As principais funcións do equipo de alumnado axudante á convivencia son:

• Resolución de pequenos conflitos

• Integración do novo alumnado

• Identificación e análise dos problemas de convivencia

• Detección de casos de acoso escolar

• Aportación de melloras para a convivencia

Pertencer ao equipo implica asistir á formación e ás reunións periódicas de coordinación.

Cómpre saber que o alumnado axudante non educa ao resto do alumnado, nin fai mediacións, nin resolve os problemas de xestión de aula do profesorado.

Utilízanse 2 titorías no mes de outubro. A primeira para presentar ao alumnado o proxecto de axuda entre iguais e as funcións do EAA e a segunda para a selección do mesmo.  

Titorías de presentación e selección do EAA

Tras a votación segreda do alumnado, as persoas titoras de convivencia de cada nivel entrevistan individualmente ao alumnado máis votado do seu curso. Finalmente, as titoras de convivencia xunto coa orientadora e a coordinadora do EAA deciden en reunión quen será o alumnado que formará o EAA deste curso tras a información recollida.

No mes de novembro as familias do alumnado seleccionado foi convidada a unha reunión informativa sobre o proxecto do EAA.

Presentación aquí

No mes de novembro asistiron a 10 horas de formación impartidas por unha profesional externa ao centro: Jennifer Herbón  Inicio - (convivemais.com) 

Novas | I.E.S. MANUEL GARCÍA BARROS DA ESTRADA (xunta.gal) 

Máis fotos

A partir de decembro o EAA, as titoras de convivencia de cada nivel da ESO e a coordinadora de convivencia xúntanse quincenalmente fóra do horario lectivo para reflexionar, formarse e propoñer ideas para a mellora da convivencia no instituto.

A metodoloxía empregada na maior parte das reunións foron os círculos de diálogo. 

Estes manteñen unhas fases fixas que axudan á organización e a dar seguridade aos participantes. Estes sentan en círculo cun obxecto, o cal facilita o respecto dos turnos de palabra e a participación equitativa. 

Máis información sobre as dinámicas das sesións

Referenzas bibliográficas

Periódicamente cada persoa titora de convivencia reúnese co EAA do seu nivel para planificar as intervencións ante problemas concretos que van xurdindo. 

O EAA non pode decir o nome das persoas implicadas á persoa titora, fálase do feito non do nome dos protagonistas. 

Para resolver os problemas séguense "Os pasos da axuda".

O alumnado recoñece que a experiencia de ter formado parte do EAA servíulle para:

• Detectar problemas: "aprendín que no instituto hay moitos máis problemas dos que nos pensabamos", "dinme conta de que hay moita xente soa que o pasa mal e non ten axuda"

• Empatizar: "Aprendín a fixarme máis na xente do meu redor e non só nos meus amigos" "Axudoume a entender mellor á xente"

• Habilidades para a resolución de conflictos: "Axudei a moita xente e a min tamén" "Axudamos a moita xente ainda que non fora directamente" "Aprendín a reflexionar e a solucionar problemas"

• Mellorar o vínculo: "servíume para traballar en equipo", "para respectarnos máis entre nós", "destaco o ben que nos levamos" "Destaco o repecto e o bo trato"