada foi a máxima goleadora da primeira división nacional e ven de ser premiada como a mellor deportista feminina galega do ano. Tamén a Unión Deportiva Ourense conta cun equipo feminino competindo na máxima categoría autonómica.

METODOLOXÍA:

• Monitores cualificados para ofrecer un ensino acorde á idade das nenas e nenos.
• Material e instalacións de calidade.

DIRIXIDA A:

Nenas e nenos de primaria e infantil.

LUGAR:

Patio do colexio.

IMPARTIDA POR:

Monitor cualificado

HORARIO:

Luns,martes, mércores e xoves de 16:00 a 17:00

PREZO:

10 €/mes