Magosto popular do Concello de Ourense

O Magosto volta á Alameda o vindeiro 11 de novembro, día de San Martiño, cun programa de actividades para todas as idades e no que se repartirán 1.000 kilos de castañas asadas, dúas mil racións de chourizo -con opción para celíacos-, auga ou viño polo prezo de un euro.Ás 17:00 horas comezará a arder a fogueira e comezará a venda dos tíckets de comida. Ás 17:30 comezarán os obradoiros infantís ao tempo que actúan “As Daniñas”. Media hora máis tarde comezará o reparto de comida, amenizado polo grupo de gaiteiros Furafoles. Desde as 19:00 horas, o grupo Os Carunchos será o encargado da música desde o templete da Alameda.

PROGRAMA

17.00 Comeza a arder a fogueira

17.00 Venda de tíckets (1 €)

17.30 Comezo de obradoiros infantís

17.30 Animación musical “Os Daniñas” na alameda

18.00 Comezo do reparto de comida

18.00 Animación musical polas rúas “Grupo de Gaiteiros Furafoles”

19.00 Animación musical no palco (no templete) polo grupo “Os Carunchos”

Lugar: Alameda