Proiektuak

Egungo gizartea eskubideak galtzen ari da borrokatutako alderdi sozialetan eta naturarekiko erantzukizunean, eta hori ebidentzia bat dela jakinda, zentroak gizarte- eta ingurumen-premiei erantzun nahi die. Proiektu honek aukera emango die ikasleei ingurunea ulertzeko, arazoan esku hartzeko, ingurumena hobetzeko eta balioak errotzeko konpromisoa duten jarrerak areagotzeko.

Aurreko ikasturteetan landutako gaiei jarraipena emateaz gain, aurten, Udalarekin batera, Garapen Jasangarriaren 11. Helburua landuko da, Hiri eta Komunitate Jasangarriak, eskolatik haratago joanez.

Bai guk eta bai gure ikasleek ahalegin bat egingo dugu proiektuaren aurrerapenak urtean zehar etxera irits daitezen, baina galdera bat utziko dizuegu orain arte ikasitakoa ahaztu ez dezazuen.

Gogoratzen etxetik nola lagundu?

Gai horietan jarrera kritikoa eta arduratsua izan dezaten kontzientziatu zuen seme-alabak, eta edozein ekarpen egin dezaten animatu. Zuen parte-hartzea behar dugu, animatu!

Euskarak Institutuan duen egoerari buruzko azterketa egin ondoren sortu zen Hizkuntza Normalkuntzarako Proiektua. Gure inguruneko errealitatean zentratuz, honako helburu hauek finkatu ziren:

• Euskara komunikazio-hizkuntza gisa erabiltzea, zehazki irakasleen artean, irakasleen eta gainerako euskaldunen artean eta ikasleen eta irakasleen arteko harremanetan.

• Zentroa eta bere estamentuak euskarak berekin daraman kulturan murgiltzea.

• Kide guztiei euskararekiko jarrera positiboa bultzatzea.

Ezarritako helburuak betetzeko asmoz, hainbat jarduera antolatzen dira ikasturtean zehar.

Programa honen helburua gure ikastetxeko ikasleei aparteko laguntza eskaintzea da. Ezaugarri orokorrak: eskola ordutegitik kanpo egiten da, baina ikastetxearen eremuan. Ikaslearen irakaskuntza-ikaskuntza prozesuan eragiten du, eta ikaslearen zailtasunak gainditzen laguntzen du.

1. Bere egoerari buruz hausnartzen.

2. Agendaren erabilera areagotuz.

3. Ikasteko teknikak erabiltzen trebatuz.

4. Talde-lana sustatuz.

   • • Elkarri laguntzen.

     • Batak besteari laguntza eskatuz.

5. Etxeko lanetarako joera ohitura bihurtuz.

Proiektu hau 2022-2023 ikasturtean hasi zen. Besteak beste, honako helburu hauek planteatzen dira:

• Ekitatea hobetzen laguntzea, familiei kostu gehigarririk eragiten ez dieten jardueren eskaintza eginez.

• Ikasleek eskola-orduetatik kanpo gaitasunak eskura ditzaten bultzatzea.

• Eskolako emaitzak eta bizikidetza hobetzea sustatzea.

• Eskola-orduetatik kanpo euskararen erabilera sustatzea.

• Ikasleen autonomia garatzea.

Astelehen, astearte eta ostegunetan, urriaren 9tik maiatzaren amaiera arte, tailerrak eta/edo errefortzuak egingo dira 15:15etik 17:15era.

Ikasleei tailerrak eskainiko zaizkie, hala nola artisautza, argazkilaritza, lehen sorospenak, abesbatza, jolasa eta kirola... Era berean, errefortzuetara joateko gonbidapena egiten zaie.

Jarduera horietara joatea borondatezkoa bada ere, ikastetxeak familiei aholkatzen die beren seme-alabak jarduera horiek egitera animatzeko eta motibatzeko.

ORTUELLAKO ANTOLAMENDU ETA JARDUERA ARAUDIA BHI

12. artikulua. LIBURU SOLIDARIOKO PROGRAMA

Testuliburuen mailegu-sistemari buruzkoa.

• 12.1. Programa honetan erabilitako liburuak Hezkuntza Administrazioarenak dira.

• 12.2. Programan parte hartzen duen familiak hezkuntza-administrazioak ezarritako kuota ordainduko du.

• 12.3. Programan parte hartu nahi ez duen familiak dagokion inprimakia bete eta ikastetxean entregatuko du. Institutuak ekainaren 10a baino lehen jakinaraziko dio Hezkuntza Sailari.

• 12.4. Ikasleak liburuak behar bezala erabili behar ditu, hurrengo ikasturterako egoera onean egon daitezen.

• 12.5. Ikastaroa amaitzean libururen bat erabili ezinik geratzen bada, familiak bere balioa ordainduko du.

• 12.6. Ikasleren batek ikasturtea amaitzean liburua entregatzen ez badu, galtzen badu edo hondatzen badu, liburu berri bat ekartzeko eskatuko dio horretarako sortutako batzordeak.

Hezkuntza Berariaz Sendotzeko Programak (HBSP) hezkuntzazko erantzun egoki eta bikaintasunezko bat eman nahi die gizartean aukera gutxiago dituzten ikasleei, edo DBHren aurretiko zikloetako gaitasunak bereganatu ez dituzten ikasleei, beren ohiko eskola-ingurunean derrigorrezko ikasketetako helburuak lortzen laguntzeko. Orobat, eskolara moldatzen ez diren ikasleei harrera eta moldatze prozesuak eskaintzeko asmoa du, hezkuntza-sisteman beren beharrizanetara egokitutako erantzun bat aurki dezaten. Ikastetxe osoari eragiten dion proiektu bat da eta ikasleen aniztasunari erantzuteko plangintza bateratu eta oso baten baitan txertatzen da. Eskola inklusiboaren proposamenetan oinarrituta, ohiko ikasgelaren barrurako diseinatzen ditu erantzunak, antolamendu eta metodologia aldaketak ekarriko dituztenak. Gauzak horrela, garrantzia berezia hartzen du ikasle horiei beren berezko taldearen barruan, honako neurri hauetan oinarrituta: plan pertsonalizatuak, bana-banakako tutoretzak eta pedagogia-kontratuak. Ikaskuntza hobetzeko estrategia inklusiboak erabiltzen ditugu, egoera berean daudenen artean eta pertsona helduekin harremanak izatea bultzatuko dituztenak, adibidez:

• Ikasgela batean bi irakasle egotea, talde elkarreragileak, solasaldiak eta talde-lana.

• Teknologi berriak sarriago eta hobeto erabiltzea.

• Ikasleentzat esanahia duten testuingurutan kokaturiko zereginak egitea.

Proiektuaren helburua honakoa da:

• Curriculum desfase handia duten, eta atzerapen hori gizarte-egoera kaltetuetan egotearekin loturik dagoenean, ikasleek beren mailako gutxiengo helburuak lortzea.

Proiektu honek honako xedeak ditu:

• Laguntza psiko-pedagogikoa eskaintzea ikasleei eta familiei.

• Zailtasunak dituzten nerabeak eta familiak identifikatzea eta arreta integralak eskaintzea.

• Irakasleei laguntzea ikasleen zailtasunak hautematen.

Hezkidetzari eta genero-indarkeriaren prebentzioari heltzeko jarduketa-proiektua garatuko da programa ezberdinen bidez.

Iaz DIAGNOSTIKO FASEA egin zen, Hezkuntza-komunitate osoak sexismoa behatzeko zentroaren diagnostikoa arlo eta eremu guztietan.

Aurten diagnostikoan ateratako ondorioei erantzungo zaie irakasgai guztietan erabiltzen ditugun MATERIAL DIDAKTIKOEN bidez, genero ikuspuntua kontutan harturik.

Planaren helburuak honakoak dira:

• Ikastetxeko kultura eta praktiketan GENERO IKUSPUNTUA txertatzea komunitate osoaren partehartzea bultzatuz.

• Data bereziak aldarrikatzea /ospatzea : Azaroaren 25, Martxoaren 8, Maiatzaren 17...

• Ekintza osagarrietan lan egitea: Gabonetan, kirol astean, kulturaldian...

• “Txoko morea” sortzea eta emakumearekin zerikusia duten kontuak bertan eskegitzea.

• Proiektuaren materiala sarean biltzea eta irakasleen artean partekatzea.

• Emozioen inguruko formazioa jasotzea irakasleentzat.

• Jarduera-proiektu bat garatzea, hezkidetza eta genero-indarkeriaren prebentzioa lantzeko, hainbat programaren bidez.

2023-24 ikasturtean sortzen hasi zen proeiktuak, aurtengo ikasturtean izan behar du gure hezkuntza komunitatean argiratzea.

Zuzendaritza proeiktuan hala adierazita dagoenez, ‘Behatokia? Sortzeko eta Bizikidetza plana sortzeko ikasturtea izango da aurtengoa.

Aurreki ikasturteetan egunerokotasunean izan diren bizikidetza zenbait arazori aurrea hartu eta berauek hobeto bideratzeko beharrezkotzat ikusten da bizikidetza plana egin eta behatokia sortzea.

Irakaslearen eguneroko gelako praktikak ardatz izanik, hauek eraldatu eta ikasleen euskerazko konpetentzia hobetzea helburu duen proiektua da.

Klaustroaren erabakia eta konpromezua da (2021/09/06) proiektu honetan parte hartzea eta aurrera eramatea.

Horretarako, irakasleen artean euskararen erabileran eta kalitatean eragiteko estrategiak adostu eta gauzatuko ditugu.

Proiektu piloto bat izanik eta berau martxan jartzen den lehen urtea izanik, pausuz pausu ikusten joango gara HUEZI-ko profesionalekin batera.