Nā Oli Kula

Oli Komo 

 A uka ho‘i au ‘o Haleakala kū kilakila

Kilakila ka hālau o ke ali‘i ka lani ē

‘O Kalaniku‘ihonoikamoku

‘O ka moku kaulana a Kamalālawalu ē

He kama kēia e kū nei i waho

E ake ana e komo i ka hālau o Kekaulike

I kau like ai ka pono o ka ‘āina, ka pono o Maui nui ē

Oli Kāhea 

 E hea i ke kanaka e komo i ka hālau o Kekaulike

Kahi e hānai ai i nā kama ē

E nā kama nui a Maui e kū i ke aloha

Kū li‘uli‘u

E kū i ka ‘ike pono

Kū loloa 

E kū i ka moku ē...

 E komo mai nei ē

Noho i ka Lā

Noho i ka lā o ka ʻike mālamalama 

I ka uka ʻiuʻiu o Haleakalā

Hihio ka ʻŪkiu i ka ua Naulu

Kuʻua ka wai ola o ka lani mānuʻu

I ola i ka pono nā lehua kūliʻa 

Kūlia i ka nuʻu a kū i ka moku e

ʻO Kalanikuʻihonoikamoku eā

Ke aliʻi kaulike i ka pono eā

E ke kula kiʻekiʻe ʻo Kekaulike, 

Ua ea. 

EA!