சிவப்பு உறை திட்டபணி

     சிவப்பு உறை திட்டபணி (Project Hongbao) என்பது 1995 இல் டான் டோக் செங் மருத்துவமனையால் நிறுவப்பட்ட சமூக நிதியாகும்.

 நன்கொடைகளின் நோக்கம், தேவைப்படும் நோயாளிகளுக்கு உதவுவதும், நோயாளிகளின் பராமரிப்பை மேம்படுத்துவதற்காக அவர்களின் ஊழியர்கள் மற்றும் சமூகங்களுக்கான சுகாதாரப் பாதுகாப்பு, ஆராய்ச்சி மற்றும் பயிற்சி ஆகியவற்றை ஆதரிப்பதும் ஆகும். இந்தச் செயலில் பங்கேற்பதன் மூலம் மற்றவர்களுக்கு உதவுவதன் முக்கியத்துவத்தையும் சமுதாயத்திற்குத் திரும்பக் கொடுப்பதன் முக்கியத்துவத்தையும் மாணவர்கள் உணர முடியும் என்று வெஸ்ட் குரோவ் தொடக்கப் பள்ளி நம்புகிறது.

   நன்கொடை அளிப்பதற்கு முன், டான் டோக் செங் மருத்துவமனை வழங்கிய சிவப்பு உறை வடிவமைப்பை மாணவர்கள் வண்ணம் தீட்ட வேண்டியதிருந்தது. நான் சிவப்பு உறைகளுக்கு வண்ண பேனாக்களால் வண்ணம் தீட்டி, சிவப்பு உறைகளின் பின்புறத்தில் என் எண்ணங்களை எழுதினேன்.

       நான் மற்றவர்களுக்கு நன்கொடை கொடுப்பதனால், என்னுள் கருணை உள்ளமும் அன்பும் உருவானது. பதிலுக்கு எதையும் எதிர்ப்பார்க்காமல் நான் நன்கொடை வழங்கியதைப் பெருமையாகக் கருதுகிறேன். நன்கொடை என்பது, கொடுப்பவருக்கும் பெறுபவருக்கும் இடையே மகிழ்ச்சியையும் மனநிம்மதியையும் அளிக்கவேண்டும்.  

     இந்த செய்தித்தாளை எழுதுவதன் நோக்கம், இந்த சமூக நிதியைப் பற்றி மேலும் பலருக்குத் தெரியப்படுத்துவதும், அவர்கள் மேலும் நன்கொடைகளைப் பெறுவார்கள் என்ற நம்பிக்கையும் ஆகும்.

  மற்றவர்களுக்கு உதவுவது மகிழ்ச்சியின் அடித்தளம் என்று நான் நம்புகிறேன், மேலும், ஒவ்வொருவரும் இந்த சமூகத்திற்குப் பங்களிக்க முடிந்தால், இந்த சமூகம் நிச்சயமாக சிறந்த இடமாக மாறும்.

சி.சுவிக்‌ஷன் 5E