وانە پڕاکتیکیەکانی بەشی پەرستاری

بەشی پەرستاری لە پەیمانگای تەکنیکی کوردستان بۆ ساڵی خوێندنی ٢٠٢٣-٢٠٢٤ دەستکرا بە خوێندنی سمستەری یەکەم ،بۆ ئەم مەبەستەش بە پلانێکی تۆکمەی زانستی و بە کرداری کردنی وانەکان هەستان بە دەست پێکردنی ساڵی نوێ خوێندن.

لەوانەی پراکتیکی فەندامێنتەڵ ئۆف نێرسین بەسەر پەرشتی مامۆستایانی وانەکە هەریەکە لە (م.عیرفان ،م. ڕێژنە ، م. هەردی ،م.ڕازەر ) هەستان بە ئەنجام دانی وانەی پڕاکتیکی لەبەر کردن و دانانی پیداویستییە خۆپارێزییەکان بۆ ژووری نەشتەرگەری و ژووری تایبەتی نەخۆشییە گوازراوەکان.

هەریەکە لە خوێندکارەکان پاش ئەوەی بەشیوەی تێۆری وانەکەیان وەرگرت پاشان هەستان بە لەبەر کردن و دانانی پێداویستیە خۆپارێزییەکان .

جێگەی سوپاس و پێزانینە کە ڕاگرایەتی پەیمانگای تەکنیکی کوردستان و سەرۆک بەشی پەرستاری هەمیشە پاڵپشت و هاوکاری مامۆستایان و خوێندکاران بوون بۆ بەرزکردنەوەی ئاستی زانستی و بە کرداریکردنی وانەکانیان لە بەرزترین ئاستی زانستی و لەسەر ستانداردە نێودەوڵەتییەکان .

بڕوانامەی سەرکەوتن

ڕاگری پەیمانگای تەکنیکی کوردستان لە مەراسیمێکی شایستەدا بڕوانامەی سەرکەوتنی بەخشیە بەشی پەرستاری لە پاش بە دەستهێنانی پلەی سێهەم لە کێبڕکێی ئەنجامدانی زۆرترین چالاکی وێبسایتی بەشی پەرستاری .

جێگەی سوپاس و پێزانینە بۆ سەرجەم مامۆستایان و یاریدەدەری کارگێری بەشی پەرستاری و سەرجەم فێرخوازان کە بەشێوەیەکی چالاکانە بەشداربوون لە بەدەستهێنانی ئەم بڕوانامەیە و هیوای کاری بەردەوام و پیکەویی بۆ زیاتر بەرەو پێش بردنی وێبسایتی بەشی پەرستاری و دەوڵەمەند کردنی بە بابەتە زانستیەکانتان 

سەردانی زانستی

بەمەبەستی زیاتر ئاشنابوون بە ژیانی پراکتیکی و ژینگەی کارکردنیان فێرخوازانی بەشی پەرستاری لە ژێر سەرپەرشتی ڕاگرایەتی پەیمانگای تەکنیکی کوردستان هەڵسان بە ئەنجامدانی سەردانی زانستی بۆ نەخۆشخانەکانی های کوالتی (د.ئەنوەر شێخە) بۆ وانەی میدیکاڵ نێرسین بە سەرپەرشتی مامۆستایانی بەشی پەرستاری و سەرۆک پەرستارانی نەخۆشخانەکە.

شایەنی باسە لەم زنجیرە سەردانانەدا خوێندکاران زیاتر ئاشنا بوون بە ئەو خزمەتگوزارییە تەندروستیانەی پێشکەشی چارەخوازان دەکرێت لەسەر ستانداردە نێودەوڵەتیەکان و بینیی ژیانی پراکتیکی و ئەنجامدانی ئەو خزمەتگوزاریە تەندروستیە زانستیانەی کە بە شێوەی تیۆری وەریان گرتوە لە درێژەی کۆرسەکانی خوێندنیان.

حەوتەمین خولی دەرچوان

ئەلبومێک لە وێنەکانی حەوتەمین خولی دەرچوانی پەیمانگای تەکنیکی کوردستان و چوارەمین خولە بەشی پەرستاری.

بە بۆنەیەوە بە ناوی ڕاگرایەتی پەیمانگا و بەشی پەرستاری و سەرجەم دکتۆر و مامۆستایانی بەشی پەرستارییەوە گەرمترین پیرۆزبایتان لێدەکەین و هیوادارین داهاتوویەکی گەش و پرشنگدارتان هەبێت و تاکێکی بەهەمدار بن بۆ خزمەتی وڵات و نیشتیمان و هاوڵاتیان.

هۆڕکشۆپی زانستی 

لە درێژەی کاروچالاکییەکانی بەشی پەرستاری لە ژێر سەرپەرشتی ڕاگرایەتی پەیمانگای تەکنیکی کوردستان هەڵسا بە ئەنجامدانی هۆڕکشۆپێک بۆ نیان عبدالرحمن پەرستاری زانکۆ سەبارەت بە تەداوی کردن و چاودێریکردنی برینی شەکرە.

شایەنی باسە لە چالاکیە زانستیەکەدا باس لە تەداوی کردنی برینی شەکرە و جۆرەکانی برین شەکرە کرا هەروەها ڕێگە زانستیە نوێییەکانی تەداوی کردنی برینی شەکرە وە ئەو تەکنیکە نوێیانەی بەکاردەهێنرێن لە چاودێریکرنی برینی شەکرە وە لە درێژەی چالاکییەکەدا بە شێوەی تیۆری و پڕاکتیکی ڕوونکرایەوە.

سیمیناری زانستی

لە درێژەی چالاکییە زانستییەکانی بەشی پەرستاری پەیمانگای تەکنیکی کوردستان، لە ژێر چاودێری راگرایەتیدا هەستا بە سازدانی سیمینارێکی زانستی بۆ بەڕێز  د. هەڵگورد حمە صالح جاف پسپۆڕی پزیشکی ددان بە ناونیشانی " گرفتە باوەکانی دەم و ددان، هۆکار و کاریگەری نەخۆشییەکانی جەستە"، لە ڕۆژی یەک شەممە ڕێکەوتی (19/11/2023)  لە کاتژمێر 10:00 لە هۆڵی کۆنفرانسی شێخ فاخر شێخ طیب ساز کرد.

لە سیمینارەکەدا تیشک خرایە سەر کێشە و نەخۆشیە باوەکانی ددان و پوک وە ڕێگاکانی خۆپاراستنیان، وە هۆشیارکرانەوە سەبارەت بەوەی گرنگی زیاتر بدەن بە پاک و خاوێنی دەم و ددان و خواردنەوەی بڕی پێویستی ئاو وە سەردانی کردنی پزیشکی ددان ٦ مانگ جارێک بۆ چێک کردنی دام و ددان و پوکیان.

چالاکی ڕۆژی جیهانی شەکرە

لە درێژەی کار و چالاکییەکانی بەشی پەرستاری بۆساڵی خوێندنی ٢٠٢٣-٢٠٢٤ بە هاوبەشی بەشی شیکاری نەخۆشیەکان بە سەرپەرشتی ڕاگرایەتی پەیمانگای تەکنیکی کوردستان هەستا بە ئەنجامدانی چالاکییەک بۆ ماوەی ٣ ڕۆژ لە فاملی مۆڵ و ماجدی مۆڵ بە بۆنەی ڕۆژی جیهانی نەخۆشی شەکرە بە ناونیشانی "هەڵمەتی هۆشیاری  بەرەنگاربوونەوەی نەخۆشی شەکرە".

جێگەی ئاماژە پێکردنە  لەم چالاکیەدا خوێندکاران بەسەرپەرشتی دکتۆر و مامۆستایانی بەشەکان هەستان بە ئانجامدانی پیوانی نیشانە زیندەگیەکان وەک (پەستانی خوێن و لێدانی دڵ و ئۆکسجین و شەکری ناو خوێن) وە هەروەها پیوانی هیمۆگڵۆبین و گروپی خوێن بۆ سەردانیکەرە بەریزاکان یانجام درا.

رۆژی جیهانی شەکرە ١٤-١١ دیاریکراوە بۆی و ساڵانە پەیمانگای تەکنیکی کوردستان هەڵدەستن بە هۆشیار کردنەوەی تاکەکانی کۆمەڵگا لە ماکەکانی نەخۆشیەکە و ڕێگەکانی خۆپاراستن لە توشبوونی.

لەم جالاکیەدا خوێنکاران هەلسان بە هۆشیارکردنەوەی میوانەکان لەڕێگەی زانیاری دروست لەسەر خواردنە تەندروست و ناتەندروستەکان وە هەروەها ئاشناکردنیان بە ڕێژەی شەکر لە خواردنەکان ، وە هەروەها ئامادەکردن و پیشاندانی چەند پۆستەرێک کەتیایدا چەندین ڕێنمایی لەخۆیدەگرت سەبارەت بەنەخۆشیەکە و چۆنیەتی ڕێگریکردن وەهەروەها کۆنترۆڵ کردنی نەخۆشیەکە..

لیرەدا بە دەرفەتی دەزانین کە سوپاس و پێزانین ئاراستەی ڕاگرایەتی پەیمانگای تەکنیکی کوردستان بکەین کە هەمیشە هاوکاری فیرخوازانە بۆ ئەنجامدانی چالاکی زانستی لە ناو پەیمانگاو دەرەوەی پەیمانگا بە ئامانجی هۆشیارکردنەوەی تاکەکانی کۆمەڵگا .

سەردانی زانستی

لەمیانی کار و چالاکییەکانی پەیمانگای تەکنیکی کوردستان بەشی پەرستاری لە وانەی نەخۆشییە دەرونیەکان سەردانێکی زانستیان کرد بۆ نەخۆشخانەی سۆزی دەروونی تایبەت بە توشبوانی نەخۆشی دەروونیە درێژ خایەنەکانی خانمان .

شایەنی باسە کە خوێندکاران لە نزیکەوە ئاگاداربوون لە ڕەوشی نەخۆشخانەکە و دۆخی نەخۆشەکان و چۆنیەتی چارەسەر وەرگرتنیان وە هەروەها بینینی ڕۆڵی پەرستاران لە چارەسەر وەرگرتنی چارەخوازان و خزمەتگوزاریی تەندروستی وە ئەم گەشتە زانستیە بەسەرپەرشتی سەرۆک بەشی پەرستاری و مامۆستایانی بەشی پەرستاری ڕێکخرا.

جێگەی سوپاس و پێزانینە بۆ بەڕێوبەری کارگێری و توێژەرانی دەروونی کە هارکاری پەیمانگامان بوون لە گەشتە زانستیەدا.

سیمیناری زانستی

لەپێناو پەرەپێدانی زانیاری گشتی و پتەوکردنی کەسێتی فێرخوازان و ئاشنابوونی فێرخوازان بە نوێترین داواکاریەکانی بازاڕی کار بۆ ئەم مەبەستەش سیمینارەکان بەردەوامییان هەیە، لەچوارچێوەی وانە پەیوەست کراوەکان بە پرۆگرامی خوێندن(co_curriculum activities) بە سەرپەرشتی د. هۆزان لطیف سەرپەشتیاری وانەی (co_curriculum) لەبەشی پەرستاری، سیمینارێک بە ناونیشانی (self confidence) ڕێکخرا.

شایەنی باسە لە سیمینارەکە باس لە گرنگی باوەڕ بە خۆبون و توانای بڕیاردانی دروست کرا کە خوێندکاران ئەتوانن سود لەم سۆفت سکیڵە ببینین بۆ بەهێزکردنی تواناکانیان و بەهێز کردنی بڕوانامەکانیان لە داهاتوودا بۆ دەستخستنی کار و بەرەو پێش بردنی ژیانی داهاتوویان

سیمینارێک دەربارەی پیربوونی پێشوەختە

لەپێناو پەرەپێدانی توانای زانستی و ئەکادیمی مامۆستایان، چالاکییە زانستییەکان بۆ بەرەوپێشبردنی ئاستی زانستی بۆ ساڵی نوێی خوێندن دەستیپێکردەوە، بەڕێوەبەرێتی زانستی و دڵنیایی جۆریی پەیمانگە، ڕۆژی دوو شەممە ڕێکەوتی (30/10/2023)  کاتژمێر 10:00 لە هۆڵی سیمینار، سیمینارێک بۆ بەڕێز پرۆفیسۆری یاریدەدەر د. پە ری محمد عزيز مامۆستا لە بەشی پەرستاری بە ناونیشانی " پیربوونی پێشوەختە" ڕێکخست. 

دوو مامۆستای بەشی پەرستاری دەبنە ڕاهێنەری نێودەوڵەتی

لەمیانی بەشداریکردنی دوو مامۆستای بەشی پەرستاری (م.عیرفان عمر، م. هەردی حسن) لەسەنتەری مەشقی  پزیشکی سەربازی (MMTC) بۆ ماوەی ١ هەفتە بە چر و پڕی ڕاهێنانیان پێکرا لەلایەن هێزە پزیشکیە سەربازییەکانی ئەڵمانیا لە سەر بابەتی فریاگوزاری سەرەتایی پزیشکی سەربازی لە هێڵی یەکەمی بەرگری و لە کۆتاییدا بڕوانامەی (TOT) ی هێزەکانی ناتۆیان پێدرا لەبواری فریاگوزاری پزیشکی سەربازی .

شایانی باسە پەیمانگای تەکنیکی  کوردستان هەمیشە هاوکار و پشتیوانی سەرجەم مامۆستایان بوە بۆ بەرزکردنەوەی ئاستی زانیاری و کرداری بۆ زیاتر خزمەتکردنی خوێندکاران و هەموو ئاستەکانی کۆمەڵگە بێجیاوازی.

بابەتی خولەکە پێکهاتبوو لەسەر فریاکەوتنی پزیشکی سەربازی بۆ کاتی پەلقرتان و فیشەک لێدان و مین تەقان پێداو وەستانی هەناسە و فیشەک دان لە سنگ و دەرهاتنی ڕیخۆڵە و حەوز شکان و پاراستن لە ڕەقبونەوە و زابری سەر و جێگیرکردنی شکاوی.

تەندروستی دەروونی مافێكی گشتگیری مرۆڤە 

ئەم دروشمی رۆژی جیهانی تەندروستی دەرونیە بۆ ساڵی ٢٠٢٣

ڕۆژی جیهانی تەندروستی دەروونی لە 10ی تشرینی یەکەمی هەموو ساڵێکدا بۆ هۆشیارکردنەوەی خەڵک  سەبارەت بە پرسەکانی تەندروستی دەروونی، و گرنگیدان بەو پرس و کێشە دەروونیانەی کە ڕەنگە تاکەکان بەدەستیەوە بناڵێنن و کاریگەری لەسەر کوالێتی ژیان و چێژوەرگرتنیان لە ژیانیان هەبێت.

  لەم ڕۆژەدا خوێندكارانی بەشی پەرستاری لە پەیمانگای تەكنیكی كوردستان لە ژێر چاودێری ڕاگرایتی پەیمانگا و بەسەرپەرشتی سەرۆك بەش ومامۆستایانی بەش  هەستان بەئەنجام دانی چەند چالاكیك بۆ هۆشیارکردنەوەی خەڵک  سەبارەت بە پرسەکانی تەندروستی دەروونی 

چالاكیكانیش  بریتبون لە ئامادە كردنی كۆمەڵیك بروشور ودابەش كردنی لە شوینە گشتێكان هەروەها بەسەر كردنەوەی نەخۆشانی نەخۆشخانەی سۆزی دەرونی وئەنجام دانی چالاكیك لەگەڵ نەخۆشەكان وەكو وێنە كێشان وچیرۆك خۆێندنەوە وكارەدەستێكان وهەروەها بردنی كۆمەڵێك كتێب وكەرەستەی وێنە كێشان بۆ كتێبخانەی نەخۆشخانەكە وەكو دیاری 

.

بەغداد

کۆشکی کۆماری

لە درێژەی کاروچالاکیەکانی پەیمانگای تەکنیکی کوردستان بەشی پەرستاری بۆ لیوای تایبەتی سەرۆک کۆمار فەوجی ٣ بە هەماهەنگی سەندیکای کارمەندانی تەندروستی لقی سلێمانی و تیمە تەندروستیەکانی بەرەکانی جەنگ و سەنتەری راهێنانی مەشقی سەربازی خولێکی فریاگوزاری سەرەتایی پزیشکی سەربازیان کردەوە لە بەرواری ٤-٥-٦ ی مانگی ٩ لە کۆشکی کۆماری لە بە‌غدادی پایتەخت.

ئامانجی ئەم خولانە بڵاوکردنەوەی هۆشیاری تەندروستی و راهێنانی پێشمەرگەکانی پاراستنی نیشتمانە بۆ پاراستنی گیانی خۆیان و کەسوکار و هاونیشتیمانیان لە حاڵەتە لە ناکاوەکان بۆ پاراستنیان لەمردن و کەم ئەندام بوون وە بۆ ئەوەی بەکەمترین زیان لێیدەربچن.

لە خولەکەدا باسی ئەم بابەتانەی خوارەوە کران و راهێنان کرا بە ئامادەبووان:

-چۆنییەتی گواستنەوەی کەسی قوربانی بۆ ژینگەیەکی سەلامەت بە ڕێگەیەکی زانستی.

-چۆنییەتی کردنەوەی ڕێڕەوی هەوای کەسی قوربانی لە کاتی زمان هەڵگەرانەوە.

-چۆنییەتی ئەنجامدانی بوژاندنەوەی دڵ و سییەکان کە خۆی دەبینێتەوە لە پێدانی هەناسەی دەستکرد و شێلانی سنگ.

-چۆنییەتی دانانی نەخۆش لە باری چاکبونەوەدا.

-چۆنییەتی مامەلە کردن لەگەل قوربانییەکدا کە پێکان لە بربرەو درکەپەتکیدا هەبێت.

- ڕزگارکردنی کەسێک کە ڕێرەوی هەوای گیرابێت بەهۆکارێکی دەرەکی.

-چۆنییەتی مامەلە کردن لەگەل خوێن بەربونی دەرەکی و فیشەک لێدان ولێبونەوەی پەلەکاندا

-چۆنییەتی جێگیرکردنی شکاوی.

-چۆنییەتی رزگارکردنی کەسێک کە مار و دووپشک و زەردەواڵە و هەنگ پێوەی داوە.

-چۆنییەتی مامەلەکردن لەگەل کەسێک کە توشی بورانەوە دەبێت.

-چۆنییەتی مامەلە کردن لەگەل قوربانییەک کە توشی سوتان دەبێت.

-چۆنییەتی مامەلە کردن لەگەل کەسێک کە توشی گەشکە ببێت.

-چۆنییەتی مامەلە کردن لەگەل کەسێک کە ڕیخۆڵەی هاتبێتە دەرەوە.

خولی فریاگوزاری سەرەتایی پزیشکی سەربازی 

لە چوارچێوەی چالاکییەکاندا، لە بواری بڵاو کردنەی هۆشیاری تەندروستی، وەکو خزمەتێک بە هێزەکانی پێشمەرگە، کە زامنی ئاسایش و ئارامی نیشتمانن، ماندوو نەناسانە خزمەت بە گەل و وڵات دەکەن، بەشی پەرستاری لە ژێرچاودێری راگرایەتی بە سەرپەرشتی هەردوو مامۆستایانی بەش مامۆستایان(عرفان عمر و هەردی حەسەن) بە هەماهەنگی لەگەڵ سەندیکای کارمەندانی تەندرووستی و ناوەندی مەشقی پزیشکی سەربازی و تیمە تەندروستییەکانی بەرەکانی جەنگ، هەردوو ڕۆژانی چوارشەممە و پێنجشەممە لە بەروارەکانی ۳۰/٨/٢٠٢٣ و ٣١/٨/٢٠٢٣ خولێکی دوو ڕۆژەیان لەسەر فریاگوزاری سەرەتایی پزیشکی سەربازی بۆ فەوجی پێنج لە فەرماندەی هێزەکانی سکرتارییەتی سەرۆک مام جەلال ساز کرد.

لە خولەکەدا باسی ئەم بابەتانەی خوارەوە کران و راهێنان کرا بە ئامادەبووان:

-چۆنییەتی گواستنەوەی کەسی قوربانی بۆ ژینگەیەکی سەلامەت بە ڕێگەیەکی زانستی.

-چۆنییەتی کردنەوەی ڕێڕەوی هەوای کەسی قوربانی لە کاتی زمان هەڵگەرانەوە.

-چۆنییەتی ئەنجامدانی بوژاندنەوەی دڵ و سییەکان کە خۆی دەبینێتەوە لە پێدانی هەناسەی دەستکرد و شێلانی سنگ.

-چۆنییەتی دانانی نەخۆش لە باری چاکبونەوەدا.

-چۆنییەتی مامەلە کردن لەگەل قوربانییەکدا کە پێکان لە بربرەو درکەپەتکیدا هەبێت.

- ڕزگارکردنی کەسێک کە ڕێرەوی هەوای گیرابێت بەهۆکارێکی دەرەکی.

-چۆنییەتی مامەلە کردن لەگەل خوێن بەربونی دەرەکی و فیشەک لێدان ولێبونەوەی پەلەکاندا

-چۆنییەتی جێگیرکردنی شکاوی.

-چۆنییەتی رزگارکردنی کەسێک کە مار و دووپشک و زەردەواڵە و هەنگ پێوەی داوە.

-چۆنییەتی مامەلەکردن لەگەل کەسێک کە توشی بورانەوە دەبێت.

-چۆنییەتی مامەلە کردن لەگەل قوربانییەک کە توشی سوتان دەبێت.

-چۆنییەتی مامەلە کردن لەگەل کەسێک کە توشی گەشکە ببێت.

-چۆنییەتی مامەلە کردن لەگەل کەسێک کە ڕیخۆڵەی هاتبێتە دەرەوە .

وا بریارە لە هەفتەکانی داهاتوودا ئەم زنجیرە خولانە بۆ بەشێکی دیکەی هێزەکانی پێشمەرگە بەردەوام بێت.

دوا چالاکی فێرخوازانی بەشی پەرستاری لە ئامادەییەکانی کچانی سنوری پارێزگای سلێمانی، وەکو بەشێک لە هەڵمەتی هۆشیاری لەسەر شێرپەنجەی مەمک

چالاکی فێرخوازانی بەشی پەرستاری لە ئامادەییەکانی کچانی سنوری پارێزگای سلێمانی بەردەوامە

هۆشیاری تەندرووستی سەبارەت بە نەخۆشی سالاسیمیا لە ناوەندەکانی خوێندندا