Gipuzkoako Foru Aldundiaren ustez, energia aurrezpena eta eraginkortasuna energia berriztagarrien sustapenarekin batera jorratu behar diren konpromiso publikoak dira, erregai fosilak erretzeagatik sortutako berotegi efektua duten gasen isuriak mugatzen laguntzeko, berriztagarriak ez diren baliabide energetikoen kontsumoa murrizteko eta sistema energetiko iraunkor baterako bidea bizkortzeko.

Kontuan hartu beharra dago ere 4/2019 Legeak, otsailaren 21ekoak, EAEko Jasangarritasun Energetikoari buruzkoak, neurri zorrotzak ezartzen dituela eraikinentzat, instalazioentzat eta ibilgailuentzat, sektore publikoari guztiari – bai foru sektoreari zein udal sektoreari- eta pribatu industrialari, zerbitzuenari, merkataritzari, bizitokiei, hirigintza garapen berriei eta garraioari eragiten dietenak.

Horrenbestez, Ingurumeneko eta Obra Hidraulikoetako Departamentuak eskumena duenez, klima aldaketaren aurkako borrokaren eta energia jasangarritasunaren alorretan, ekimenak abian jarri nahi ditu erantzuna emateko, batetik, dauden prestakuntza beharrei, bai Gipuzkoa Klima 2050 – 2050 Klima aldaketaren aurka borrokatzeko Gipuzkoako estrategian jasotako ekintzak modu egokian aplikatzea errazteko, bai betetzeko 4/2019 Legean, otsailaren 21ekoan, EAEko Jasangarritasun Energetikoari buruzkoan.