Ikastetxean bertan landu ahal izateko materiala bidaliko zaie partehartzaileei. Hainbat testu eta artikulu izango dira, galdera batzuekin ideia nagusiak azpimarratu eta datu osagarriak bilatzeko, ondoren gaiaren inguruko eztabaida sortzeko helburuarekin. Ikastetxe bakoitzak hautatu dezake zein ikasgaitan landu materiala. Ohikoena energia gaia zientzia eta teknologia gaietan txertatzea bada ere, kasu honetan gaiaren tratamendua dela eta etika eta tutoretza gisako ikasgaiak testuinguru aproposak izan daitezke, bereziki ikasle guztiek dituzten ikasgaiak direlako hautazkoak ekidinez.

Ondoren Usurbilgo Lanbide Eskolara bisita egunean, amankomunean jarriko dugu ikastetxean landutakoa, zalantzak argitu, iritzi ezberdinak entzun, ondorioak… Ondoren 20-ko taldetan banatuko gara eta energiaren inguruko instalakuntza eta teknologia ezberdinak ezagutzeko ekintzak gauzatuko dira txandaka: energia mikro sarea, eguzki energia fotovoltaiko eta termikoa, termografia, LED argiteria…

Goiz batean 3 orduko saioa izango da.