Urbana at Feliza

buod ng

URBANA AT FELIZA

ni Modesto de Castro

Si Urbana ay ang sopistikadang nakatatandang kapatid ni Feliza. Ang pangalan niya ay simbolo ng Urbanidad, siya ay isang babaeng may kaalaman sa wasto at akmang asal. At si Feliza naman ay ang kanyang minamahal na nakababatang kapatid. Ang pangalan nito ay nagmula sa wikang kastila na “Feliz”, na nangangahulugang maligaya, marahil nga siya ay tunay na maligaya sapagkat napabuti ang kanyang buhay dahil sa pagsunod niya sa mga payo ng kanyang ate. Ngunit hindi gaya ni Urbana, si Feliza ay naiwan mamalagi sa probinsya. Ang magkapatid na Feliza at Urbana ay nagpapalitan ng kanilang mga liham sa kadahilanang sila ay magkalayo sa isat-isa. 

Si Urbana ay nasa lugar ng Maynila sapagkat siya ay nag-aaral sa isang paaralang pambabae doon. At si Feliza naman ay lagi niyang binibigyan ng pangaral at gabay dahil malayo ito sa kanya dahil siya ay nasa Lungsod ng Maynila. Ayon naman kay Feliza, dapat ay lumayo sa kahit anumang tukso si Urbana upang makapag-aral ito ng maayos at hindi maging sagabal ang anumang bagay sa kanyang pagtatapos. Nais ng dalagitang si Feliza na taglayin din ng kanyang mahal na kapatid ang pagkakaroon ng magandang pag-uugali at pagiging magaling at mahusay na pakikisama kaya walang sawa at patuloy ang pagpapaalala niya dito. Panay ang pagpapaalala niya sa kanyang kapatid sa mga bagay na dapat at di dapat ugaliin sa anumang pagkakataon. Umiwas din daw dapat sa anumang mga bisyo. Si Urbana ay lagi namang humihingi ng balita tungkol sa kanilang kapatid na si Honesto. Na agad namang sinasagot ni Felisa kasabay ng pagkukuwento niya tungkol sa mga nagaganap at nangyayari sa kanilang mahal na lugar, ang Paombong, Bulacan. Nanghingi rin ng payo at gabay si Feliza sa kanyang mahal na ate dahil sa kanyang pagpapakasal kay Amadeo. 

Sa huling bahagi ng pagpapalitan ng kanilang liham, malungkot na sinabi at ibinalita ni Feliza sa kanyang kapatid na pumanaw na ang kanilang ama. Sabi daw ng tatay nina Urbana, sabihin lamang sa kaniyang na wala na ang ama kapag tapos na ang burol upang hindi mamroblema at mag-alala ang kaniyang anak sapagkat ito ay nasa malayong lugar.